Fréttablaðið - 02.11.2022, Blaðsíða 22

Mildari útgáfa
tvinnbílsins verður
nú aðeins í boði bein-
skipt með 1,4 lítra vél en
Strong Hybrid-tvinnbíll-
inn kemur aftur á móti
með 1,5 lítra vél og þá
aðeins með sjálfskipt-
ingu.
Grunnverð: 6.540.000 kr.
Hestöfl: 135
Tog: 138 Nm
Hröðun 0-100 km: 13,5 sek.
Hámarkshraði: 175 km
L/B/H: 4.300/1.785/1.585 mm
Hjólhaf: 2.600 mm
Veghæð: 175 mm
Farangursrými: 293 l
Eigin þyngd: 1.235
Eyðsla bl. ak: 5,8 l
CO2: 131 g/100 km
Suzuki S-Cross Strong Hybrid
KOSTIR
n Vel búinn
n Aðgengi
n Útsýni
GALLAR
n Farangursrými
n Sjálfskipting
Reynsluakstur
Njáll
Gunnlaugsson
njall
@frettabladid.is
Það ríkir mikil samkeppni í
flokki meðalstórra jepplinga
og því skiptir miklu máli að
bjóða upp á tvinnútfærslur
sem núna er komin í Suzuki
S-Cross.
Suzuki kynnti S-Cross með and-
litslyftingu í fyrra og á þessu ári
kemur hann í fullri tvinnútgáfu.
Hann er þá búinn 1,5 lítra bensín-
vél og og 140V lithium-rafhlöðu.
Vélin er 115 hestöfl og skilar 138
Nm togi gegnum sex þrepa sjálf-
skiptingu, og fær svo aukalega
33 hestöfl frá rafmótor sem er
tengdur beint við skiptingu bílsins.
Munurinn á mildari tvinnút-
gáfunni og þessum bíl liggur í bæði
vél og gírkassa. Mildari útgáfan er
með minni 1,4 lítra vél og verður
núna aðeins boðin með beinskipt-
ingu en tvinnbíllinn kemur aftur
á móti með 1,5 lítra vél og aðeins
með sjálfskiptingu. Sjálfskiptingin
er samt ekki eiginleg sjálfskipting
því að hún notast við beinskipt-
ingu sem skiptir fyrir ökumanninn
og þýðir að skiptingarnar taka
mun meiri tíma. Í raun og veru
er mildari tvinnútgáfan fjórum
sekúndum fljótari í hundraðið
þrátt fyrir minni vél en tvinnbíll-
inn tekur 13,5 sekúndur að komast
þangað. Sem betur fer er hægt að
venjast skiptingunni og jafnvel láta
hana skipta með því einu að slá
aðeins af og skiptir þá bíllinn um
gír þegar maður vill það og með
þægilegri máta en ef gjöfinni er
einfaldlega haldið í botni.
Í mildari tvinnútgáfunni er allur
búnaðurinn frammi í vélarsalnum
en í þessum bíl er hluti hans undir
gólfi farangursrýmis. Það minnkar
430 lítra farangursrýmið niður í
293 lítra þar sem allt plássið undir
gólfi þess fer í tvinnbúnaðinn.
Fyrir vikið er plássið meira á pari
við smábíl frekar en jeppling en
á móti kemur að það er aðgengi-
legt. Tvinnkerfið í S-Cross Strong
Hybrid er ekki að nota rafmagnið
mikið til að taka stað á því ein-
göngu. Það sér frekar um að bæta
við sínum 33 hestöflum í viðbót
þegar á þarf að halda og slekkur
stundum á vélinni þegar bíllinn er
kominn á ferð en þá aðeins ef hann
þarf ekki að reyna mikið á sig.
Að ganga um bílinn og nota er
blátt áfram og ekkert sem kemur
sérstaklega á óvart. Hurðirnar
opnast vel og það er þægilegt að
setjast inn og sætin eru mátulega
stór til að vera ekki óþægileg. Rými
er nokkuð gott nema að höfuð-
rými gæti verið örlítið meira aftur
í og eins fótarými fyrir miðjufar-
þega. Efnisval er eins og við er að
búast hjá Suzuki, frekar hrátt en
um leið hannað til að endast og er
vel samansett. Útsýni er með betra
móti og þar sem hann er búinn
bæði bakkmyndavél og fjarlægðar-
skynjurum að framan og aftan
er maður vel settur. Óhætt er að
segja að það er ekkert að búnaði
Vel búin viðbót
Grunnverð: 6.540.000 kr
Hestöfl: 135
Tog: 138 Nm
Hröðun 0-100 km: 13,5 sek
Hámarkshraði: 175 km
L/B/H: 4.300/1.785/1.585 mm
Hjólhaf: 2.600 mm
Veghæð: 175 mm
Farangursrými: 293 l.
Eigin þyngd: 1.235
Eyðsla bl. ak: 5,8 l.
CO2: 131 g/100 km
Suzuki S-Cross er nú kominn í fullri tvinnútgáfu sem á að þýða minni eyðslu. MYNDIR/TRYGGVI ÞORMÓÐSSON
Bensínvélin er 1,5 lítra og 115 hestöfl ein og sér en tvinnbúnaðurinn er við
sjálfskiptinguna hægra megin.
Þar sem tvinnbúnaðurinn er undir farangursrými er ekkert aukapláss þar.
bílsins í grunninn og er vel í látið
með hlutum eins og skynvæddum
hraðastilli, akreinavara, umferðar-
merkjalesara, árekstrarvara og
blindblettavörn. Það er einna helst
sjö tommu skjárinn sem mætti
vera stærri og hraðvirkari og þótt
Apple CarPlay og Android Auto sé
staðalbúnaður virkar það aðeins
með snúrutengingu.
Suzuki S-Cross kostar í grunn-
útgáfu sinni 6.540.000 kr. sem
er svipað og nýr Toyota Corolla
Cross sem hann keppir við. Þeir
eru báðir í dýrari kantinum fyrir
bíla í þessum flokki en S-Cross
er nokkuð vel búinn í grunnút-
gáfunni. Fyrir aðeins 300.000 kr. í
viðbót er svo hægt að fá hann með
póleruðum felgum, alvöru leið-
sögukerfi, leðuráklæði, sólþaki og
stærri níu tommu margmiðlunar-
skjá með 360 gráðu myndavél. n
8 BÍ L A BL A ÐI Ð 2. nóvember 2022 MIÐVIKUDAGUR