Feykir - 02.02.2022, Síða 15

HVERNIG GÆTI SAMEINAÐ SVEITARFÉLAG LITIÐ ÚT?
FRÆÐSLU- OG FÉLAGSÞJÓNUSTA
Sveitarfélagið Skagafjörður annast framkvæmd skólastarfs fyrir alla Skagfirðinga á grundvelli samstarfs-
samnings við Akrahrepp. Í Skagafirði eru reknir þrír leikskólar, þrír grunnskólar og einn tónlistarskóli.
Í ljósi umfangsmikils samstarfs sveitarfélaganna í fræðsluþjónustu er ekki gert ráð fyrir því að miklar breytingar
verði á skólastarfi ef til sameiningar sveitarfélaganna kemur. Gjaldskrár eru nú þegar samræmdar og munu því
ekki breytast. Að mati nefndarinnar mun sameining leiða til einfaldari og skilvirkari ákvarðanatöku, auk þess
sem auðveldara væri að tryggja jafnræði milli nemenda og tryggja að þeir fái sömu þjónustu.
Sveitarfélögin eiga í miklu samstarfi þegar kemur að félagsþjónustu. Ef til sameiningar kemur þarf að samræma
regluverk og gjaldskrár. Sameining hefði að öllum líkindum í för með sér jöfnun á þjónustustigi auk þess
sem auðveldara gæti reynst að uppfylla ný lög um samþættingu þjónustu. Bæði sveitarfélög stefna að bættri
þjónustu við eldri borgara en tækifæri eru til að samnýta mötuneyti skólanna og bjóða eldri borgurum heitan
mat og jafnvel heimsendingu. Utanaðkomandi áskoranir felast í auknum faglegum kröfum hins opinbera
og mönnun starfa til að sinna þjónustunni. Áskoranir felast einnig í að veita íbúum í þéttbýli og dreifbýli
sambærilega þjónustu, m.a. vegna fjarlægðar.
ÁHERSLUR GAGNVART
RÍKI OG ÞINGI
Samstarfsnefnd hefur átt fundi með
þingmönnum og ráðherrum þar sem
eftirfarandi áherslum Skagfirðinga var
komið á framfæri.
Kjálkabrú. Brú yfir Héraðsvötn við
Flatatungu á Kjálka myndi tengja
saman framhérað Skagafjarðar
sem nýtist því og öllu samfélagi
Skagafjarðar vel.
Atvinnuþróun. Skapa þarf skýran farveg
fyrir þróun og uppbyggingu á sögu-
og menningartengdri ferðaþjónustu
í Skagafirði og koma auk þess upp
aðstöðu til nýsköpunar og þróunar,
byggða á sérstöðu Skagafjarðar með
rannsókna- og frumkvöðlamiðstöð
landbúnaðar í Skagafirði.
Menntasókn í Skagafirði. Tækifæri eru
til að efla skólastarf í Skagafirði, annars
vegar með stækkun Fjölbrautaskóla
Norðurlands vestra og hins vegar með
því að tryggja áframhaldandi vöxt
Háskólans á Hólum.
STJÓRNSÝSLA
Sveitarfélögin eiga í umfangsmiklu samstarfi í stjórnsýslu
og um ýmsa þjónustuþætti, bæði sín á milli og við önnur
sveitarfélög. Að mati samstarfsnefndar er mikilvægt að
finna leiðir til að tryggja meiri þátttöku íbúa sameinaðs
sveitarfélags við ákvarðanatöku en á sama tíma að stuðla að
skilvirkni og fagmennsku með hagsmuni íbúa og atvinnulífs
í Skagafirði að leiðarljósi. Að mati samstarfsnefndar kemur
til greina að blanda saman beinum þátttökuleiðum og
svæðisbundnum ráðum til að ná því markmiði.
Sveitarfélagið
Skagafjörður
9
9
430
Akrahreppur
5
9
1
Sameinað
9
9
430
Fulltrúar í sveitarstjórn
Fastanefndir
Fjöldi starfsmanna
skagfirdingar.is
UMHVERFIS- OG SKIPULAGSMÁL
Akrahreppur kaupir þjónustu skipulags- og byggingar-
fulltrúa af Sveitarfélaginu Skagafirði. Sameining sveitar-
félaganna myndi leiða af sér hagræði þegar kemur að
vinnslu og skráningu mála í eitt og sama kerfið, auðvelda
skipulags- og byggingarmál og bæta aðgengi íbúa að
gögnum.
Sameiginlegur verktaki sinnir sorphirðu og losun rotþróa í
sveitarfélögunum. Niðurstaða úr sameiginlegu útboði
sorpmála mun hafa í för með sér breytingar hvort sem
til sameiningar kemur eða ekki. Í kjölfar útboðsins verða
gjaldskrár endurskoðaðar og samræmdar innan svæðisins og
gjaldskrá verður tekin upp í Akrahreppi. Innheimta hefst árið
2022, enda er skylt lögum samkvæmt að innheimta gjald
fyrir meðhöndlun úrgangs í samræmi við kostnað.
FJÁRMÁL
Fjárhagsleg viðmið
Sameinað sveitarfélag hefði ágætt svigrúm til fjárfestinga og stenst bæði jafnvægisreglu og skuldareglu.
Framlög Jöfnunarsjóðs eru tæplega helmingur tekna Akrahrepps, sem gerir sveitarfélagið viðkvæmt fyrir
breytingum á reglum sjóðsins.
Samstarfssamningur
Sveitarfélögin eiga í umfangsmiklu samstarfi þar sem Sveitarfélagið Skagafjörður sinnir meginþorra þjónustu
við íbúa Akrahrepps. Um 83% af útgjöldum Akrahrepps árið 2020 runnu til samstarfssamninga.
Rúmlega 700 milljónir úr Jöfnunarsjóði
Verði af sameiningunni er áætlað að
sveitarfélögin fái um 728 m.kr. framlag
úr Jöfnunarsjóði sveitarfélaga, miðað
við ársreikninga 2020. Sveitarstjórnirnar
hafa samþykkt viljayfirlýsingu um að
sú fjárhæð verði nýtt til fjárfestinga í
skólamannvirkjum í Varmahlíð. Það
mun skapa svigrúm til fjárfestinga í
öðrum þéttbýliskjörnum og
dreifbýli í Skagafirði.
Sameiningarframlög flýta fyrir framkvæmdum í Varmahlíð
Framundan eru miklar fjárfestingar við endurnýjun og uppbyggingu skólamannvirkja í Varmahlíð, viðhald
á íþróttamiðstöðinni í Varmahlíð og Menningarhús á Sauðárkróki. Eignirnar eru í sameiginlegri eigu
sveitarfélaganna. Auk þess eru fyrirhugaðar framkvæmdir við stækkun verknámshúss FNV og fjölgun
hjúkrunarrýma við HSN á Sauðárkróki. Heildarkostnaður er áætlaður tæplega 2.000 m.kr.
• Hlutdeild Akrahrepps er 326 m. kr.
• Hlutdeild Sveitarfélagsins Skagafjarðar er 1.655 m. kr.
Þessar áætlanir taka mið af því að sameiningarframlög skili sér til sveitarfélaganna.
Ef ekki verður af sameiningu munu framkvæmdirnar dreifast á lengri tíma.
FRÍSTUNDA- OG
MENNINGARMÁL
Sveitarfélögin eiga í miklu samstarfi í
frístunda- og menningarstarfi og ekki er
von á miklum breytingum verði af sam-
einingu þeirra. Að uppfylla ný lög um
samþættingu þjónustu verður áskorun
fyrir bæði sveitarfélögin hvort sem af
sameiningunni verður eða ekki.
Tækifæri liggja m.a. í uppbyggingu og
nýtingu safna í Skagafirði. Auk þess fengi
öll atvinnu- og félagsstarfsemi innan
Skagafjarðar sama aðgang að verkefnis-
stjórum í atvinnu-, menningar- og
kynningarmálum sameinaðs sveitarfélags.
Sveitarfélagið
Skagafjörður
400
100
122
622
Akrahreppur
0
100
6
106
Samtals
400
200
128
728
Skuldajöfnunarframlag
Fast framlag
Byggðaframlag
Samtals