Fréttir - Eyjafréttir - 09.05.2022, Side 18

18 | | 9. júní 2022
Það var mikið um dýrðir á
lokahófi handboltans í Kiwanis á
laugardagskvöldið og tilefni til að
fagna þó engir væru titlarnir þetta
árið. Konurnar komust í úrslita-
keppnina og karlarnir voru nálægt
því að hirða Íslandsmeistaratit-
ilinn af Valsmönnum sem unnu
titilinn annað árið í röð. Konurnar
náðu líka eftirtektarverðum ár-
angri í Evrópukeppni og öðluðust
þar reynslu sem skilaði sér í
Olísdeildinni.
Særindin voru grafin og gleymd
í hófinu sem Grétar Þór Eyþórs-
son, fyrrverandi leikmaður og
formaður handknattleiksdeildar
stýrði að snilld. Einsi Kaldi sá um
matinn sem rann ljúflega niður.
Mörgum var þakkað enda þarf
sterka heild til að ná árangri í hóp-
íþróttum. Kraftmikill hópur sem
hefur skilað ÍBV í fremstu röð í
handbolta karla og kvenna.
Hápunkturinn var verðlauna-
veiting og fyrst voru það Frétta-
bikararnir sem Ómar Garðarsson,
nýráðinn ritstjóri Eyjafrétta
afhenti. Komu þeir í hlut Elmars
Erlingssonar og Söru Drafnar
Richardsdóttur. Ómar sagði að
Fréttabikararnir ættu sér bráðum
35 ára hefð og það væri heiður
fyrir Fréttir og seinna Eyjafréttir
að fá að taka með þessum hætti
þátt uppskeruhátíðum handbolta
og fótbolta.
„Fyrir rúmri viku hefði mér ekki
dottið í hug að ég ætti eftir að
standa hér,“ sagði Ómar og byrj-
aði á að óska Sunnu Jónsdóttur
sem valinn var besti varnarmaður
Olísdeildarinnar til hamingju.
Sagði að þeir hefðu mátt vera
fleiri leikmennirnir úr röðum ÍBV.
„Ég er ekki viss um að allir Vest-
mannaeyingar geri sér grein fyrir
mikilvægi ÍBV fyrir bæjarfélagið.
Það er ekki bara að félagið sé að
skila okkur frábæru íþróttafólki,
heldur líka fólki sem öðlast færni
í félagsstarfi. Þið sem hér eruð eru
gott dæmi um það, bæði leikmenn
og þið sem haldið utan um starfið.
Minnumst þess líka að félagið
hefur alið upp fólk eins og Heimi
Hallgríms, Hemma Hreiðars, Ás-
geir Sigurvins, Vigdísi Sigurðar,
Ingibjörgu Jóns, Erling Rikka,
Arnar Péturs, Elliða Snæ og svo
miklu fleiri. Allt fólk sem borið
hefur hróður okkar, ekki bara
hér á landi heldur um heiminn
allan. Svo ekki sé minnst á stóru
ungmennamótin og þjóðhátíðina
sem draga til sín þúsundir á hverju
ári.“
Elmar tók við Fréttabikarnum en
Sara Dröfn var á leið til Færeyja
að keppa með landsliði og tók
Amamlía Einarsdóttir við bikarn-
um fyrir hennar hönd.
Hjá meistarflokki kvenna fékk
Tara Sól Úranusdóttir markvörð-
ur viðurkenningu fyrir mestu
framfarir. ÍBV-arinn var Ólöf
María Stefánsdóttir, skytta og
besti leikmaður, Sunna Jónsdóttir,
leikstjórnandi.
Hjá körlunum þótti Arnór
Viðarsson, skytta hafa sýnt mestu
framfarirnar. ÍBV-arinn var Björn
Viðar Björnsson, markvörður og
besti leikmaður, Rúnar Kárason,
skytta.
Grímur Hergeirsson, aðstoðar-
þjálfari karlaliðsins tilkynnti að
hann yrði ekki áfram hjá ÍBV.
Svo var það senuþjófurinn, Claes
Engelbrektsson unnusti Birnu
Berg Haraldsdóttur sem kallaði
sína heittlelskuðu upp á svið
og bað hennar. Og hún sagði já
og kastaði sér upp um hálsinn á
honum. Eftirminnilegt augnablik
og sáust jafnvel hörðustu karlar
þurrka rykkorn úr auga.
Mikið um dýrðir á lokahófi handboltans:
Sunna og Rúnar bestu leikmennirnir
Öflugar konur, Tara Sól Úranusdóttir, Sunna Jónsdóttir
og Ólöf María Stefánsdóttir.
Þeir þóttu skara fram úr, Arnór Viðarsson, Björn Viðar
Björnsson og Rúnar Kárason.
Margt gerist á handboltaslúttum en
Claes sló öðrum við þegar hann bað
Birnu að giftast sér.
Á tímamótum. Grímur er að hætta
sem aðstoðarþjálfari og Erlingur er
hættur með hollenska landsliðið.
Það var þétt setinn salur Kiwanis á lokahófi handboltans.