Árbók íþróttamanna - 01.12.1948, Side 146
sumarið. Skrifaði hann síðan Georg Bergfors íþróttakennara þar sem hann
ítrekaði boðið og Ari ákvað að taka því.
Fór Ari í sumarleyfi sínu og gat því ekki dvalið nema mjög stuttan
tíma. Fyrst fór hann til Vadstena og æfði þar með Per Olaf í vikutíma,
en síðan fór hann til Stokkhólms, þar sem Per Olaf hafði séð honum fyrir
æfingum hjá félagi sínu, Hellas.
Á meðan Ari dvaldi ytra tók hann þátt í 100 metra sundkeppni frjálsri
aðferð með Per Olaf og var næstur honum. Birtu sænsk blöð frásögn af
keppninni og luku miklu lofsorði á Islendinginn. Per Olaf Olsson gat
þess í viðtali við eitt blaðið, að Ari væri eitt mesta sundmannsefni, sem
hann hefði kvnnzt í seinni tíð. Kvað hann Ara vera jafnfljótan sér í sjálfu
sundinu (eða fljótari), en skorti enn á í viðbragði og snúningum. Bjóst
Per Olaf við því að Ari færi bráðlega undir mínútu með því að leggja
sérstaka áherzlu á þessi tvö atriði. Keppnirnar fóru ]>annig: 1. Per Olaf
00,7 sek., 2. Ari Guðmundsson 04,2 sek. og 1. Per Olaf 59,8 sek., 2. Ari
04,0 sek.
EvrópumeistaramótiS í Monte Carlo (Monacco)
Vorið 1947 tók Sundráð Reykjavíkur ákvörðun um að senda nokkra
menn á Evrópumeistaramótið í sundi, sem lialda átti í Monte Carlo dagana
10.—14. sept. 1947. Var talið æskilegt, að 2--3 sundkennarar væru með
í förinni, cn því miður strandaði sú ákvörðun á gjaldevriserfiðleikum, og
leit jafnvel svo út um tíma, að enginn erlendur gjaldevrir fengist til farar-
innar. Ur þessu rættist þó svo á síðustu stundu, að gjaldeyrir fékkst handa
þremur þátttakendum og fararstjóra, og urðu fyrir valinu Sigurður Jóns-
son, K.R., Sigurður Jónsson, Þingeyingur, og Ari Guðmundsson, Ægi, en
fararstjóri var formaður S.R.R.. Erlingur Pálsson, sem jafnframt sat þing
alþjóða-sundsambandsins, er haldið var samtímis mótinu.
Lagt var af stað 5. sept. með flugvélinni Heklu, áleiðis til London, og
gekk ferðin ]>angað ágætlega. Æskilegast hefði verið að geta líka farið með
flugvél síðari hluta leiðarinnar, en það reyndist ógerlegt vegna kostnaðarins,
og varð því að notast við ]>reytandi járnbrautarferðalag. Fyrsti áfanginn
var til Folkestone og síðan með ferju vfir Ermasund til Boulogne í Frakk-
landi og svo áfram með lestinni til Parísar og komið þangað um kl. 5 síð-
degis. — Daginn eftir, 7. sept., var haldið áfram ferðinni með járnbrautar-
lest alla Ieið til Monte Carlo. Tók sú ferð 17 klst. og var lítið næði til
144