Heimili og skóli - 01.10.1968, Side 16

Mánaðarblaðið Eining 25 ára
Á þessa ári eru liðin 25 ár síðan mánað-
arblaðið Eining hóf göngu sína. Fyrsta
blaðið kom að vísu út í nóvember árið
1942, en útgáfan er talin hefjast með ár-
inu 1943. Ritstjóri Einingar hefur alla tíð
verið Pétur Sigurðsson, hinn sívakandi og
eldheiti umbótamaður, mannræktarmaður
og bindindishetja.
Tildrögin að stofnun blaðsins segir rit-
stjórinn verið hafi þau, að fjögur félaga-
sambönd : Stórstúka Islands, Ungmenna-
félag íslands, Samband bindindisfélaga í
skólum og íþróttasamband íslands höfðu
haft samvinnu um bindindisdag og fleira.
Þessir aðilar afréðu því að gera tilraun
með útgáfu á blaði, sem fyrst og fremst
fjallaði um bindindisstarfsemi. Þegar til
framkvæmda kom, virtist enginn þessara
aðila vera sjálfkjörinn til að hafa þarna
forustuna, né aðstöðu til þess. Það fór því
svo, að Pétur Sigurðsson tók að sér rit-
stjórnina. Var það vel ráðið, því að vafa-
mál er, að Eining hefði lifað fram á þenn-
an dag í höndum nokkurs annars manns.
Svo mikla elju, fórnfýsi og dugnað hefur
ritstjórinn sýnt í sambandi við þetta blað.
Seinna bættust svo fleiri aðilar við í
þessari samvinnu, svo sem Prestafélag ís-
lands, Samband íslenzkra barnakennara,
Áfengisvarnarnefnd kvenna og Alþýðu-
samband íslands. Var þá mynduð sam-
vinnunefnd um blaðið og stóð svo í 10 ár.
Enn sem fyrr hvíldi þó allt starfið og öll
ábyrgðin á ritstj óranum, og meðal annars
það að sjá um allt efni í blaðið.
Hvað er svo mánaðarblaðið Einingin?
Hvers konar boðskap flytur það? Það er
108 HEIMILI OG SKÓLI
kannski fyrst og fremst bindindisblað, sem
berst fyrir bindindi á öllm vígstöðvum. En
það er miklu meira. Því er ekkert óvið-
komandi, er varðar menningu almennt,
siðgæði, trú og heilbrigt líferni á öllum
sviðum. Eining hefur verið samvizka þjóð-
arinnar um 25 ára skeið í öllum þessum
efnum, að svo miklu leyti, sem hún hefur
náð til hennar.
Á yngri árum ferðaðist Pétur um þvert
og endilangt landið, flutti þrumandi ræður
um áhugamál sín og hreif áheyrendurna.
Hann fyllti öll samkomuhús hvar sem hann
kom. Hann er flugmælskur og hreif fólk-
ið með sér, vakti það til dáða og dreng-
skapar. Pétur skildi eftir sig frá þeim ár-
um mörg spor í menningu þjóðarinnar,
sem ekki hafa enn máðst út. Það fundu all-
ir, sem hlustuðu á Pétur á þeim árum, að
hugur fylgdi málum. Þess vegna vildu
menn hlusta á hann. Hann komst ekki allt-
af hjá því að flytja ádeilur, eins og títt er
um umbótamenn. En rauði þráðurinn í
boðskap hans var þó jákvæður. Hann var
byggður á bjargi kristinnar trúar, væri
hún alltaf lögð til grundvallar, kom allt
hitt af sjálfu sér.
Síðan Pétur hætti að ferðast um og
flytja eldheitar ræður, hefur hann notað
Einingu sem boðbera sinn og enn er það
trú og bindindi, sem eru sterkasti þáttur-
inn í boðskap hans.
Eg býst því miður ekki við, að Einingin
sé eins útbreidd og skyldi. Blað, sem skrifað
er af svo mikilli siðferðilegri alvöru, hlýtur
að skilja eftir einhver siðbætandi áhrif.
Pétur hefur treyst á málstað sinn og aldrei