Glanni - 27.07.1970, Qupperneq 10

AF
ERLENDUNI
SKATUM
Síðustu vikuna hafa erlendir skátar
streymt til landsins í stríðum straumum.
Flestir þeirra hafa hlotið góðar viðtökur,
enda eru allir skátar góðir lagsmenn.
Fæstir erlendu skátanna hafa komið hingað
áður, en þó hafa nokkrir þeirra sótt
skátamót hér á liðnum árum.
Fyrstar komu þýzkar og svissneskar
valkyrjur. Þær þýzku brugðu sér án frek-
ari tafar að Gullfossi og Geysi, mótsstjórn-
inni til mestu hrellingar, en Svissurnar
stilltu sér pent upp fyrir Bogga blaðaljós-
myndara eins og sjá má.
í þessari opnu bregðum við upp myndum
af þeim erlendu skátum sem við höfum náð
í, en eðlilega hafa þessir langt að komnu
gestir margt að skoða og mega lítt vera að
því að spjalla við blaðamenn. Eigi að
síður höfum við spurt ýmislegt um þessa
félaga okkar og látum það fjdka með myndum.
Svissnesku stúlkurnar eru fjórar hér á mót-
inu. Þær komu til landsins á þriðjudaginn var
og komu sér þegar fyrir á meltunni uppi í Gagn-
fræðaskólanum 1 Ármúla. Þar átu þær skyr eins
og þær gátu í sig látið, og þótti það með af-
brigðum gott - allflestum að minnsta kosti.
Fyrir tæpri viku kom tylft af brezkum kven-
skátum. Borghildur Fenger, móttökustjóri
erlendra skáta bauð þeim ásamt svissnesku
stúlkunum heim til sín á þriðjudagskvöldið og
þar var sannarlega glatt á hjalla. Skemmtu
allir viðstaddir sér konunglega, eins og
raúnar mátti búast við. Myndin hér að neðan
er úr samkvæminu og sýnilega hafa stúlkurnar
þurft að spjalla mikið, þeim kippir í kynið.