Fréttir - Eyjafréttir - 09.05.2022, Síða 8

Við sendum sjómönnum og fjölskyldum
þeirra heillaóskir í tilefni dagsins.
„Oft hefur verið svartur sjór kringum
Eyjar af þeim góðfiski er síld nefnist”,
skrifaði verslunarstjóri hjá Brydes-
verslun árið 1883. Ekki leyfði tækni-
þekking þó stórfelldar síldveiðar fyrr
en löngu síðar. Vestmannaeyjabátar
hófu síldveiðar árið 1919 með rek-
netum í Ísafjarðardjúpi og um og eftir
1930 hófu þeir herpinótaveiðar. Að
lokinni vetrar vertíð í Vestmannaeyjum
héldu Eyjabátar gjarnan til Siglufjarðar
til að taka þátt í síldarævintýrinu mikla.
Það var oft eftirvænting í loftinu þegar
nýskveraðir bátar lágu við Básaskers-
bryggju og voru að halda á miðin og
fjöldi kvenna og barna voru að kveðja
sína sjómenn. Allt sumarið var svo
fylgst af spenningi með síldarflot-
anum þegar aflatölur vworu lesnar
eftir kvöldfréttir í útvarpinu. Það var
því stolt og gleði hjá Vestmanna-
eyingum síldarsumarið mikla 1940 er
tvílembingarnir, Erlingur I VE 295 og
Erlingur II VE 325 voru langhæstir
á síldar vertíðinni með 10.939 mál og
tunnur.
Myndirnar hér á opnunni sýna tímana
tvenna. Annað skipið er smíðað í Dan-
mörku árið 1930. Hitt skipið er smíðað
í Síle árið 2012. Fiskurinn er hins vegar
sá sami. Á Erlingi VE má sjá 15 manna
áhöfn, sjö um borð í mótorbátnum og
fjórir í hvorum nótabátanna. Um borð
í Heimaey VE má greina einn sjómann
af þeim ellefu sem eru að jafnaði um
borð á nótavertíð.
SVARTUR SJÓR AF GÓÐFISKI
Erlingur VE 295 og Heimaey VE 1 kasta á gjöfula torfu