Árnesingur - 01.06.1948, Page 4

4
ÁRNESINGUR
gefið Frökkunum önnur viðfangsefni til að
glima við, og komst Þorlákshöfn aftur í
eign landsmanna.
Engin veruleg mannvirki voru gerð í
Þorlákshöfn í þarfir útgerðar, fyrr en eftir
1930, að Kaupfélag Árnesinga hafði eign-
ast staðinn. Hóf kaupfélagið útgerð jafn-
hliða, sem það gerði allverulegar lending-
arbætur, og myndarlegar húsabyggingar
fyrir útveginn.
Þorlákshöfn var illa sett gagnvart vega-
kerfi héraðsins, og naut sín því illa þótt
hún lægi skammt frá víðlendustu sveita-
byggðum landsins.
Þegar setuliðsvinnan flæddi yfir landið,
og fjöldi manna, sem áður höfðu þurft að
stunda vinnu sína á sjó og landi fjarri
heimilum sínum, fengu aðstöðu til að búa
heima hjá sér, og vera sóttir í bifreiðum
á morgnana til vinnu, og skilað heim að
kvöldi, — lagðist útgerð niður í Þorláks-
höfn af mannleysi, og staðurinn hvarf úr
vitund manna um nokkurra ára skeið.
Vorið 1946 verða þáttaskipti í sögu Þor-
lákshafnar. Árnes- og Rangárvallasýslur
kaupa eignina með öllum mannvirkjum í
þeim tilgangi að hefja þar hafnarbætur.
Samgöngumálaráðuneytið samþykkir
byggingu bryggju, sem stærstu fiskiskip
geta lagst að. Þjóðvegurinn er lagður til
Þorlákshafnar og bryggjusmíðin hafin.
Þorlákshöfn er fundin aftur, og ef verk-
leg tækni nútímans fær skapað þar nauð-
synlegar hafnarbætur, munu sunnlending-
ar að nýju færa þar mikinn afla á land.
T. E.
Bókakaup
Bækur eru nú nálega eina varan, sem
ekkí er skömmtuð. Þó nokkuð hafi dregið
úr útgáfuflóðinu frá þvl, þegar mest var
á striðsárunum, er enn mikið gefið út og
mikið keypt af bókum.
Mjög tíðkast nú að kaupa bækur til tæki-
færisgjafa og meira en áður, vegna þess
að erlendar skrautvörur, eða aðrar vörur,
sem hentugar eru til slíkra gjafa sjást nú
varla í verzlunum. Nú er vissulega ekki
nema gott um það að segja, að nota bæk-
ur til tækifærisgjafa, sé um góðar bækur
að ræða, og oftast er það betri gjöf, en
upp og niður glingur, sem oft er til lítilla
nota og frekar til óprýði en fegurðarauka
í híbýlum manna, en að góðri bók er gagn
og ánægja.
í sambandi við þessa hugleiðingu vil ég
mælast til þess við félagsmenn vora, að
kaupa allar sínar bækur í búðum fé-
lagsins. Þar gildir það sama og með
aðra verzlun í félaginu, að með því styrk-
ið þið félagið og sjáið bezt ykkar eigin
hag borgið. Af bókum fáið þið ágóðahlut
útborgaðan og stofnsjóðsgjald greitt í
stofnsjóði ykkar.
Öll bófcakaup l K. Á.