Æska og menntun - 01.06.1948, Síða 12

Margir af nemendum vorum eru aö búa sig undir
verzlunarstörf. Er leitast við að veita þeim hagnýta
reynslu meö því aö gefa þeim kost á aö vinna á
skrifstofum skólans, taka þátt í minni háttar kaup-
sýslustörfum, sem nemendur kunna aö hafa meö
höndum og starfa sem ritarar hjá kennurunum. —
hann einnig lieilagan, og svo eiga öll Guðs börn að
gjöra, allt til enda veraldar.
SöfnuSurinn er til samkvæmt boði Guðs, þar sem
allir trúaðir eru sameinaðir í kristilegt bræðralag
án tillits til kynþátta, þjóðernis eða lífsstöðu. Hin-
um heilögu fyrirmælum, skírninni og kvöldmáltíð-
inni, er fylgt í söfnuðinum, en þau eru ytri tákn
innri reynslu, sem kölluð er trú. í Biblíunni er að-
eins talað um skírn trúaðs fólks, sem kemur til að
auglýsa trú sina á Guð og ósk um að tilheyra söfn-
uði Guðs. Kvöldmáltíðin er til minningar um þá
fórn Krists, er hann gaf lif sitt til endurlausnar
mannkyninu. Bæði fyrirmælin eru sett til styrktar
trúnni og um leið til að halda Guðs börnum á vegum
sannleikans.
Endurkoma Krists mun verða raunveruleg og
sýnileg við enda veraldar. Þá munu þeir, er dóu i
trú á Krist, upprísa til eilífs lífs. Þangað til munu
hinir dánu hvila ótruflaðir í gröfum sínum.
í samræðum, sem Jesús átti við lærisveinana,
sagði hann þeim um ýmis fyrirbæri, er myndu
eiga sér stað rétt fyrir komu hans. Þessi fyrirbæri,
stríð, landskjálftar, hungursneyð, siðferðisleg hnign
un, virðast sjást í vaxandi mæli einmitt á okkar öld
og eru hinum athugula Bibliulesanda ærið um-
hugsunarefni. En enginn veit þann dag, sem Drott-
inn kemur, en söfnuðurinn verður að vaka og biða.
Það er skylda hvers kristins manns að hlýðnast
yfirvöldum sínum, en þau mega heldur ekki beita
hann þvingunum í andlegum málum. Maðurinn á
rétt á að dýrka Guð sinn eftir sannfæringu sinni og
samvizku. Þar sem hin borgaralegu lög eru í mót-
setningu við lög Guðs, verður hinn kristni fremur
að hlýða Guði en mönnum.
Kristinn maður verður að hugsa um heilbrigði
sína. Lífið er hin stærsta af öllum gjöfum Guðs,
það er heilagt, og okkur ber heilög skylda til að við-
halda heilbrigði líkama okkar með öllum þeim
ráðum, sem við höfum. Hreint loft, sólskin, hreyf-
ing, heilbrigð íveruhús og hvers konar önnur holl-
usta eru allt tæki, sem styðja að varðveizlu heils-
unnar. Kristinn maður á að lifa einföldu og hófsömu
lífi, en liann verður að afla sér þeirrar beztu fæðu,
sem hann á völ á. Nautnalyf eins og áfengi og tó-
bak hafa skaðleg áhrif bæði á likama og siðferði,
og því á enginn kristinn maður að neyta þeirra.
Þegar Drottinn kemur og hið illa hættir að vera
til, mun liann skapa nýja jörð, þar sem réttlæti og
hamingja munu ríkja. Þá mun sú Paradís, er einu
sinni glataðist, verða endurreist, og Guð mun vera
allt í öllu. Engin mannleg vizka getur skilið, hvað
eilífðin geymir í skauti sínu, en allir geta trúað,
vonað og beðið og reynt að skapa eins mikið Guðs
riki og i þeirra valdi stendur. Þá fyrst fær lífið
eitthvert innihald og einhvern tilgang, og líf þess,
er beitir öllum kröftum sínum í þágu hins góða,
verður aldrei árangurslaust.
Nemendunum er gefinn kostur á aö kynnast sem
fjölbreyttustu starfi jafnhliöa bóklegu námi.