Feykir - 29.06.2022, Blaðsíða 2

Nú um helgina var ÓB-mótið haldið á Sauðárkróki og
heppnaðist mótið vel að sögn mótshaldara. Þátttaka var
góð og veðrið ekki alveg jafn slæmt og menn höfðu óttast.
Það verður að teljast frábært að
við höfum aðstöðu hér á Króknum
til að halda svona mót á þessum
gríðarlega glæsilega útivelli og
íþróttahúsið við hliðina svo hægt
er að nýta það líkt og gert var um
helgina.
En alltaf þegar mót sem þetta
eru haldin hér í bænum er eitt sem
stingur í augun og það er hvernig
bærinn verður eitt stórt bílastæði. Það virðist ekki skipta
máli hvort það sé gras eða gangstétt, menn telja að það sé
fullkomlega ásættanlegt að leggja bílum bara þvers og
kruss við aðal umferðargötu bæjarins. Þetta er eitthvað sem
allir íbúar sjá að þarf að skoða mjög alvarlega. Það þarf að
vera einhver staður til að leggja á sem ekki er ólöglegur og
stofnar ekki þeim sem þar fara um í hættu, sérstaklega
þegar svona mót eru þar sem börn eru að keppa.
Svo ekki sé talað um að bjóða forseta lýðveldisins upp á
aðra eins aðkomu.
Með svona glæsilega skipulögð mót þá hljóta flestir að
vera sammála að þetta vandamál varpar ljótum skugga á þá
annars frábæru frammistöðu sem þetta mótshald er.
Góðar stundir!
Ingólfur Örn Friðriksson
blaðamaður
LEIÐARI
550 Bílastæði
Óháð fréttablað á Norðurlandi vestra - alltaf á miðvikudögum
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Ingólfur Örn Friðriksson, bladamadur@feykir.is | Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 649 kr. hvert tölublað með vsk. Lausasöluverð: 795 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Á heimasíðu SSNV er birt ítarleg
bókun stjórnar samtakanna um
alvarlega stöðu sauðfjárræktar í
landshlutanum en nýverið kom
út skýrsla um stöðu greinar-
innar á Íslandi sem Byggða-
stofnun vann fyrir innviðaráðu-
neytið. Í henni er dregin upp
afar dökk mynd af stöðu og
framtíðarhorfum sauðfjár-
ræktar á Íslandi, segir í færslu
SSNV.
„Í skýrslunni kemur fram að
hvergi á landinu er meira fé en
á Norðurlandi vestra og þar eru
jafnframt ein stærstu
sauðfjárbúin. Einnig kemur
fram að fjárhagsstaða bænda í
Húnavatnssýslum er með því
versta á landinu og að sama
skapi meta bændur þar að
lífsskilyrði hafi versnað hvað
mest undanfarin ár.
Í skýrslunni segir: „Rekstrar-
niðurstaða sauðfjárbúa fyrir
fjármagnsliði og afskriftir hefur
verið neikvæð frá árinu 2018.
Það þýðir að meðalbúið stendur
ekki undir neinni fjárfestingu,
hvað þá heldur vaxtakostnaði
eða afborgunum af lánum.
Þetta leiðir af sér að væntanlega
hafi dregið úr viðhaldi, endur-
ræktun og áburðarkaupum.“ Í
héraði þar sem sauðfjárbú eru
hvað flest og stærst á landinu er
ljóst að efnahagsleg áhrif
stöðunnar eru mikil. Andlegt
álag á bændur er auk þess
áhyggjuefni og í skýrslunni er
fjallað um afkomuótta og
lamandi áhrif hans á andlega
heilsu,“ segir m.a. í bókun
samtakanna sem lýsa yfir
miklum áhyggjum af stöðunni.
Skorar stjórn samtakanna á
stjórnvöld að taka þá stöðu sem
greinin stendur frammi fyrir
alvarlega og bregðast við með
ákveðnum og markvissum
hætti og segir í niðurlagi
bókunar að mikilvægt sé að til
viðbótar við þær skammtíma-
aðgerðir sem þegar hafa verið
kynntar verði unnið að lang-
tímalausn. Lýsir stjórn SSNV
sig tilbúna til samtals um leiðir
og mögulegar aðgerðir. /PF
Slæm staða sauðfjárræktar í landshlutanum
Stjórn SSNV skorar á
stjórnvöld að bregðast við
AFLATÖLUR | Dagana 19. til 25. júní á Norðurlandi vestra
Málmey með rúm 120 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Elfa HU 191 Handfæri 947
Elín ÞH 82 Handfæri 1.672
Fengsæll HU 56 Handfæri 539
Fengur ÞH 207 Handfæri 840
Guðrún Petrína HU 107 Handfæri 1.782
Hallbjörg HU 713 Handfæri 988
Hjalti HU 313 Handfæri 839
Hrund HU 15 Handfæri 1.547
Jenny HU 40 Handfæri 750
Kambur HU 24 Handfæri 773
Kópur HU 118 Handfæri 142
Kristín HU 168 Handfæri 715
Lára HU 168 Handfæri 241
Loftur HU 717 Handfæri 1.655
Lukka EA 777 Handfæri 818
Svalur HU 124 Handfæri 444
Sæunn HU 30 Handfæri 1.546
Valur ST 43 Handfæri 418
Venni SI 67 Handfæri 901
Viktor Sig HU 66 Handfæri 1.458
Viktoría HU 10 Handfæri 1.039
Víðir EA 423 Handfæri 1.052
Samtals á Skagaströnd 42.685
HOFSÓS
Rósborg SI 29 Handfæri 407
Þorgrímur SK 27 Handfæri 647
Samtals á Hofsósi 1.054
SAUÐÁRKRÓKUR
Assa SK 15 Handfæri 810
Álborg SK 88 Handfæri 146
Birna SK 559 Handfæri 98
Drangey SK 2 Botnvarpa 108.071
Gammur SK 12 Þorskfisknet 1.440
Gjávík SK 20 Handfæri 734
Málmey SK 1 Botnvarpa 120.284
Skvetta SK 7 Handfæri 536
Samtals á Sauðárkróki 232.119
SKAGASTRÖND
Alda HU 112 Handfæri 774
Auður HU 94 Handfæri 708
Bergur Sterki HU 17 Handfæri 519
Blíðfari HU 52 Handfæri 1.658
Blær HU 77 Handfæri 494
Daðey GK 777 Lína 15.914
Dagrún HU 121 Handfæri 1.512
Á Króknum var landað rúmum 232 tonnum í 11
löndunum og var Málmey SK 1 aflahæst með
rúm 120 tonn. Málmey var við veiðar á Kantinum
vestan við Halann og Reykjafjarðarál og uppi-
staðan var þorskur.
Drangey SK 2 landaði einnig í vikunni og var
við veiðar á Halanum og Straumnesbanka en
aflinn var blandaður og uppistaðan þorskur og
ýsa. Þá voru fimm bátar á strandveiðunum og
lönduðu þeir samtals 2.324 kg og einn við veiðar
með þorskfisknet, Gammur SK 12, sem landaði
1.440 kg. Á Skagaströnd var landað tæpum 43 tonnum
í 46 löndunum. Aflahæstur var línubáturinn Dað-
ey GK 777 með tæp 16 tonn í þrem löndunum. Þá
voru alls 28 bátar á strandveiðinni og lönduðu
tæpum 27 tonnum. Aflahæst var Guðrún Petrína
HU 107 með 1.782 kg í tveim löndunum. Ekki var
landað á Hvammstanga í síðustu viku en tveir
bátar lönduðu á Hofsósi, rúmu tonni, báðir á
strandveiðunum.
Alls var landað 275.858 kg á Norðurlandi
vestra í 59 löndunum í síðustu viku. /SG
Séra Gísli Gunnarsson
kjörinn vígslubiskup
Gísli Gunnarsson, sóknarprestur
í Glaumbæ í Skagafirði, hefur
verið kjörinn vígslubiskup á
Hólum.
Sr. Gísli Gunnarsson fékk
316 atkvæði, eða 62.36% Sr.
Þorgrímur Daníelsson fékk 184
atkvæði, eða 36,15%. 9 tóku
ekki afstöðu.
Á kjörskrá voru 740 og
greiddu 509 atkvæði, eða
68,78%.
Kjörstjórn kirkjunnar hefur
staðfest niðurstöðu kosning-
anna og er Gísli Gunnarsson
rétt kjörinn vígslubiskup á
Hólum. /IÖF
Vígslubiskupskjör
Staða sauðfjárræktar er slæm á Norðurlandi vestra. MYND AF NETINU
2 25/2022