Árbók íþróttamanna - 01.12.1948, Síða 9
FRJÁLSAR ÍÞRÓTTIR
Frjálsíþróttamótin í Reykjavík 1947
Arið 1947 skipuðu frjálsíþróttir sem fyrr heiðurssessinn meðal íslenzkra
íþrótta. Og enn voru þær einu íþróttirnar, sem Islendingar gátu staðið
ijðram þjóðum á sporði í. Þótt framfarir næstu ára á undan hefðu verið
mjög örar, einkum 1940, batnaði árangurinn ótrúlega mikið þetta ár. Alls
voru sett 27 ný íslandsmet hjá körlum og 1 hjá konum, en 4 met voru
jöfnuð. Auk þess litu 22 drengjamet dagsins Ijós, þannig að metafjöldinn
hjá báðum kynjum náði því að fylla hálft hundrað, en það er einsdæmi í
sögu íslenzkra íþrótta.
Flest voru metin sett á mótum í Reykjavík, 3 úti á landi og 5 erlendis.
Í.R.-ingar áttu sem fyrr bróðurhlutann af metunum, t. d. settu boðhlaups-
sveitir félagsins 8 met. Torfi Bryngeirsson, K.R., setti flest met einstaklinga,
4 talsins, en bezta metið samkvæmt alþjóðastigatöflunni var 1500 metra
hlaup Óskars Jónssonar, I.R., 3:53,4 mín., sem gaf 1008 stig og er fyrsta
íslenzka metið, sem nær 1000 stigum. Setti Oskar þetta met í hinni fræki-
legu Norðurlandaför Í.R. Annars vann Haukur Clausen, I.R., vafalaust
merkasta íþróttaafrek ársins með sigri sínum i 200 metra hlaupi í Norður-
landamótinu í Stokkhólmi. Höfðu tveir Islendingar, þeir Haukur og Finn-
björn Þorvaldsson, verið valdir til að keppa þar fyrir hönd Norðurland-
anna fjögurra gegn Svíþjóð og stóðu þeir sig báðir með ágætum.
Merkasti frjálsíþróttaviðburðurinn hér í höfuðstaðnum var hinsvegar
koma 5 heimsfrægra sænskra íþróttamanna, sem fengu þó svo harða keppni
frá íslenzkum frjálsíþróttamönnum, að það vakti almenna athygli erlendis.
1947 fóru alls fram 20 frjálsíþróttamót í Reykjavík, þar af 2 víðavangs-
hlaup, 2 götuboðhlaup, eitt skólamót og loks innanfélagsmót Reykjavíkur-
félaganna. Hér fara á eftir stuttar skýrslur um mótin.
7