Árbók íþróttamanna - 01.12.1948, Side 102
skyldu ekki geta sótt landsmótið, sem fór fram á Akureyri, hvort sem
misskilningi var þar um að kenna eða ei.
I 11. jlokki var mikið fjör, enda haldin 3 mót. Vann K.R. 2 þeirra,
landsmótið og Watsonkeppnina, en Fram Reykjavíkurmótið. Lið K.R.
vann sér það til frægðar að tapa aðeins einum leik af 11 í þessum flokki.
I 111. jloleki voru einnig haldin 3 mót, sem K.R., Valur og Fram skiptu
bróðurlega á milli sín, en Víkingur stóð þeim nokkuð að baki.
I IV. jlokki voru haldin 2 mót, vor- og haustmót, og vann Valur þau
bæði með greinilegum yfirburðum.
Af þessum 13 mótum, sem fram fóru í Re.ykjavík og nágrenni unnu K.R.
og Fram sin 5 hvort og Valur 3. Utanbæjarfélögin, Akurenesingar, Hafn-
firðingar og Keflvíkingar tóku þátt í þrem þessara móta og stóðu sig eftir
atvikum vel, einkum þeir fyrstnefndu.
Erlendir þjálfarar
3 erlendir knattspyrnuþjálfarar störfuðu hér sumarið 1047. Voru það
Svíinn Roland Bergström (hjá Vílcing og landsliðinu), Skotinn Murdo
MacDougall (hjá Val og Fram) og landi hans James McCrae (hjá Fram).
Heimsókn Queen's Park Rangers
Knattspyrnufélagið Queen’s Park Rangers frá Lundúnum kom hingað
2. júní og keppti fjórum sinum við reykvíska knattspyrnumenn. Með fé-
iaginu var enski knattspyrnudómarinn Victor Rae, sem dvaldi hér á stríðs-
árunum. Hafði Knattspyrnuráð Reykjavíkur boðið honum sérstaklega.
Queen’s Park Rangers er félag enskra atvinnuknattspymumanna og er
þar í 3. deild. Varð félagið næst efst í röðinni af 22 félögum, í síðustu
keppni fyrir heimsóknina. Má eflaust slá því föstu að styrkleiki þessa fé-
lags sé álíka og 60% af félögunum í 2. deild, en beztu félögin í 2. deild
jafnast aftur á móti við miðlungsfélög í 1. deild, en 1. deild er sterkasti
flokkurinn meðal atvinnuknattspyrnumanna í Englandi.
Fyrsti leikur Breta var 3. júní við úrvalslið úr Reykjavíkurfélögunum.
— Sigruðu Bretar með 9:0. Dómari var Guðjón Einarsson. Liðin voru
þannig skipuð. Queen’s Park Rangers: Reg. Allen, markvörður; Dudley,
hægri bakvörður; Jefferson, vinstri bakvörður; Smith, hægri framvörður;
Chapman, miðframvörður; Heath, vinstri framvörður; McEwan, hægri út-
herji; Parkinson, hægri innherji; Durrant, miðframherji; Hatton, vinstri
100