Austurglugginn - 15.01.2004, Side 6

6
AUSTUR • GLUGGINN
Fimmtudagur 15. janúar
VIÐTALIÐ é
Byrjar sm
en er bjar
Það fitna flestir um jólin og fátt dugar til að vinna á fitunni annað en
breytt mataræði og hreyfing. Eymundur Magnússon, bóndi í Vallanesi,
er kannski ekki með töfralausnina en kemst ef til vill nálœgt því.
Eymundur hefur búið í Vallanesi síðan 1979
eða í nær tuttugu og fimm ár.
Þar framleiðir hann eingöngu lífrænt ræktað
grænmeti sem hann er nú farinn að vinna úr
tilbúna skyndirétti svo sem bygg og rauðrófu
buff ásamt byggsalati.
Þessir buff skyndiréttir eru nú að fara á smá-
sölumarkað í þessari viku og koma mátulega í
búðirnar fyrir fólk sem er að horfa eftir léttum
skyndibita til að létta sig eftir jólaveislurnar.
Upp úr áramótum fer að jafnaði af stað bylgja
heilsueflingar og grænmetisbuffin koma mátu-
lega á markaðinn til að anna hluta af eftir-
spurninni á megrunarfæðinu.
011 framleiðsla Eymundar er framleidd undir
vörumerki hans “móðir JÖRД.
Þegar Eymundur hóf búskap í Vallanesi bjó
hann með kýr og kálfa og stundaði mjólkur- og
kjötframleiðslu fram til 1989. Þá hætti hann
með kýmar en var áfram með kálfa til kjötfram-
leiðslu í fimm ár og fór að rækta lífrænt græn-
meti, t.d. kartöflur, bygg og ýmsar tegundir
grænmetis sem hann seldi sér merkt og pakkað
undir eigin vörumerki “móður JARÐAR” .
Fram til þess þekktist það trauðla að svona vör-
ur væru sérmerktar framleiðanda. Flestir fram-
leiðendur í þessum geira seldu undir nafni
dreifingaraðila.
Eftirspurn eftir
LÍFRÆNT RÆKTUÐU VEX
Eymundur segist hafa á þessurn tíma verið far-
inn að finna fyrir eftirspurn eftir lífrænt rækt-
uðu grænmeti svo hann hellti sér út í þessa
framleiðslu. Byrjaði aðallega í grænmeti, síðan
fór byggið að koma sterkara inn og hann fór að
markaðssetja það sem malað korn til baksturs.
Þegar bankabyggið kom til var farið að nota
byggið beint í staðinn fyrir hrísgrjón.
Sérmerkingin vakti strax athygli og þar sem Ey-
mundur hefur alltaf haft áhuga á markaðssetn-
ingu og hefur metnað til að standa og falla með
eigin framleiðslu greip liann tækifærið og fór út
í mikla markaðssetningu sem fólst að miklu
leyti í að kenna fólki að borða bygg.
Byggið sem Eymundur framleiðir til manneld-
is er ekki frábrugðið bygginu sem framleitt er til
skepnufóðurs hér á landi, munurinn liggur í
framleiðsluferlinu. Fyrst er byggið þurrkað
með sérstökum hætti. Þá er það afhýtt klíðinu,
síðan þarf að sverfa utan af byggkorninu skelina
sem er gert í sérstökum vélum, þetta fram-
leiðsluferli gerir það hæft til manneldis.
Bankabygg kennt við Banks
Bankabygg er byggið kallað eftir enskum
manni Banks að nafni, sem seldi mikið af korni
uppúr seinna stríði, meðal annars til íslands.
Samhliða grænmetisframleiðslunni hefur Ey-
mundur alltaf verið í skógrækt. Hann hefur ver-
ið í Héraðsskógaverkefninu frá upphafi. Hann
var reyndar byrjaður í skógrækt áður en það
kom til, náði í skottið á Fljótsdalsáætlun. Nú er
búið að planta yfir milljón trjám í Vallanes-
land, bæði í skjólbelti og nytjaskóg og má segja
að landið sé fullplantað.
Bygg og grænmetisræktunin byggist mikið á
skjólbeltaræktinni sem skapar virkilega góð
ræktunarskilyrði svo greinilegur munur er á
uppskeru á spildunum sem skjólbeltin eru full-
vaxin um. Byggið sem ræktað er á skjólbelta-
stykkjum er stærra en á hinum stykkjunum sem
ekki hafa fullvaxin skjólbelti.
Nuddolíur
Eymundur framleiðir einnig þrjár gerðir af
nuddolíum sem gerðar eru úr sérpressaðri líf-
rænt ræktaðri ólífuolíu sem hann blandar birki
og blágresi saman við ásamt kjamaolíum. Þess-
ar nuddolíur hafa verið í þróun f meira en tutt-
ugu ár. Það var lengi verið að prófa þetta á vin-
um og vandamönnum. Birkið og blágresið sem
Eymundur notar í nuddolíurnar ræktar hann
sjálfur lífrænt í skógrækt sinni.
Lífolían, sem er blönduð birki og kjarnaolíum,
hefur reynst vel sem bót á vöðva og vöðvabólgu
og er talin sérlega góð fyrir sogæðakerfið.
Birkiolían og blágresisolían hafa reynst vel fyrir
þurra húð, sár, við exemi og psoriasis. Blágres-
isolían hefur einnig reynst vel á slímhúð og er
sérlega góð fyrir andlitið eftir mikla útiveru.
Fullunninn skyndibiti
Á síðasta ári hefur Eymundur stöðugt verið að
fikra sig út í framleiðslu á fullunnum skyndi-
bita úr framleiðslu sinni og er nú með í fram-
Eymundur i Vallanesi pakkar lifrænt ræktuðu grænmetinu sem hann hefur ræktað og framleitt
Byggbuff úr sem hann selur i smásölupakkningum. Þetta kemur sér vel þegar fólk fer að grenna
sig eftir jólin.
leiðslu tvær gerðir af grænmetisbuffum:
byggbuff og rauðrófubuff ásamt Byggsal-
ati.
Þessi buff eru framleidd soðin, velt upp
úr kornraspi og fryst fjögur saman í pakka
í smásölupakkningunum en sextán sam-
an í pakka í mötuneytispakkningunum,
tilbúin á pönnuna eða örbylgjuofninn.
Þórunn, dóttir Eymundar, hefur þróað
þessar uppskriftir sem nú eru komnar í
framleiðslu. I byggbuffinu er mest af
bankabyggi, síðan kartöflur og steinselja
eins og í rauðrófubuffinu en þar eru
rauðrófur meginstoð. Þetta hráefni fram-
leiðir Eymundur sjálfur í Vallanesi en
kaupir grænar linsubaunir og krydd að
sjálfsögðu einnig lífrænt vottað eins og
öll hans framleiðsla er.
Það hefur tekið fullt ár að þróa þessa til-
búnu rétti, stöðugt verið að þróa upp-
skriftir, prófa og smakka. Eymundur setti
fyrr á árinu á markað mötuneytispakkn-
ingar af þessari framleiðslu. Sú fram-
leiðsla tók vel við sér og selst vel.
Bygg og rauðrófubuff
í SMÁSÖLUPAKKNINGUM
Nú er verið að leggja lokahönd á fram-
leiðslu bygg og rauðrófubuffa í pakkning-
um fyrir smásölu sem koma á markað í
þessari viku og verður þessi framleiðsla
seld í Kaupás og Samkaups verslunun-
um, svo sem Sparkaupum, Nóatúni, 11-
11, Krónunni og Nettó.
Eymundur segir greinilegt að hann hafi
hitt á eftirspurn eftir skyndi grænmetis-
fæði. Nú eru margir að sækjast eftir létt-
ara fæði, sem hefur verið erfitt að fá á
skyndibitamarkaðnum. Vinnan nú á
dögum er ekki eins erfið og áður var og
fólk býr í hlýrra húsnæði svo við þurfum
ekki eins þungan mat og fyrr á árum.
Þess vegna eykst eftirspurnin jafnt og þétt
eftir léttara fæði.
Sérstaklega um þessar mundir þegar
fjöldi fólks er að efna áramótaheitin og
fara í megrun eftir jólin.
Góð viðbrögð neytenda
Eymundur segir að þessi framleiðsla hafi
fengið góð viðbrögð neytenda. Hann hef-
ur alltaf lagt áherslu á beint samband við
neytendur. Hann notar tímann um vet-
urinn þegar minna er að gera til að
standa í búðum í Reykjavík og gefa fólki
að smakka á framleiðslunni.
Það tekur að vísu tíma að vinna sig út úr
stofnkostnaðinum, þó leitað hafi verið
eftir fjárhagslegri fyrirgreiðslu fékkst hún
ekki, það fékkst betri fyrirgreiðsla þegar
farið var út í grænmetisræktina, þess
vegna verður Eymundur að fjármagna
þetta með eigin fé, sem gerir hlutina
þyngri í framkvæmd og áhættuna meiri
en Eymundur er bjartsýnn á þetta og er
bjartsýnn að eðlisfari. Hann segir hægt að
byrja smátt með ódýr tæki og vinna þetta
með meiri handarvinnu þó það sé dýrara
en um leið og þetta fer að gefa af sér losn-
ar fjármagn til að byggja þetta betur upp
tækjalega.
sigad@agl.is