Árbók íþróttamanna - 01.12.1948, Qupperneq 89
Hafi 2 eða fleiri náð jafngóðum árangri er sá tekinn eða hafður ofar í
röðinni, sem fyrr hefur unnið afrekið. I nokkrum greinum hefur því orðið
að aðskilja menn með jafngóðan árangur þar sem skráin nær aðeins til 6
manna í hverri grein.
Enda þótt þess hafi yfirleitt verið gætt að taka eigi önnur afrek en
þau, sem lögleg gætu talizt, reyndist nauðsynlegt að brjóta þá reglu í
langstökkinu, þvi annars hefði ekki fengizt samanburður á beztu mönnun-
um. Þótt afrek Finnbjarnar, 7,14 m, væri ekki staðfest sem Islandsmet
vegna meðvinds, sem var um 3 stig, verður að telja að aðstæður hafi þá
verið sviþaðar og er hann setti metið 7,10 m, í 3 stiga hliðarmeðvindi, og
þess vegna sé verjandi að taka 7,14 í afrekaskrána þar sem þá fæst saman-
i)urður á honum og Oliver og Halldóri, sem báðir náðu sínum bezta ár-
angri í það skipti. En samkvæmt nýjustu útgáfu af leikreglum má með-
vindur ekki vera nema 2 stig til þess að met í hlaupi á beinni braut,
langstökki og þrístökki nái staðfestingu (var áður 3 stig).
Keppni Skúla GuSmundssonar erlendis
28. ágúst 1947 fór einn af beztu og vinsælustu íþróttamönnum landsins,
Skúli Guðmundsson, utan til Kaupmannahafnar, í því skyni að ljúka þar
verkfræðinámi. Gekk hann skömmu síðar í K.I.F., sem er sterkasta íþrótta-
félagið í Kaupmannahöfn.
Enda þótt Skúli hefði lítið æft frá því hann kom til Kaupmannahafnar
var hann hvattur til að taka þátt í íþróttamóti 21. sept. Varð hann 2. í
hástökki og stökk 1,85 m, jafnhátt sigurvegaranum, John Hansen Skömmu
síðar var Skúla boðið að taka þátt í stúdentamóti í Uppsölum í Svíþjóð.
Þáði hann boðið, keppti í 2 greinum, hástökki og 110 metra grindahlaupi.
Stökk hann 1,80 í hástökki og varð nr. 4—5. í grindahlaupinu vann Skúli
smn riðil á 16,5 sek., en varð 5. í úrslitum á 16,8 sek. Vindur var óhag-
stæður í bæði skiptin.
A stúdentameistaramótinu, sem fór fram 4. okt. í Kaupmannahöfn, varð
Skúli meistari í 2 greinum, hástökki (1,80 m) og 110 metra grindahlaupi
(16,2 sek.), í langstökki stökk hann 6,24 metra.
Að því móti loknu fór Skúli með Hafnarstúdentum til Lundar i Svíþjóð
°g tók þátt í keppni þeirra við Lundarháskóla. Vann Skúli þar hástökkið
® E85 m, en varð 3 í langstökki á 6,58 m.
87