Kosningablað Félags frjálslyndra stúdenta og Stúdentafélags lýðræðissinnaðra sósíalista - okt. 1948, Side 4

4
KOSNINGABLAÐ
BJARNI V. MAGNÚSSON, stud. oecon.:
Hvar skal standa ?
Allt er breytingunum undirorpið. Árin
líða. Konur og menn koma og fara. Einn
tekur við af öðrum. Allt er háð þessu gamla,
sígilda lögmáli. Og enn einu sinni er hafinn
undirbúningur að nýjum stúdentaráðskosn-
ingum. Enn á ný kemur maður í manns
stað í stúdentaráð. Hin stjórnmálalega stór-
orrusta er hafin, og allt útlit er á því, að
enn sem fyrr verði barizt af hita og þunga
stjórnmálalegs ofstækis.
Pólitíkin virðist vera óaðskiljanlegur fylgi-
fiskur allra okkar mála, hún er yfir og undir
og í þeim öllum. Stúdentar virðast lítið
hafa lært af reynslu undanfarinna ára. Því
að ekkert hefir breytzt. Starfsemi stúdenta-
ráðs á enn einu sinni að vera háð duttl-
ungum og þvergirðingshætti pólitískra öfga-
stefna. En það, hvort þetta er ekki ef til
vill of hart að orði kveðið, er háð þeim
þroska, er stúdentar sýna við í hönd far-
andi kosningar. Því að nú gefst þeim tæki-
færi til að sýna það í verkinu, að þeir eru
allir fylgjandi þeirri heilbrigðu og sjálfsögðu
kröfu, að stúdentaráð hætti að vera vett-
vangur póhtískra illdeilna.
í þeirri kosningarbaráttu, er nú á sér stað,
hafa frjálslyndir stúdentar og lýðræðissinn-
aðir socíalistar lagt til hliðar alla pólitíska
misklíð og setja nú frarn sameiginlegan
lista í því trausti, að stúdentar skilji nauð-
syn þess, að gerðir stúdentaráðs mótist ekki
af pólitískum öfgastefnum, hvorki frá hægri
né vinstri, heldur að þar ríki eining og sam-
hugur, svo að öllum hagsmunamálum stúd-
enta megi verða sem bezt borgið.
Stúdentar, grípið tækifærið, styðjið við-
leitni þessara tveggja félaga, er miðar að
því að koma málefnum ykkar á þann vett-
vang, að allt starf megi byggjast á hinum
gullvæga grundvelli málefnanna sjálfra.
Ef við litum fram til þeirra kosninga, er
nú standa fyrir dyrum, þá sjáum við, til
hægri og vinstri, þetta sama og undanfarin
haust. Til vinstri er blásið í lúðra og bumb-
ur barðar, til þess að vegsama og lofa föð-
urlandsást og annað í áhka einlægni meint.
Þeir einir vita allt. Þeir einir geta allt. Þeirra
er framtíðin! Til hægri má sjá breiðfylkingu
Vökumanna hampandi merkjum hins sjálfs-
elskufulla einstaklingsframtaks. Glæsileg-
asta fordæmi þeirrar stefnu má sækja í
brunna Biblíunnar aftur til daga Kains og
Abels. Allt er þar á sörnu bókina lært. Ein-
staklingshyggjan er þar ríkjum ráðandi svo
sigurvænleg, sem fjöldanum kann að virð-
ast hún í hagsmunabaráttu sinni. Nú síðast-
liðið ár var þessi breiðfylking hið leiðandi
afl innan stúdentaráðs. Og hver getur kom-
ið auga á ávextina? Sjaldan hefir verið unn-
ið jafn slælega að málefnum stúdenta, sjald-
an eða aldrei hefir forustan verið jafn stein-
sofandi og nú. Ekki einu sinni svo vel, að
hún væri andvaka, hvað þá meir.
Stúdentar, lítið til baka, lítið yfir liðið
ár, og síðan enn lengra. Hvar sjást ávextir
hins pólitíska Vökumeirihluta? Hvar sjást
sporin mörkuð? Hefir nokkur tihaun verið
gerð af hálfu stúdentaráðs, til þess að fá
breytingar á því úrelta kennslufyrirkomu-
lagi, sem ríkir enn við sumar deildir há-
skólans? Er ekki enn þá allt okkar skólalíf
ómótað og með heldur losaralegum blæ? Og
er ekki enn háð stjórnmálaleg orrahríð um
kosningu í stúdentaráð?
Gerið þessar spurningar upp við ykkur
og takið síðan afstöðu. En verið minnugir
þess, að einn listinn í núverandi kosning-
um er frarn borinn, til þess að skapa þá
aðstöðu innan stúdentaráðs, er gerir það
mögulegt að berjast þar fyrir hagsmunum
stúdenta á hinum frjálsa málefna-grund-
velli óháð öllu pólitísku ofstæki. Verið
minnugir þess, að það er öllum fyrir beztu,
að stjórnmálalegt þras hverfi brott úr störf-
um stúdentaráðs og hagsmunabaráttu stúd-
enta.
Sameinumst því og fellum meirihlutavald
Vöku úr stúdentaráði.
Sameinumst að baki þeirrar kröfu, að
stjórnmálin hverfi af vettvangi stúdentaráðs,
en í stað þeirra komi barátta, er markist
fyrst og fremst af málefnunum sjálfum.
Berum þessa kröfu fram til sigurs og sýn-
um með því, að til sé sá þroski hjá stúd-
entum, að þeir skilji allir þörfina á því að
útiloka allt, er tafið getur fyrir framgöngu
þeirra aðkallandi breytinga, er allt okkar
skólalíf þyrstir í.
Gerið sigur A-listans sem glæsilegastan.
Munið málefnin umfram allt annað.
Kjósið A-listann.
Hið neikvæða frelsi
Vökumanna
Vaka ásamt íhaldsflokknum hampar sí-
fellt hugtakinu frelsi og boðar algert frelsi
einstaklingsins, þannig að hann geti á einn
eða annan hátt undirokað og þröngvað
kosti margra annarra. Slíkt frelsi leiðir
venjulega til yfirdrottnunar og kúgunar í
einni eða annari mynd, og er því nefnt nei-
kvætt frelsi. Flest sett lög takmarka að
meira eða minna leyti hið neikvæða frelsi
og veita þannig óáleitnari og atkvæðaminni
þegnum þjóðfélagsins nokkra vernd.
Frjálslyndir lýðræðissinnar trúa hinsvegar
á hið jákvæða frelsi, sem er réttur einstakl-
inganna til að gera allt sem ekki beinlínis
skaðar aðra einstaklinga.