Árbók Reykjavíkurborgar - 01.10.1978, Síða 93

atvinnumAl
83
Inngangur
Hér er gerð grein fyrir atvinnuskiptingu og þróun tekna á sama hátt og
verið hefur. Að auki eru birtar nokkrar niðurstöður athugana á málmiðnaði
í Reykjavík og nágrenni og vikið sérstaklega að þætti. skipaviðgerða í
Reykjavík. Síðast en ekki sízt eru birtar töflur um skiptingu fiskaflans
milli landshluta frá 1967-1977 og jafnframt greint frá aflamagni, sem
barst á land í einstökum verstöðvum á Reykjanessvæði í fyrra, af nokkrum
helztu botnfisktegundunum.
Þessi gögn eru af ýmsum ástæðum sundurleit og' ófullkomin, en segja samt
sína sögu. Störfum fækkar við framleiðslu en þjónustustörfum fjölgar ört.
Fátt þendir til þess, að þróunina megi rekja til aukinna framleiðsluafkasta.
Hlutur Reykjanessvæðis í þorskafla landsmanna hefur dregizt saman um þriðjung
á síðasta áratug og hnignun blasir við málmiðnaði í höfuðborginni og ef til
vill víðar á svæðinu.
Stjórnendur sveitarfélaga á Reykjanessvæði hafa um langt skeið haft áhyggjur
af þessari þróún og beitt sér, að frumkvæði Reykjavíkurborgar, fýrir
sameiginlegum athugunum á tilteknum þáttum málsins, Niðurstöður þeirra
athugana voru á sínum tíma birtar í "Greinargerð um atvinnumál á Reykjanes-
svæði", sem kom út £ desember 1971 og í skýrslum um athuganir á aðstöðu til
veiða og vinnslu fisks, sem komu út á árunum 1973-1976.
í ársbyrjun 1976 fól þáverandi þorgarstjóri, Birgir Isleifur Gunnarsson,
nokkrum emþættismönnum borgarinnar athugun á atvinnumálum £ Reykjavík og
nágrenni. Embættismennirnir gerðu grein fyrir störfum sínum í "Skýrslu til
borgarstjóra um atvinnumál í Reykjavík", sem var gefin út í júní 1977.
Borgarstjóri efndi síðan til funda borgarráðs með fulltrúum ýmissa helztu
samtaka launþega og atvinnurekedna £ borginni. Að þeim fundum loknum lagði
borgarstjóri fram tillögur að stefnuskrá borgarstjórnar Reykjavikur £
atvinnumálum. Þær voru siðan samþykktar með nokkrum breytingum £ borgarstjórn
hinn 27. apr£l 1978 sem stefnuskrá borgarstjórnar Reykjavikur i atvinnumálum
með 11 atkvæðum borgarfulltrúa Sjálfstæðisflokks og Framsóknarflokks gegn
3 atkvæðum borgarfulltrúa Alþýðubandalags en borgarfulltrúi Alþýðuflokks
sat hjá við atkvæðagreiðsluna.
Framkvæmd stefnuskrárinnar er nú til frekari athugunar, en þess má geta, að
sveitarstjórnirnar á Höfuðborgarsvæði ræða nú meðal annars stofnun
sameiginlegrar atvinnumálanefndar.