Bæjarblaðið Jökull - 30.05.2013, Side 6

Sjómannadagsblað Snæfells­
bæjar 2013 kemur út í þessari
viku fyrir sjómannadag en fyrsta
blaðið kom út 1987. Efni blaðs­
ins er fjölbreytt að vanda og
það byrjar á hugvekju eftir frú
Agnesi Sigurðardóttur biskub
Íslands. Viðtal er við Pétur Hauk
Helgason fyrrverandi fram ­
kvæmdastjóra Sérleyfis­ og hóp­
ferðabíla Helga Péturssonar en
það flutti ma. sjómenn og
verka fólk vestur á Snæfellsnes í
um sjötíu ár. Þótt það hafi ekki
verið í útgerð í sjávarútvegi þá
var þessi rekstur þýðingarmikil
fyrir okkur hér á Snæfellsnesi.
Viðtal er við hina dugmiklu
bræður Þorgrím og Steingrím
Leifssyni sem reka fyrirtækið
Klumbu í Ólafsvík og Frostfisk í
Þorlákshöfn. Alls eru þeir með
165 manns í vinnu og hafa frá
ýmsu að segja. Páll Stefánsson
skipstjóri og hafnarvörður á Rifi
segir okkur frá sínu starfi en
hann er einnig lykilmaður í öllu
björgunarstarfi hér á Snæfells­
nesi. Rætt er við Einar Karlsson
fv verkalýðsforingja í Stykkis­
hólmi en hann var formaður
félagsins í þrjátíu ár. Stefán
Máni verðlaunarithöfundur
skrif ar um túr á fraktskipinu
Mána fossi en hann var þá að
kynna sér sjómennsku og stað­
háttu í tilefni ritunar á met­
sölubókinni Skipið sem kom út
2006. Rætt er við Gunnar
Hjálmars son skipstjóra á Hauka­
berginu SH frá Grundarfirði.
Hann kemur með áhugaverðan
samanburð á vertíðinni 1977 og
vertíðinni 2013 sem vert er að
gefa gaum. Róbert Óskarsson
sjómaður í Ólafsvík segir frá
sinni sjómennsku en hann er
búin að vera trillukarl sl 20 ár.
Georg Andersen framkvæmda­
stjóri Valafells ehf í Ólafsvík
ritar áhugaverða grein um hvað
fyrirtæki á Snæfellsnesi gætu
gert saman til að auka arðsemi.
Þá er góð samantekt um upphaf
og endir skelveiða í Stykkis­
hólmi eftir Alex Pál Ólafsson
stýrimann í Stykkishólmi. Efni
og myndir frá hátíðarhöldunum
á sjómannadeginum á Snæfells­
nesi 2012 eru í blaðinu og
margt fleira. Þar á meðal grein­
ar, viðtöl og svo ljósmyndir af
ýmsu efni. Blaðið er 98 síður og
það er í fyrsta sinn nánast allt í
lit. Það er prentað og brotið um
í Steinprent í Ólafsvík. Blaðið
verður til sölu á Grandakaffi í
Reykja vík, í Samkaup og
Hrannar búðinni í Grundarfirði
en í Stykkishólmi verður það
borið í hús.
Ritstjóri er Pétur Steinar
Jóhannsson.
Grunnskóli Snæfellsbæjar er
nú þátttakandi í Comeniusar­
verkefni á vegum Evrópu sam­
bandsins sem hófst haustið
2012 og mun standa til vors
2014. Verkefnið ber yfirskriftina
„We can also succeed“ eða „Við
getum líka náð árangri“.
Markmið þessa verkefnis er
að stuðla að bættri sjálfsmynd
nemenda á aldrinum 10 – 19
ára sem standa höllum fæti í
hefðbundnu námi vegna
þroska skerðingar, félagslegra,
geðrænna eða námslegra erfið­
leika.
Áhersla er lögð á myndmennt
og skapandi vinnu og íþróttir
eða hreyfingu. Þessar greinar
gefa nemendum tækifæri til að
efla sköpunarkraftinn og ná
settum markmiðum sem eykur
sjálfstraust og ánægju. Með
verkefninu er einnig stefnt að
því að nemendur kynnist
menningu þeirra landa sem
taka þátt.
Nemendur okkar hafa meðal
annars unnið skartgripi úr
íslenskum efnivið, ull, roði,
skeljum og beinum. Sýning í
tengslum við verkefnið verður
sett upp í Átthagastofunni nú í
vikunni og mun hanga upp í
sumar.
Skólarnir sem taka þátt í
verk efninu auk okkar eru frá
Ung verjalandi, Póllandi, Tyrk­
landi, Ítalíu og Portúgal. Fundir
verða haldnir í öllum þátt töku­
löndunum og styrkir Comen­
íusar sjóðurinn 24 far miða
vegna fundanna. 7 starfsmenn
GSNB taka þátt í fundi í Portúgal
vikuna 3.­9. júní n.k. Verkefnið
heldur úti heimasíðu þar sem
má meðal annars sjá myndir af
verkum nemenda:
www.wecanalsosucceed.com
Grunnskóli Snæfellsbæjar er
stýriskóli verkefnisins og mun
lokafundur þess væntanlega
verða hjá okkur vorið 2014.
Sjómannadagsblað Snæfellsbæjar 2013
Comeniusarverkefni
Jæja þá er komið að því........
Tröllapúlið byrjar 3. júní til 4. júlí og verður mánudaga og
miðvikudaga kl 17:00, þetta eru 10 tímar alls tvisvar í viku.
Púkapúlið byrjar einnig 3. júní til 4. júlí og verður mánudaga
og miðvikudaga kl 11:00 til 12:00, þetta eru 10 tímar alls og
tvisvar í viku, púkapúlið er fyrir 5. 6. og 7. bekkinga.
Skráning verður við mætingu þann 3. júní á svæðinu bakvið N1.
Nú er bara að gíra sig upp í slaginn
og mæta í skemmtilegt útiör.
Upplýsingar í síma 899-3308/436-1402,
kveðja Harpa Finnsd.