Árbók íþróttamanna - 01.12.1948, Side 120
maður, sem nú léki á meginlandi Evrópu. Jafnframt telja Frakkar haun
prúðasta leikmann meðal atvinnumanna þeirra, sem nú leika á völlum
Frakklands.
A sigurdegi Frakka haustið 1947, en það var minningardagur þess að
Þjóðverjar voru hraktir úr Frakklandi, lék enska atvinnuliðið Arsenal í
París. Arsenal tapaði leiknum með 4:3, en Frakkarnir fullyrtu að ef Al-
bert hefði leikið með Arsenal, hefði sigur þess verið fyrirfram ákveðinn.
Þennan sama dag, sem Arsenal lék í París, þá keppti Albert með Nancy
í borginni Agde. Nancy vann leikinn mjög glæsilega með 7:1. Albert skor-
aði sex mörk í leiknum og auk þess tvö, sem dæmd voru rangsstöðumörk.
Hrifningin yfir leik Alberts var svo mikil og einlæg, að mótherjar hans
gátu ekki stillt sig um að bera hann á gullstól út af vellinum, að leik
loknum.
Guðbjörn sagði, að það væri og títt að ýmsar útvarpsstöðvar sæktust
eftir því að fá Albert til þess að segja nokkur orð til hlustenda sinna,
eftir leiki eða við önnur tækifæri. Eitt sinn var honum hátíðlega boðið
til Luxemburg, til þess að sýna sig og segja nokkur orð í útvarpið þar.
Fregnir um afrek Alberts á knattspyrnuvöllum Frakklands hafa og farið
gegnum útvarpsstöðvar hinna ýmsu landa Evrópu, t. d. var s.l. haust
ítarleg lýsing á honum í útvarpi frá Moskva.
Er Guðbjörn keppti ásamt Albert með Nancy í borginni Nantes, vakti
auglýsingin um leikinn sérstaka athygli leikmanna. — Við hverja aug-
lýsingu var sérstök mynd af Albert í fullri líkamsstærð og áletrað undir:
. Komið og sjáið Islehdinginn Albert Guðmundsson — stóru stjörnuna
jrá litla landinu. ...“
Um kvöldið var liðinu haldin veizla er sátu yfir 200 manns. Var Albert
fenginn til að skrifa nafn sitt á 10 miða, en síðan voru miðarnir seldir á
uppboði, og fóru þeir allir á 2000 til 6000 franka. Nokkrum dögum síðar
fréttist til Nancy, að boðið væri allt að 10,000 frankar í eiginhandar-
undirskriftir þessar.
Er Albert var hér síðast á ferð um áramótin 1946—’47 var hann spurð-
ur um hvort hann teldi að knattspyrnumennirnir hér í Eeykjavík væri
eftirbátar annarra þjóða t. d. Norðurlandanna. Svar hans var eitthvað á
þessa leið: „Flestir knattspyrnumenn, sem nú leika í Reykjavíkurliðunum
eru efni í frábæra knattspyrnumenn, en það, sem þá vantar til þess að
ná enn betri árangri er, að þeir þurfa að leggja meiri hugsun í leik sinn
og æfingatíminn þarf að vera lengri, því án góðrar og fullkominnar lík-
amsæfingar ná knattspyrnumenn aldrei langt“.
118