Fjarðarfréttir - 12.09.2024, Page 12

12 www.fjardarfrettir.is FJARÐARFRÉTTIR – HAFNFIRSK ÆSKA | FIMMTUDAGUR 12. SEPTEMBER 2024
Silja Úlfars heiti ég og er þjálfari 8.-10.
bekkinga í frjálsum hjá FH. Ég veit að
brottfall verður oft á unglings árunum úr
íþróttum en ég held að það megi
oft koma í veg fyrir það með
smá fjölbreytni. Mig lang ar þess
vegna til að hvetja þau sem eru
að íhuga að hætta í sínum
íþróttum að koma og prófa
frjálsar, kannski ert þú næsta
fram tíðar efni í kast grein um,
stökk grein um eða hlaup um?
Sjálf æfði ég handbolta og
fótbolta á mínum yngri árum en
ég fann að minn styrkleiki var hvað ég
var fljót að hlaupa. Ég vann óvænt keppni
í skólanum í unglingadeild og byrjaði þá
að æfa og keppa í frjálsum, ég var sprett-
hlaupari á sumrin og í handbolta á vet-
urna. Fljótlega var ég komin í unglinga -
landsliðið. 16 ára þegar ég byrjaði í
Verzló ákvað ég að einbeita mér að
frjálsum, ég fór í kjölfarið í háskóla í
Bandaríkjunum og í kaupbæti fékk ég að
ferðast út um allan heim. Það er nefnilega
snilldin við frjálsar íþróttir: að þú getur
komið inn seinna og oft er það eiginlega
bara betra, hér eru fleiri dæmi:
• Þórey Edda Elísdóttir
stanga rstökkvari og ein besta
íþróttakonan okkar fór þrisv ar á
Ólympíuleika hún byrjaði í
frjálsum íþróttum 19 ára.
• Daníel Ingi Egilsson á
Íslands metið í langstökki og
þrístökki, hann æfði frjálsar
þegar hann var yngri en byrj aði
svo aftur 21 árs.
• Hilmar Örn Jónsson sleggju kastari
byrjaði að ein beita sér að köstum 15 ára
og sleggjukasti 17 ára. Hann hefur keppt
á Heimsmeistara mótinu og Evrópu-
meistara mótinu marg sinnis síðustu ár.
Ég vil því hvetja ykkur kæru ungl ingar
til að hverfa ekki úr íþróttastarfi þótt þið
séuð að hætta í boltaíþróttunum sem þið
hafið „alltaf“ verið í. Hvað ef þú átt
helling inni? Kannski var það bara
upphitun fyrir þinn íþróttaferil, það eru
svo margar og fjölbreyttar íþrótta greinar í
boði.
Í unglingaflokkum í frjálsum þá erum
við byrjuð að einbeita okkur að áhuga-
sviðinu okkar, hvað viltu prófa, hlaup,
köst, stökk? Einnig er svo margt annað í
boði og aldrei of seint að prófa og kynnast
einhverju nýju.
Æfingatímar hjá 8.-10. bekkingum í
frjálsum eru mánudaga, þriðjudaga,
fimmtu daga og föstudaga kl. 16:30 - 18 í
frjálsíþróttahúsinu í Kaplakrika.
Hvet ykkur til að koma og prufa ég tek
vel á móti ykkur og hjálpa ykkur að finna
ykkar næsta skref í þínum íþrótta ferli.
Silja Úlfarsdóttir
siljaulfarsdottir@gmail.com
Silja
Úlfarsdóttir
Ekki hætta í íþróttum, prófaðu bara aðrar!
utforin.isSólarhringsþjónusta
Sverrir Einarsson
Útfararstjóri
S: 896 8242
Jón G. Bjarnason
Útfararstjóri
S: 793 4455
Jóhanna
Eiríksdóttir
Umsjón útfara
Guðmundur Örn
Jóhannsson
Framkvændastjóri
Umsjón útfara
S: 862 0537
ALÚÐ
VIRÐING
TRAUST
REYNSLA
S: 581 3300 eða utforin@utforin.is
Komum til aðstandenda og ræðum skipulag sé þess óskað
UTFARARSTOFA.IS | FJARÐARGÖTU 13-15 | 220 HAFNARFIRÐI
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Haustið er tíminn til að
tengjast. Þetta er tíminn þar
sem við hittum félagana eftir
langt sumarfrí og tökum upp
þráðinn þar sem frá var horfið.
Það er einmitt svo mikilvægt
að vera í sambandi við hvert
annað og halda góðum
tengslum. Já, plögga sig aftur
í samband.
Þátttaka í skipulögðu tóm-
stunda- og íþróttastarfi er verndandi
þáttur í lífi barna og ungmenna. Það á
við um íþróttastarf, félagsstarf í
æskulýðsfélögum, tónlistarnám eða
þátttöku í starfi félagsmiðstöðva. Mig
langar að minna á valkostinn að njóta
frítímans í skipulögðu félags-
miðstöðvastarfi.
Við erum svo heppinn að
við höfum félagsmiðstöðvar í
okkar nærsamfélagi! Hlutverk
þeirra er að bjóða börnum og
unglingum á aldrinum 10-16
ára upp á frístundastarf sem
hefur forvarnar-, uppeldis- og
menntunargildi og tekur mið
af aldri þeirra og þroska.
Í starfi félagsmiðstöðva leggur
starfsfólk ríka áherslu á að skapa
einstaka menningu og öruggt umhverfi
með börnum og ungmennum. Þátttaka
í skipulögðu starfi félagsmiðstöðva og
ungmennahúsa með fagfólki hefur
mikilvægt forvarnargildi og eykur líkur
á því að ungt fólk kjósi heilbrigðan
lífsstíl og forðist áhættuhegðun.
Þar er boðið upp á afþreyingaraðstöðu
og samveru jafnaldra í bland við
viðburði, stóra sem smáa. Áhersla er
lögð á að virkja börn og ungmenni til
þátttöku í starfinu og er dagskrá
fjölbreytt og unnin með ungmennum.
Félagsmiðstöðvar sinna einnig
vettvangsstarfi bæði í sínu nærumhverfi
og svo sameiginlega í starfi Götuvitans
sem er flakkandi félagsmiðstöð.
Götuvitinn sinnir vettvangsstarfi eftir
lögbundinn útivistartíma í samstarfi við
foreldrafélög en er einnig kominn í
samstarf við önnur sveitarfélög á
stórhöfuðborgarsvæðinu.
Öll eru velkomin í félagsmiðstöðina
og hvet ég aðstandendur til að kanna
dagskrána í félagsmiðstöðinni með
barninu, kíkja með þeim þangað eða
hvetja þau til nýta sér hana til að hittast
og hangsa.
Félagsmiðstöðvar eru opnar í öllum
skólum mánudaga, miðvikudaga og
föstu daga seinni part dags og fram á
kvöld, einnig er HHH hinsegin félags-
miðstöðin opin á fimmtudögum og
Músík og mótor alla virka daga 17-22.
Frekar upplýsingar um félags-
miðstöðvar í Hafnarfirði er að finna á
vef Hafnarfjarðarbæjar.
Höfundur er fagstjóri forvarna- og
frístundastarfs hjá Hafnarfjarðarbæ.
Stella B.
Kristinsdóttir
Hittumst og höngsum í félagsmiðstöðvunum