Árbók íþróttamanna - 01.12.1948, Page 237
Skíðasambandsins. Hann samdi, ásamt vini sínum og samlierja Einari B.
Pálssyni, fyrstu tvær útgáfur Skíðabandbókarinnar. Hann var ritari milli-
þinganefndar í íþróttamálum, vann að nýju skipuiagi á starfsháttum I.S.I.
og átti ekki hvað minnstan þátt í því að koma þvi í framkvæmd. Sem
fulltrúi Skíðasambandsins í Olympíunefnd átti hann að sjálfsögðu drýgst-
an þátt í því að undirbúa þátttöku íslenzkra skíðamanna í Olympíuleik-
unum, þótt örlögin leyfðu honum ekki að sjá þann draum rætast. Hvar
sem Steinþórs naut við i íþróttamálunum var mikils árangurs að vænta,
því að hann var sannur íþróttamaður og óviðjafnanlegur starfsmaður til
sálar og likama.
Skíðasambandið og islenzk íþróttahreyfing hafa því beðið óbætanlegt
tjón við fráfall Steinþórs Sigurðssonar.
Steinþór Sigurðsson var fæddur í Reykjavík 11. janúar 1904, sonur
hjónanna Onnu Magnúsdóttur frá Dysjum á Alftanesi og Sigurðar Jóns-
sonar fyrrv. skólastjóra við Miðbæjarbarnaskólann. Að loknu stúdentsprófi
1923 hóf Steinþór nám við Hafnarháskóla með stjörnufræði sem aðalnáms-
grein, en lagði jafnframt stund á efna-, eðlis- og stærðfræði og lauk mag.
scient-prófi árið 1929.
Næstu tiu árin var hann kennari við menntaskólana norðanlauds og
sunnan, en varð skólastjóri Viðskiptaháskóla íslands 1938 og gegndi því
starfi til ársins 1941, að skólinn var lagður niður. Varð Steinþór þá aftur
kennari við Menntaskólann í Reykjavík og verkfræðideild Háskólans.
Steinþór var þátttakandi í landmælingum íslands árin 1930—’38 og stjórn-
aði þá leiðangrum, er mældu erfiðustu hlutana af. hálendi íslands. Öðlaðist
hann þannig svo yfirgripsmikla þekkingu á óbyggðum landsins, að eins-
dæmi má telja. Síðustu árin var Steinþór framkvæmdastjóri rannsóknaráðs
ríkisins.
Steinþór var kvœntur Auði Jónasdóttur alþingismanns Jónssonar.
Kristján konungur tíundi, verndari Í.S.Í.
20. apríl 1947 andaðist Kristján tíundi Danakonungur, 76 ára að aldri.
Hann var mikill áhugamaður um íþróttir og sýndi íslenzkum íþróttamönn-
um jafnan þann áhuga f verki með því að vera viðstaddur íþróttakeppni
í hvert einasta sinn, er hann kom til landsins. Gaf hann þá jafnan silfur-
bikara til að keppa um og er einn þeirra enn í umferð „Konungsbikarinn"
svonefndi, sem keppt er um árlega á 17. júní mótinu. Er Kristján tíund/
lézt hafði hann verið verndari Í.S.Í. rúman aldarfjórðung. Minning þessa
síðasta konungs vors mun lengi lifa.
235