Helgarpósturinn - 09.06.1983, Síða 6

6
Fimmtudagur 9. júní 1983 JjtSsturinn
Er ánægður með
hvernig mér gengur
66
segir yngsti landsliðsmaður íslands í knattspyrnu,
Það er ekki oft sem áhorfendur að knattspyrnu-
kappleikjum í Laugardal klappa varamanni lof í lófa
þegar hann fer inn á. Það gerðist þó á landsleiknum
gegn Möltu á sunnudaginn var. Sásem klappað varfyr-
ir heitir Sigurður JÓnsson, 16 ára piltur ofan af Skaga
og yngstur íslenskra landsliðsmanna í knattspyrnu frá
upphafi vega.
Þótt ungur sé að árum hefur Sigurður náð langt á knatt-
spyrnuferlinum. Að réttu lagi ætti hann að vera á fyrsta ári
í 2. flokki. En með þeim flokki getur hann ekki keppt því
hann er orðinn fastur maður í meistaraflokki ÍA. Og nú eru
allar Iíkur á að Sigurður slái eitt metið enn á þessu ári: hann
leikur með öllum fjórum landsliðunum í knattspyrnu sem ís-
land teflir fram; drengjalandsliðinu (14-16 ára), unglinga-
landsliðinu (16-18 ára), landsliði pilta undir 21 árs og A-lands-
liðinu.
Sigurður vinnur i sumar í Sementsverksmiðjunni, en var
farinn heim uppúr hádeginu á þriðjudag þegar HP náði tali
af honum. Hann var að búa sig fyrir ferð til Reykjavíkur með
Akraborginni að keppa með meistaraflokki ÍA í 1. deildinni
gegn Val.
„Mér líður ágætlega“
Við spurðum Sigurð hvort því fylgdu ekki miklar æfingar
að keppa með fjórum landsliðum og tveim flokkum hjá IA.
„Jú, það getur orðið ansi mikið. Annars æfi ég ekki mikið
með 2. flokki núna. Ég er orðinn fastur maður í meistara-
flokki og leikir og æfingar hans stangast oft á við 2. flokk.
Það getur verið ansi mikil pressa á manni en mér líður ágæt-
lega“.
Sigurður hóf að leika með meistaraflokki í fyrra, aðeins 15
ára gamall. í landsleiknum lék hann á miðjunni og við spurð-
um hvort hann léki yfirleitt þá stöðu.
„Já, mér finnst best að leika þar sem spilið er mest“.
— Skorarðu mikið?
„Nei, ekki ennþá. Ég er búinn að leika 10-15 leiki í 1. deild-
inni og hef enn ekki skorað. Það finnst mér ekki nógu gott.
En það kemur í kvöld, ég er ákveðinn í því. Ég hef stundum
verið nálægt því að skora, en ekki nógu nálægt“.
Sigurður hefur verið mikið í sviðsljósinu og það eru ekki
bara íslenskir blaðamenn og knattspyrnuunnendur sem fylgj-
ast með honum. Meðal áhorfenda á u-21 landsleiknum gegn
Spáni á dögunum var njósnari frá spænska stórliðinu Barce-
lona, kominn gagngert til að fylgjast með Sigurði. Hann hef-
ur líka verið undir smásjá stórliða á borð við Liverpool og
Leeds í Englandi, Celtic og Glasgow Rangers í Skotlandi,
Feyenoord í Hollandi og belgísku liðanna Lokeren og Ander-
lecht. Hefur hann einhverjar áætlanir uppi um að leggja
knattspyrnuna fyrir sig sem atvinnu?
„Ég hugsa ekkert um þetta núna, meistaraflokkurinn er
efstur á blaði hjá mér þessa stundina".
„Engin mannleg sjónarmið“
— En er það ekki kitlandi tilhugsun að vera talinn efnileg-
asti Ieikmaður íslands og þó víðar væri leitað og vita að þín
bíða jafnvel gull og grænir skógar?
„Jú, það er ágætis tilfinning, en það getur verið gott að eiga
líka frí öðru hvoru. En hver veit hvort ég legg þetta fyrir mig.
Öðrum þræði langar mig til þess, ég hef svo mikinn áhuga á
að leika fótbolta. Hér á landi er stöðnun 9 mánuði á ári, það
fara ekki fram alvöruleikir nema í 3 mánuði yfir sumarið. Ef
ég færi út gæti ég leikið og æft knattspyrnu allt árið ef vel
gengur“.
— En atvinnumennskan getur reynst harður bransi.
„Já, ég veit það. Þar r4kja engin mannleg sjónarmið ef illa
gengur".
— Nú varst þú í Fjölbrautaskólanum á Akranesi í vetur,
hefurðu einhverjar áætlanir um frekari menntun?
„Nei, engar sérstakar. Ég veit ekki hvað ég geri í haust. Þá
verð ég að gera upp minn hug og það er aðeins um tvennt að
velja: knattspyrnuna eða skólann".
— Nú er það algengt þegar mikið er látið með fólk að fé-
lagarnir fyllist. öfundsýki og ásaki það fyrir mont og hof-
móðsku, hefur þú fengið að finna fyrir slíku?
„Já, ég hef eitthvað fengið að heyra það. Ég neita því ekki
að ég er ánægður með hvernig mér gengur. En á stundum get-
ur það verið ansi þreýtandi. Til dæmis það að blöðin fylgjast
með mér þýðir að ég verð alltaf að leika vel, ég leik alltaf undir
pressu. Það getur tekið á taugarnar".
Sigurður Jónsson
— II. deildinni leikur þú á móti mörgum sem eru mun
eldri, leikreyndari og harðari af sér en þú, ertu ekkert smeyk-
ur við þá? Til dæmis að þeir sparki þig niður?
„Nei, ekki lengur. Ég var það í fyrra, en nú er ég orðinn nógu
sterkur til að mæta þeim“.
Sigurði er ekki illa í ætt skotið hvað knattspyrnuna snertir
því föðurbróðir hans er enginn annar en Ríkharður Jónsson
sem um langt árabil bar ægishjálm yfir aðra íslenska knatt-
spyrnumenn. Ríkharður hefur reyndar tekið upp þráðinn á
nýjan leik sem þjálfari yngri flokkanna hjá IA. Kunnugir
segja að þar sé að vaxa úr grasi vænn hópur ungra knatt-
spyrnumanna sem eigi eftir að setja svip sinn á íslenska knatt-
spyrnu næstu árin ef þeir fá að vera í friði. Segja má að Sig-
urður sé vaxtarbroddurinn í þessum hópi.
— ÞH.
Verður þrengt að
hófdrykkjumöimunum
17 manna nefnd á að móta opinbera stefnu í áfengismálum
Ingimar Sigurðsson:
„Brýnt að auka samstarf
þeirra sem um áfengismál
fjalla".
Árni Gunnarsson: „Meiri-
hluti fólks getur ekki lært
að umgangast vín“.
Eitt af síðustu embcettisverkum Svavars Gestssonar
sem heilbrigðisráðherra var að skipa fjölmenna nefnd
til að gera tillögur „um mörkun opinberrar stefnu í
áfengismálum“ eins og segir í skipunarbréfi. / nefnd-
inni eiga sceti 17 manns tilnefndir af þingflokkunum,
fimm ráðuneytum, landlcekni, áfengisvarnaráði,
meðferðarstofnunum ríkisins og SÁÁ.
í skipunarbréfinu segir að nefndin skuli leggja grunn „er
byggja mætti á heildstæða og markvissa stefnu og löggjöf um
stjórnun áfengismála, þeas. um tilbúning og dreifingu
áfengis, áfengisvarnir, meðferð áfengissjúkra, rekstur með-
ferðarstofnana, og um upplýsinga-, rannsókna- og fræðslu-
starfsemi". Nefndin á að starfa í þrjú ár en skila ríkisstjórn-
inni yfirliti um störf sín á sex mánaða fresti. Innan þriggja
mánaða á nefndin að skila tillögum um átak i áfengismálum
sem setja mætti af stað þegar á næstu misserum og á sama
tíma á hún að taka afstöðu til þess „hvernig standa skuli að
stefnumörkun varðandi önnur vímuefni en áfengi og hvort
tengja skuli þessa þætti“.
Mótar áfengislöggjöfina
Förmaður nefndarinnar er Páll Sigurðsson ráðuneytis-
stjóri i heilbrigðisráðuneyti en varaformaður Ingimar
Sigurðsson deildarstjóri í sama ráðuneyti. Ingimar sagði í
viðtali við HP að enn hefði ekki verið haldinn fundur í
nefndinni en það yrði gert síðar í þessum mánuði og yrði
verkum þá skipt niður á menn.
„Þetta er ákaflega víðfeðmí starfssviðognær til allra þátta
áfengismála. Auk stefnumörkunar tel ég sérstaklega mikil-
vægt að koma á stjórnunarlegu samstarfi milli allra þeirra
s'em afskipti hafa af áfengismálum. Það hefur að mínu mati
verið allt of lítið og mikið skort upp á samvinnu og upplýs-
ingastreymi!1
— Má vænta þess að nefndin geri tillögur um breytingar á
áfengislöggjöfinni og að hún taki afstöðu til þess hvort hér
megi selja áfengan bjór?
„Um það er erfitt að segja á þessu stigi, en ég tel víst að
nefndin komi til með að móta áfengislöggjöfina,ekki sist þá
þætti sem snúa að áfengisvörnum og meðferð áfengissjúkra.
Um bjórinn veit ég ekki, það eru svo skiptar skoðanir um
hann. Sjálfur hefur maður sína prívatskoðun og þótt maður
telji sig hafa nógu sterk bein til að taka bjórnum er ekki víst
að maður vilji kalla hann yfir börnin sín. En eins og ég segi;
um þetta er lítið hægt að segja áður en nefndin er tekin til
starfa;* sagði Ingimar.
Minna framboð = minni neysla
Aðdragandi þessarar nefndarskipunar var sá að Alþingi
samþykkti þingsályktunartillögu um efnið i maí 1981. Einn
flutningsmanna þeirrar tillögu var Árni Gunnarsson þáver-
andi alþingismaður en hann á sæti í nefndinni fyrir hönd
Alþýðuflokksins. Hvað er honum efst í huga varðandi starf
nefndarinnar?
„Við sem að flutningi tillögunnar stóðum byggðum hana
að miklu leyti á ályktunum frá Alþjóða heilbrigðisstofnun-
inni, WHO, um viðnám gegn ofneyslu áfengis. Þar er að
finna fjölmörg atriði sem of langt yrði upp að telja. JEn
grundvallaratriðið er það að því minna sem framboð á áfengi
er því minni er neyslan. Þetta er ma. niðurstaða sem fínni
víndrykkjtTþjóðir eins og Frakkar hafa komist að. Það hefur
sýnt sig að það er harla lítið hald í kenningum um að fólk geti
lært að umgangast áfengi. Það getur verið að viss, lítill hluti
fólks geti það, en meirihlutinn er ekki fær um það“
— Ertu með þessu að leggja þeim lið sem vilja setja á vín-
bann?
„Nei, ég er ekki talsmaður strangrar haftastefnu í áfengis-
málum og sjálfur er ég ekki bindindismaður. Ég vil frekar
leggja áherslu á fræðslu og fyrirbyggjandi starf, sérstaklega
á grunnskólastiginu. En það er staðreynd að áfengið er mesta
heilbrigðisvandamál á íslandi og við því verður eitthvað að
gera. Það verður að skapa stemmningu fyrir því að finna
lausn á vandanum. Einn liður í slíkri stemmningu væri að
skafa þá gloríu af brennivíninu sem það hefur verið hjúpað,
ma. af ýmsum góðskáldum þjóðarinnar.“
— Hvað með bjórinn?
„Ég veit ekki hver verður niðurstaða nefndarinnar um
bjórinn. En við verðum að vera harðir á því að vilja takast á
við vandann. Ég man að þegar ég var að mæla fyrir þings-
ályktunartillögunni árið 1980 nefndi ég að þá höfðu 5 þúsund
manns hlotið meðferð á stofnunum hér innanlands og 600 í
Bandaríkjunum. Ég vitnaði líka til rannsóknar sem Tómas
Helgason yfirlæknir á Kleppi og fleiri gerðu á sínum tíma.
Þar kom í ljós mikill munur á áfengisneyslu í þéttbýli og dreif-
býli hér á landi. Þeir fundu út að í þéttbýli var hætta á að 13%
unglinga yrðu áfengissjúklingar en í dreifbýlinu var sama tala
aðeins 4%. Þarna er mikill munur á og þessi rannsókn rennir
enn frekari stoðum undir það sem ég sagði áðan að því minna
sem framboðið er því minni er neyslan," sagði Árni Gunnars-
son.
Auk þeirra Páls, Ingimars og Árna eiga eftirtaldir sæti í
nefndinni: Árni Einarsson, Björgólfur Guðmundsson, Guð-
rún Ágústsdóttir, Guðrún Ragnarsdóttir, Gunnar Gunnars-
son, Jóhannes Bergsveinsson, Jón Ormur Halldórsson, Jón
Helgason, Kristín Jónsdóttir, Níels Árni Lund, Ólafur
Haukur Árnason, Ólafur Walter Stefánsson, Pétur Sigurðs-
son og Sigmundur Sigfússon. Ritari og starfsmaður nefndar-
innar hefur verið ráðinn Hrafn Pálsson félagsfræðingur.
— ÞH