Árbók íþróttamanna - 01.12.1948, Page 152
nokkrar sígildar sundvegalengdir, bar sem keppendur voru aðeins 1 eða 2
eða jafnvel engir. Að sama skapi gefur skráin ekki allskostar rétta hug-
mynd um getu ísl. sundmanna og kvenna, þar sem sumir fá sjaldan eða
aldrei tækifæri til að keppa í löglegum laugum — 25 metra löngum, en
það er fyrsta skilyrði til þess að hægt sé að taka afrekið í skrá þessa. Þá
virðist ætla að ganga seint að fá hlutaðeigandi aðila til þess að skipu-
leggja og samræma betur sundkeppnina, þannig að keppt sé oftar í hinum
sígildu sundgreinum og aldursflokkaskiptingin sé ekki höfð eins laus í
reipunum og raun ber vitni.
Af þeim 18 greinum, sem eru sameiginlegar fyrir árin 1946 og 1947 hefur
nú náðzt betri árangur í 10, jafn í 1 og lakari í 7 greinum.
Bezti árangur ársins 1947 í þeim greinum, sem ekki eru teknar í afreka-
skrána, er þessi: KARL.4R: JffíO metra skriðsund: Olafur Diðriksson, A..
6:22,5 mín. (Ari keppti aldrei á árinu). — 3X50 metra þrísund: A-Sveit
U.M.F. Reykdæla 1:57,5 mín. — KONUR: hOO metra bringusund: Lilja
Auðunsdóttir, Æ., 7:45,0 mín.
Löglegar keppnislaugar
Eftirfarandi laugar eru löglegar til sundkeppni, það er að segja hafa lág-
markslengdina 25 metrar:
Sundhöll Reykjavíkur, Reykjavík.
Hreppslaug, Borgarfirði.
Kolviðarneslaug, Hnappadalssýslu.
Reykhólalaug, Austur-Barðastrandarsýslu.
Reykjaneslaug við Isafjarðardjúp.
Sundlaugin að Klúku í Bjarnarfirði.
Reykjalaug, Hrútafirði.
Varmahlíðarlaug, Skagafirði.
Sundlaug Siglufjarðar.
Sundlaug Ólafsfjarðar.
Sundlaugin að Laugalandi, Hörgárdal.
Sundlaug Akureyrar.
Sundlaug Neskaupstaðar.
Sundlaugin að Flúðum í Hrunamannahreppi.
Sundlaugin í Hveragerði.
Sundlaug Hafnarfjarðar.
150