Bæjarblaðið Jökull - 02.11.2023, Side 6

Gríðarlegur fjöldi fólks hefur
sótt Frystiklefann á Rifi síðustu
misseri þar sem Heimaleikurinn
hefur verið í sýningu. Sex sýn­
ingar í almennri sölu auk auka­
sýninga troðfylltust og oftar en
ekki var bætt við sætum svo all­
ir sem vildu kæmust að. Hefð­
bundin dagskrá Frystiklefans
tók sér þó ekki frí á meðan sýn­
ingum stóð og hélt Stebbi Jak,
söngvari Dimmu, tónleika fyrir
fullu húsi föstudagskvöldið 20.
október. Voru tónleikarnir í anda
tónleika sem Stebbi hefur haldið í
bílskúrnum sínum síðustu þrjú ár
sem heita “Í skúrnum hjá Stebba
Jak” og samanstóð dagskráin af
lögum af ferli Stebba í bland við
létt grín og sögur. Þá var einnig
hlé á sýningum á Heimaleiknum
laugardaginn 28. október þegar
heimildarmyndin Skuld var sýnd
á stóra skjánum í Frystiklefanum.
Skuld er heimildarmynd um ungt
par sem hættir skuldastöðu sinni
og sambandi þegar þau feta í fót­
spor forfeðra sinna og gera út
trilluna Skuld á handfæraveiðum.
Myndin er tekin að mestu upp á
Rifi og átti Snæfellsbær nokkra
fulltrúa í henni, bæði í myndinni
sjálfri og í Trillukarlakórnum,
sem syngur lokalag myndarinn­
ar, Þorskbæn. En þar sem mikil
eftirspurn og mikil aðsókn hef­
ur verið í að sjá Heimaleikinn á
heimavelli er sýningum ekki lok­
ið á heimildarmyndinni vinsælu
og hefur verið bætt við tveim­
ur sýningum til viðbótar, önnur
er laugardagskvöldið 4. nóvem­
ber og hin klukkan 15 á sunnu­
deginum og hentar því vel fyrir
yngri kynslóðina en eftir þessar
sýningar verður Heimaleikurinn
ekki sýndur aftur í Frystiklefanum
í bili. Þar með er skipulagðri dag­
skrá á Rifi þó ekki lokið því þann
11. nóvember mun Pétur Jóhann
Sigfússon svo mæta á Snæfellsnes­
ið og trylla lýðinn með nýju efni
í Frystiklefanum.
SJ
Öflug dagskrá í Frystiklefanum
AKSTURSSTYRKIR
Akstursstyrkir til íbúa í dreifbýli
Íbúar í dreifbýli Snæfellsbæjar geta sótt árlega um sérstakan akstursstyrk til að koma til móts við
kostnað vegna aksturs barna til Ólafsvíkur í íþrótta- og tómstundaiðkun.
Árlegur akstursstyrkur er kr. 30.000.-
Umsóknir skulu berast bæjarritara í tölvupósti.
Í umsókn þarf að koma fram nafn foreldris/forráðamanns,
nafn barns/barna, kennitala og reikningsnúmer þar sem leggja á styrkinn inn.
Einnig þarf að fylgja vottorð/staðfesting frá þjálfara um að barnið sé skráð í íþróttir norðan heiðar.
Úthlutunarreglur vegan akstursstyrks Snæfellsbæjar til UMF Staðarsveitar
má nna á vef Snæfellsbæjar undir Stjórnsýsla – Reglur og samþykktir.
Nánari upplýsingar gefur bæjarritari í síma 433-6900 eða netfangið lilja@snb.is