Ferðir - 01.04.1942, Blaðsíða 9

Ferðir]
7. blaðsíða
Lambárdalsöxl er merkileg fyrir það, að í henni finnst
mikið af steingerðum trjábolum inni á milli laga. Frá
henni og sennilega fleiri stöðum hafa svo bútar þeir borizt,
sem oft finnast á Glerárdal. Aldur þessara viðarsteina
skiptir vafalaust milljónum, ef ekki tugum milljóna ára.
Þegar ganga skal á Kerlingu er um margar leiðir að
velja. Hafi fyrst verið gengið á Súlur, má halda inn hrygg-
inn suður frá þeim, fara vestur af honum við Bónda og
niður í Lambárdalinn, en stefna síðan upp jökulinn í
skarðið milli Kerlingar og Lambárdalsaxlar.
Greiðfarnasta leiðin frá skíðaskálunum liggur þó inn
með Súlnahömrum á Lambárdalsjökulinn. I þriðja lagi má
fylgja ánni inn á móts við Lambárdal, en á þeirri leið er
yfir mörg og djúp þvergil að fara, hvorum megin ár, sem
er, og tefja þau mjög ferðina.
Er komið er í áðurnefnt skarð, er farið upp mjóan rinda
með hömrum á vinstri hönd, en brattri hlíð á hina. (Leið-
in sézt greinilega á miðri myndinni). Liggur þarna
venjulegast harðfenni á efsta kaflanum, sem nokk-
þarna venjulegast harðfenni á efsta kaflanum, sem nokk-
uð getur verið varasamt. Auðsóttast á Kerlingu frá Akur-
eyri er, ef farið er með bíl inn í mynni Finnastaðadals
innan við Grund. Þaðan er lagt upp til fjallgöngunnar
austan Lambár. (Þess ber að gæta, að í og við Glerárdal
eru fimm Lambár). Ur Lambárbotninum má ganga beint
af augum upp snarbratta hlíð og er þar einnig upp harð-
fenni að fara.
Skemmtilegasta leiðin fyrir skíðafólk mun vera hin síð-
asttalda, ef farin er Súlna-leiðin til baka. Liggur þá síðari
hluti leiðarinnar um nær óslitnar brekkur frá Súlum eða
Krummunum niður undir Akureyri.
Kerling er að vestan aðskilin frá Glerárdalshnjúk
(1338 m.) með djúpu skarði (1050 m. yfir sjó), en það
er fyrir botni Finnastaðadals. Vestan við Glerárdalshnjúk
teku'r við hæðótt land 12—1300 m. yfir sjó. Eru þar á-
gætar skíðabrekkur, sennilega mestan hluta árs. Norður