Bæjarblaðið Jökull - 22.12.2021, Blaðsíða 6
Ég heiti Ragnheiður Víglunds-
dóttir og er fædd 1950 í Skálholti
Ólafsvík. Systkini mín eru Úlfar f
1942 í Garðarshúsi, Lára Guðrún
fædd 1948 í Skálholti. Foreldrar
okkar eru Víglundur Jónsson og
Kristjana Þórey Tómasdóttir.
Í minningunni var alltaf mikil
tilhlökkun fyrir jólin hjá okkur
syst kinum. Það var allt gert
hreint fyrir jólin, mamma bakaði
margar sortir af smákökum, lag-
tertur, steikti parta, ofl
Á Þorláksmessu var jólatréð
skreytt og alls konar jólaskraut
sett upp. Svo var síðasta hrein-
gern ingin að skúra gólfin alveg
út fyrir dyr! Eftir skötuveislu á
Þor láksmessu var tekið við að
sjóða hangi kjötið, þá hvarf lyktin
af skötunni.
Jólamaturinn var hefðbundinn,
hamborgarhryggur, hangikjöt og
gott meðlæti. Svo var sveskju-
eftir réttur sem var gerður frá
grunni og þeyttur rjómi. Svo
kom auðvitað síðar ananasfro-
mage.
Á aðfangadagskvöld var fastur
liður að mamma útbjó heitt
súkkulaði og bakkelsi. Kom þá
öll fjölskyldan heim. Þessi siður
hefur haldist og koma allir
saman í Skál holtinu á aðfanga-
dags kvöld eftir kvöldverðinn.
Varðandi gjafir þá fannst okkur
allt svo fallegt sem við fengum
og pössuðum vel uppá gjafirnar.
Mikið var um bókagjafir sem var
mjög spennandi.
Á jólunum var alltaf mikill
friður og ró, farið var í kirkju á
jól unum. Þá var útvarpsmessa
alltaf hátíðleg líka. Mikið var
hlust að á útvarp á þessum árum,
barna tíma, framhaldssögur.
Fram halds leik ritin voru líka
mjög spenn andi.
Á heimili okkar bjó í mörg ár
Haraldur bróðir pabba okkar.
Hann átti við fötlun að stríða en
var alltaf tilbúinn að hjálpa til á
heimilinu eins og hann hafði
getu til. Einnig var hann dug-
legur að sendast í búðir fyrir
mömmu og nágrannakonurnar.
Upphaf búskapar
Kristjana og Víglundur giftust
árið 1942 og hófu búskap á
Ólafsbrautinni hjá Fönnu, síðan
fluttu þau í Garðarshús, þar
fæddist Úlfar. Í því húsi bjuggu
einnig Lárus Sveinsson og
Steinunn Þorsteinsdóttir. Góður
vinskapar var hjá fjölskyldunum
og byrjuðu Lárus og Víglundur
saman í útgerð.
Á efstu hæðinni var hótel en
húsið brann árið 1947. Ég man
að ég heyrði að á neðstu hæð var
um tíma aðstaða til beitningar og
er ég ekki hissa á því, vinnan var
alltaf framarlega hjá fólki á
þessum árum.
Árið 1946 hófu þau byggingu
á húsinu Skálholti en áður höfðu
þau keypt gamla Skálholt sem
var prestsetur og stóð húsið
Ragnheiður Víglundsdóttir
Jól bernskunnar
Gamla Skálholt sem var rifið þegar nýja húsið var byggt, hægra megin við húsið sést í Brekkuhús.
Víglundur Jónsson og Kristjana Þórey Tómasdóttir, á milli þeirra er Úlfar og
Guðrún í fangi föður síns.
Ragnheiður, Kristjana og Guðrún, myndin er tekin heima hjá Heiðu
Stefánsdóttur.