Þroskaþjálfinn - 18.05.2000, Page 30

U Afmælisblað Þroskaþjálfafélags Islands
líka. Aðrir hafa orðið daufblindir seinna á ævinni, fæðast
annaðhvort heyrnarlausir og verða svo blindir eða fæðast
blindir og verða heyrnariausir. Nokkrir eru fæddir með
eðlilega sjón og heyrn en missa svo hvorutveggja vegna
sjúkdóms, slysa eða elli.
Samskiptaleiðir
Samskiptaleiðir eru mjög mismunandi eftir hópum og fer
til dæmis eftir því hvort viðkomandi hefur misst fyrr heyrn
eða sjón. Helstu samskiptaleiðir daufblindra eru tal,
táknmál, snertitáknmál sem byggir á því að halda í hönd
þess sem talar og skynja táknin á þann hátt, blindraletur
og fmgrastafróf. Við höfum unnið mikið með tölvur fyrir
daufblinda sem hefur verið mjög spennandi. Tölvurnar
hafa opnað mörgum nýjan heim bæði í samskiptum og í
upplýsingaöflun. Með tölvupósti geta daufblindir átt
samskipti hverjir við aðra gegnum blindraleturslyklaborð
og haft þannig samskipti án milliliða í fyrsta sinn. Einnig
eiga þeir kost á því í fyrsta skipti að tala við fólk sem ekki
kann þeirra samskiptaleið.
Lokaorð
Reynsla mín í þessu starfi hefur sýnt mér það að vinna að
málefnum daufblindra er geysilega umfangsmikið starf og
krefst þekkingar á ýmsunt sviðum. Daufblindir eiga við
margskonar vandamál að stríða bæði líkamleg, andleg og
félagsleg og til að takast á við þau vandamál þarf starfs-
maðurinn að hafa góða þekkingu og reynslu. Þar nýtist
nám mitt í þroskaþjálfun ákaflega vel, þar sem tekið er á
öllum þessum sviðum í náminu. Einnig er kennt sjálfstæði
í vinnubrögðum og kynntar hinar ýmsu stofnanir sem
tengjast málefnum fatlaðra. Þetta gerir manni kleift að hafa
yfirsýn yfir þennan málaflokk.
I þessu breytta og tæknivædda þjóðfélagi sem við lifum
í eru gerðar sífellt meiri kröfur um aukna sérhæfingu og
þekkingu. Nám í Þroskaþjálfaskóla íslands er góður
almennur grunnur en ég tel mikilvægt að skólinn gefi
möguleika á að sérhæfa sig meira á hinum ýmsu sviðum
að námi loknu eins og ég hef kynnst í mínu starfi.
tVSAMSKIP
Miðstöðin sf.
Stranduegi 65 • 900 Vestmannaeyjar
REYKJANESBÆR
HITAVEITA
SUÐURNESJA
30
Hagi ehf