Føroya kunngerðasavn A og B - 15.01.1997, Blaðsíða 2
Stk. 2. Fyri sjónvarpsmóttakarar, uppsettir í tíðar-
skeiðinum 1. januar til 30. juni, skal gjaldið verða
goldið í seinasta lagi 15. juli sama ár. Fyri sjónvarp-
smóttakarar, uppsettir í tíðarskeiðinum 1. juli til 31.
desember, verður at gjalda hálvt gjald í seinasta lagi
15. januar árið eftir.
Stk. 3. Gjaldskyldan hvílir á eigaranum (nýtaranum),
um hann eigur sjónvarpsmóttakaran, hevur hann til
láns el. líkn.
Stk. 4. Um goldið verður aftaná teir í stk. 1 og 2
nevndu gjalddagar, skal verða goldið eykagjald kr.
50,00 umframt meirvirðisgjald. Tey í § 1 og 1. petti
nevndu gjøld kunnu innheintast við panting.
Stk. 5. Tann, ið ognar sær sjónvarpsmóttakara, skal
innan 14 dagar boða Sjónvarpi Føroya frá navni og
bústaði hjá tí, sum skal rinda sjónvarpsgjaldið.
Stk. 6. Sjónvarp Føroya kann víkja frá gjaldsfreist-
unum í stk. 1, 2 og 4, og gera gjaldsavtalur, soleiðis
at skilja, at sjónvarpsgjaldið kann rindast í upp til 4
avgjøldum. Verður gjaldsavtalan eftir hesum stk.
ikki hildin, verða gjaldsfreistimar í stk. 1, 2 og 4 at
galda.
§ 5. Tann, ið selur ella leigar út sjónvarpsmóttakarar,
skal boða Sjónvarpi Føroya frá navni og bústaði hjá
tí, sum keypir/leigar, so hvørt sum sølan/leigan fer
fram.
Stk. 2. Tollmyndugleikar hava skyldu at siga sjón-
varpinum frá, tá ið sjónvarpsmóttakarar verða fluttir
til Føroya.
§ 6. Verður sjónvarpsmóttakari tikin úr nýtslu sum
ónýtiligur ella á annan hátt latin øðrum, skal ein
boða sjónvarpinum frá beinanvegin skrivliga fyri at
verða frítikin fyri at gjalda. Sjónvarp Føroya kann
krevja váttan fyri, at sjónvarpsmóttakari veruliga er
ónýtiligur.
§ 7. Allir sjónvarpsmóttakarar í landinum skulu
skrásetast hjá Sjónvarpi Føroya. Tann, ið nýtir ella
hevur um hendi sjónvarpsmóttakara, skal geva Sjón-
varpi Føroya boð um navn og bústað hjá tí, sum skal
gjalda.
Stk. 2. Telefonverk Føroya Løgtings boðar Sjónvarpi
Føroya frá, so hvørt tey ymisku plássini síggja sjón-
varpssendingar.
Stk. 3. Viðvíkjandi gjaldi verður víst til § 4, stk. 1 og
2.
§ 8. Tey, sum ikki gjalda rættstundis ella ikki halda
fráboðanarskyldumar eftir §§ 4, 5 og 7, koma sam-
svarandi lógini um sjónvarp undir sekt.
§ 9. Henda kunngerð fær gildi frá 31. oktober 1996.
Tó fær § 1, stk. 2 gildi frá 1. januar 1997.
Undirvísingar- og mentamáladeildin, 10. januar 1997.
Sámal Petur í Grund (sign.)
landsstýrismaður
/ Jákup Thorsteinsson (sign.)