Morgunblaðið - 26.08.2022, Side 2

„Nei ekkert neitt eitt sérstakt, ég er voða mikið að
vinna með sama playlista sem eru mest pepp-lög, ég
elska að hlusta á lög til að drífa mig í gang.“
Langar þig í einhverja nýja flík fyrir haustið?
„Já, mig langar mjög í góða kápu.“
Hvaða bók last þú síðast?
„Ætla nú ekki að skrökva en það er hrikalega
langt síðan ég las bók fyrir mig sjálfa svo ég
bara man það ekki. En ég las Stafakarlana í
gærkvöldi fyrir son minn.“
Hvaða þætti ertu að horfa á núna?
„Enga sérstaklega í augnablikinu, er
enn leið yfir því að Love Island sé búið
svo ég þarf að fara finna með aðra
þætti!“
Hvernig skipu-
leggur þú daginn
þinn?
„Eins og staðan
er núna tek ég
bara einn dag í
einu og reyni að
skipuleggja morg-
undaginn kvöldið
áður, það er allt
frekar út um allt
hjá okkur þegar
við opnum nýja
staði. Annars
finnst mér gott að
skipuleggja viku og
viku í senn.“
Hvernig núll-
stillir þú þig?
„Fer í góðan göngutúr með AirPods og reyni að
slaka vel á.“
Hvað reynir þú að forðast í lífinu?
„Að taka hlutum og því sem fólk segir ekki of per-
sónulega, ég er enn að æfa mig í því en það er mjög
mikilvægt, sérstaklega þegar maður er í rekstri, að
taka ekki sumum hlutum persónulega og taka það með
inn í daginn.“
Hvaða manneskja hefur haft mest áhrif á líf þitt?
„Það myndi vera hann Áki minn, en hann kom inn í
líf mitt þegar ég var alls ekki á góðum stað og varð
minn klettur í einu og öllu. Hann hvetur mig í öllu sem
ég tek mér fyrir hendur og ég væri ekki á þeim stað
sem ég er í dag ef ekki væri fyrir hann.“
Síðasta bók sem hún las var
Stafakarlarnir fyrir son sinn.
H
vað ertu að fást við þessa dagana?
„Við fjölskyldan vorum loksins að flytja í
nýja íbúð eftir að hafa verið í nokkra mán-
uði í framkvæmdum og svo vorum við Áki
einnig að opna
annan stað í nýju mathöll-
inni á Hafnartorgi sem
heitir Kualua en þar
erum við að selja
poke-skálar.“
Hvað getur
þú sagt mér
um uppáhalds-
matinn þinn?
„Ég elska
góða steik og
kartöflur með
bernaise-sósu!“
Áttu þér
uppáhalds-
veitingahús?
„Já, en alveg nokk-
ur, gæti ekki valið
bara eitt þar sem ég
elska að borða góðan
mat. En t.d. eins og
Sushi Social og Grill-
markaðurinn eru
ábyggilega ein af
uppáhalds.“
Hvernig hugsar þú
um heilsuna?
„Ég vil helst byrja
alla daga á æfingu, ég
finn svakalegan mun á mér ef ég hreyfi mig ekki og
hvað matarræðið fer þá bara í vaskinn. En yfir höfuð
þá reyni ég bara að borða hollan og góðan mat en auð-
vitað leyfir maður sér inn á milli.“
Hvað færðu þér í morgunmat?
„Hafragraut eða acaí-skál.“
Ertu að safna þér fyrir húsgagni?
„Já, eða ég er reyndar enn að safna mér fyrir
draumaeldhúsi sem er í vinnslu núna, það verður von-
andi komið upp fyrir jól.“
Hvaða forrit notar þú mest í símanum þínum?
„Instagram og Canva.“
Er eitthvert lag sérstaklega mikið í spilun hjá þér
núna?
Tekur bara
einn dag í einu
Elísabet Metta Ásgeirsdóttir eigandi veitingastaðarins Maikai hefur í nægu að
snúast þessa dagana en hún og unnusti hennar Ágúst Freyr Hallsson opnuðu á
dögunum nýjan veitingastað, Kualua, í mathöllinni á Hafnartorgi. Þegar mikið er
að gera hjá Mettu tekur hún bara einn dag í einu í skipulaginu, en þegar það er
rólegra finnst henni gott að skipuleggja alla vikuna fyrir fram.
Sonja Sif Þórólfsdóttir | sonja@mbl.is
Metta notar
Instagram mest.
Elísabet Metta Ásgeirsdóttir
tekur bara einn dag í einu
þegar það er mikið að gera.
Metta fær sér
reglulega
acai- skál í
morgunmat.
2 MORGUNBLAÐIÐ FÖSTUDAGUR 26. ÁGÚST 2022
Útgefandi Árvakur Umsjón Marta María Winkel Jónasdóttir Blaðamenn Marta María Winkel Jónasdóttir mm@mbl.is, Elínrós Líndal elinros@mbl.is, Ásgeir Ingv-
arsson ai@mbl.is, Snæfríður Ingadóttir snaeja@gmail.com , Irja Gröndal irja@mbl.is Auglýsingar Katrín Theódórsdóttir kata@mbl.is Prentun Landsprent ehf.
Forsíðumynd
Colorbox
L
eitin að hinu fullkomna jafnvægi í lífinu getur verið flókið. Það getur
tekið fólk heila mannsævi að finna rétta taktinn þegar kemur að
heilsunni. Þess vegna langar mig að rifja upp sögu af tveimur vin-
konum sem ætluðu aldeilis að gera gott mót, breyta hressilega um
lífsstíl og verða tággrannar og glæsilegar í eitt skipti fyrir öll.
Þegar þær voru á þessum aldri voru fyrirmyndirnar mjög svangar fyrir-
sætur. Svokallað heróínlúkk var allsráðandi og því erfitt að leika það eftir
nema taka inn sömu efni og notuð voru í teitum þess tíma.
Þessar vinkonur voru um tvítugt þegar þær réðu sér sérlegan heilsuleið-
toga sem vissi nákvæmlega hvernig þær gætu orðið eins og svöngu fyrirsæt-
urnar. Og náttúrlega ennþá glæsilegri. Dömurnar voru fluttar að heiman og
þótt þeim hefði liðið eins og þær vissu allt því þær skulduðu húsbréf þá vissu
þær ekkert.
Af því þær vissu of lítið þá voru þær ginnkeyptar fyrir töfralausnum sem áttu
að umbreyta þeim í eitthvað rýrara og minna. Draumurinn um jónaða vatnið
er víða. Það sem var helst að trufla dömurnar var að þær borðuðu ennþá eins
og óþekkir krakkar þótt þær væru í raun fullorðnar. Önnur þeirra var líka
stundum á dufti sem var blandað í mat en var svo svöng að hún át ennþá
meira í kjölfarið. Duftið virkaði því meira eins og lyftiduft.
Heilsuleiðtoginn var með allt á tandurhreinu. Hann fyrirskipaði algera
hreinsun í mataræðinu og það yrði að fara 200% eftir ráðleggingunum – ann-
ars myndi ekkert gerast. Sykur, hveiti, mjólk, kaffi, egg, pasta, brauð, kleinu-
hringir, hrísgrjón og allt það þurfti að víkja. Löðrandi pasta með rjómasósu og
túnfisksamlokur og kakómalt vék fyrir sojajógúrti og sellerístönglum með
möndlusmjöri.
Ef dömurnar hefðu verið nægilega peningadrifnar hefðu þær selt einhverri
sjónvarpsstöðinni sýningarréttinn á þessu raunveruleikasjónvarpi. Þær hefðu
án efa fengið landsmenn til að valhoppa að skjánum þegar þær hófu hina
heilögu þarmahreinsun. Það var auðvitað ekki nóg að borða bara sellerí og
möndlusmjör. Það þurfti alvöru efni til að losa dömurnar við þennan 20 ára úr-
gang sem hafði safnast upp og var uppspretta alls ills.
Heilsuleiðtoginn sagði að það væri langbest að þrífa þarmana að innan
með Hydrogen Peroxide. Ef þið gúgglið þetta efni kemur í ljós að það er vin-
sælt í dag sem hreinsiefni. Ekki þó til að hreinsa líffæri að innan heldur vaska,
baðkör og flísar og svo virkar það vel til að snjóþvo gallabuxur.
Dömurnar byrjuðu hvern morgun á því að blanda Hydrogen Peroxide í vatn
og svo var það drukkið á ógnarhraða því það bragðaðist ekki sérlega vel.
Þegar búið var að taka það inn tók við inntaka á sítrónuvatni með pipar og
hunangi. Það var hrært saman og drukkið á sama ógnarhraða og hreinsiefn-
ið. Eftir að hafa tekið inn þessa heilsutvennu átu þær sojajógúrt dagsins og
stundum nörtuðu þær í gulrætur líka.
Kílóin fuku af dömunum en þær voru ekkert sérlega ánægðar. Það var lítið
fjör að drekka hreinsiefni og geta aldrei borðað sama
mat og umhverfið. Þær gáfust því fljótlega upp
og settu fókusinn á næsta æði sem greip þær.
Í dag eru þessar vinkonur reynslunni ríkari.
Það hefði verið frábært ef þær hefðu vitað þá
sem þær vita núna og það er að það gerist
ekkert af sjálfu sér. Það er ekki til neitt í heim-
inum sem heitir frír hádegismatur og að efni
sem blandað er út í vatn er skyndilausn –
ekki framtíðarlausn. Fyrir utan nátt-
úrlega hvað það er stórhættulegt að
innbyrða efni sem eru ætluð til hrein-
gerninga á baðherbergjum – ekki inn-
yflum. Þær skammast sín svo mikið fyrir
þetta að þær munu aldrei koma fram undir
nafni.
Endir.
Snjóþvegnir þarmar
MartaMaría
Winkel Jónasdóttir