Árbók Reykjavíkurborgar - 01.11.1991, Page 232

216
í móttökustöðinni í Gufunesi er tekið á móti öllu sorpi frá höfuðborgarsvæðinu innanhúss í
5600 m2 byggingu. Allt húsasorp fer beint í síló þaðan sem það er flutt í pressur sem pressa
sorpið í stóra bagga og vírbinda þá. Iðnaðarsorp er hins vegar losað á gólf í miðhluta
hússins þar sem það er skoðað og frá því flokkað járn, timbur, jarðvegur, spilliefni og fl.
sem óæskilegt er að bagga. Það sem eftir er fer svo í sílóin með húsasorpinu og baggast.
í öðrum enda hússins er timbur sem í stöðina berst kurlað niður og stærðarflokkað. Þannig
meðhöndlað er um 70% magns gert að nothæfu hráefni fyrir Járnblendiverksmiðjuna á
Grundartanga, sem nýtir kurlið sem kolefnisgjafa. Það sem ekki nýtist Járnblendinu fer fyrst
um sinn til urðunar en leitað er að notkunarsviði fyrir það efni.
í sérstöku húsi í Gufunesi eru öll spilliefni meðhöndluð þ.e.a.s. þau eru flokkuð og pökkuð
í réttar umbúðir og flutt áfram til eyðingar í Danmörku. Byggðasamlagið hefur gert sérstakt
samkomulag við Kommunukemi a/s í Nyborg á Fjóni um eyðingu spilliefna og fengið til þess
nauðsynleg leyfi danskra yfirvalda. Þessi þáttur í rekstri byggðasamlagsins hófst reyndar fyrir
ári síðan í bráðabirgða aðstöðu við Dalveg í Kópavogi
í Álfsnesi á Kjalarnesi hefur byggðasamlagið unnið að undirbúningi að nýjum urðunarstað
byggðasamlagsins. Byggðasamlagið leigir jörðina Álfsnes af Reykjavíkurborg til 25 ára en
Reykjavíkurborg og Kjalarneshreppur höfðu náð samkomulagi um að nýta megi 40 ha. á
svæðinu til urðunar baggaðs sorps.
Síofnakostnaður er um 700 millj. og er fjármagnaður þannig:
Framlag eigenda 100 mill
Lán frá Norræna fjárfestingarbankanum 330 mill
Lán frá Iðnslánasjóði 170 mill
Skuldabréf á innlendum markaði 100 mill
Samtals 700 mill
í stofnsamningi byggðasamlagsins 11 gr. er eftirfarandi ákvæði um tekjur byggðasamlagsins:
Tekjur byggðasamlagsins eru sem hér segir:
1. Gjald fyrir innvegið sorp sem tekið er við frá sorphirðu viðkomandi sveitarfélags
og einkaaðilum. Gjaldið er ákveðið í gjaldskrá, sem stjórn félagsins setur sbr.
9. gr. og skal þar miðað við breytilegan kostnað, fjármagnskostnað og afskriftir
af búnaði. Aðildarsveitarfélögunum skal þó eigi reiknaður fjármagnskostnaður
af framlagsfé sínu.
2. Söluverð efna úr sorpi til endurvinnslu, svo og orku sem unnin er úr sorpi eftir
því sem hagkvæmt þykir.
3. Eyðingargjald af umbúðum og ökutækjum, verði slíkt gjald í lög leitt.
4. Gjald fyrir móttöku og eyðingu hættulegra úrgangsefna.
5. Framlög aðildarsveitarfélaganna.
í samræmi við þetta ákvæði ákvað stjórn byggðasamlagsins gjaldskrá fyrir móttöku á sorpi
sem byggðist á rekstraráætlun gerðri í október 1990.
Helstu forsendur þeirrar áætlunar eru eftirfarandi:
Magn. Tekjur.
Húsasorp 40.000 t 113.4
Iðnaðarsorp óflokkað 41.300 t 98.9
Iðnaðarsorp flokkað 17.200 t 50.5
Spilliefni 180 t 35.0 __=
Kostnaður
Sameiginlegur kostnaður í millj. kr. 28.0
Móttökustöð 97.5
Urðunarstaður 55.5
Móttaka spilliefna 22.4
Fjármagnskostnaður 65.8
Afborganir 28.6
2.978
2.978