Tíminn - 06.02.1940, Blaðsíða 11

Afmælisblaff F.U.F. i Reykjavik
TÍMINN
11
F.ILF. í Reykjavík
(Framh. af 2. síSu)
ur á veturna. En nú fjögur síð-
ustu árin hefir félagið haft sam-
eiginlegar skemmtanir með
Framsóknarfélagi Reykjavíkur,
fimm til sex á vetri og þar af
eina jólatrésskemmtun. Þessar
skemmtanir hafa hlotið mikla
aðsókn og þá viðurkenningu, að
vera hinar beztu i skemmtana-
lífi Reykjavíkur.
Skemmtanir þessar hafa
venjulega verið haldnar að Hótel
Borg, en á þær koma aldrei ölv-
aðir menn. Fólkið, sem þar kem-
ur saman, er svo lífsglatt og
þroskað, að það þarfnast ekki
eiturlyfja til örvunar, en það
einkennir um of skemmtanalíf
vors tíma. Það, að þar sést ekki
vín, setur sérstakan blæ á
skemmtanirnar, enda hafa þær
átt miklum vinsældum að fagna.
Mikinn þátt í þessum vinsældum
á einnig hin svokallaða Fram-
sóknarvist, sem þar hefir verið
spiluð.
Um þriggja ára skeið, eða frá
1934—37, gekkst félagið fyrir ár-
legu samvinnumannamóti í
Reykjavík, sem ætíð var mynd-
arleg og stór hátið, en það hefir
fallið niður með því, að talið
hefir verið eðlilegra, að sam-
vinnufélög bæjarins stæðu fyrir
slíku.
Annar þáttur í skemmtanalífi
félagsins hafa verið sumarferða-
lög þess. Sumarið 1934 hóf það
slík ferðalög og voru þá farnar
tvær skemmtiferðir í nærliggj-
andi sveitir við Reykjavík. Var
þeirri venju við haldið og aukið
á slík skemmtiferðalög, en flest-
ar ferðir voru farnar sumarið
1938, fimm ferðir samtals.
Þessi ferðalög reyndust holl og
góð fyrir starfsemi félagsins. Þar
kynntist fólkið nánar hvert öðru
og tengdist nánari félagslegum
böndum.
Árið 1938—39 voru teknar upp
kynnisferðir í Reykjavík, sam-
kvæmt tillögu þáverandi for-
manns, Jóns Helgasonar. M. a.
voru söfnin skoðuð í flokkum og
þar fluttir fyrirlestrar til
fræðslu og skemmtunar.
Fundastarfscmin.
Fundastarfsemi félagsins hef-
ir aðallega farið fram á veturna,
eins og títt er um slík félög.
Fundasókn hefir verið mikil, er
hitamál hafa verið á ferðinni,
en minni þess á milli. Oft eru
fundir byrjaðir með að syngja
hressandi lög og endaðir þannig
einnig. Það hefir styrkt félags-
andann.
Sú nýbreytni var upp tekin
1938—39, að fá öðru hvoru menn
til að sýna skuggamyndir og
flytja fræðandi erindi á fundum
félagsins og reyndist það mjög
vinsælt.
Utanfélagsmenn hafa stund-
um komið á fundi félagsins, helzt
leiðtogar Framsóknarflokksins,
og flutt þar erindi um ástand
og horfur í stjórnmálum, en það
hefir glöggvað mjög skilning
manna á því sviði.
Þá hefir félagið tekið þátt í
almennum umræðufundum um
stjórnmál, með öðrum félögum
ungra manna í Reykjavík, og
ennfremur I útvarpsumræðum í
þrjú skipti.
Þegar æskilegt hefir þótt, þá
hafa bæði félögin í Reykjavík
haldið fundi sameiginlega, sem
venjulega einu sinni til tvisvar
á vetri.
Frá 1931 hefir félagið kosið
átta menn í Fulltrúaráð Fram-
sóknarfélaganna í Reykjavík.
Einnig hefir félagið átt fulltrúa
á öllum þingum flokksins, síðan
það var stofnað.
Á síðari árum hefir stjórn fé-
lagsins eða áhugamenn innan
þess, sótt fundi ungra Fram-
sóknarmanna i nærliggjandi
sveitum, og stundum komið á
fundum með þeim í þeim til-
gangi að stofna félög, með góð-
um árangri.
Ýms félagsmál.
í upphafi var gert ráð fyrir að
félagið gengist fyrir útgáfu blaðs
eða tímarits. Hefir öðru hvoru
verið rætt um þetta í félaginu,
en úr framkvæmdum hefir þó
ekki orðið, aðallega kostnaðar
vegna.
En núverandi stjórn félagsins
hefir myndað lítinn vísi að
framkvæmdum í þessu máli, með
því að stofna innanfélagsblað,
sem lesið er upp á fundum fé-
lagsins. Um árangur þessa er
ekki hægt að segja með því> að
næg reynsla er enn ekki fyrir
hendi.
Nokkuð hefir verið rætt í fé-
laginu um sumarskemmtistað
fyrir Framsóknarmenn í Reykja-
vik, svo og um þægilegan og ó-
dýran gististað í Reykjavík fyrir
Framsóknarmenn utan af landi,
er koma í höfuðstaðinn. Full-
trúaráð félaganna hefir tekið
þessi mál til meðferðar og mun
það þegar búið að taka land á
leigu nærri Reykjavík fyrir sum-
arskemmtistað.
Tala félagsmanna er nú um
120 og fer stöðugt vaxandi.
Á þessu 10 ára afmæli félags-
ins minnist það ýmsra utanfé-
lagsmanna, sem stuðlað hafa að
gengi þess. Það dregur ekki úr
viðurkenningu félagsins á vinar-
hug annarra, þó hér leyfi rúmið
ekki að minnast á nema einn
mann, sem er Jónas Jónsson,
formaður Framsóknarflokksins.
Af langri og merkilegri reynslu
sinni hefir Jónas Jónsson miðlað
félaginu margháttuðum leið-
beiningum, bæði einstökum
mönnum, sem starfað hafa fyrir
það, svo og með því að koma
öðru hvoru á fundi þess, þar sem
hann hefir flutt erindi, skýrt
málin og viðhorfin. Auk þess eru
hin óbeinu áhrif, sem hann hefir
haft á félagið með skrifum sin-
um og störfum sem leiðtogi
Framsóknarflokksins á undan-
gengnum árum.
Sögnlok.
Þegar litið er yfir 10 ára
reynslu F. U. F. í Reykjavík, má
draga þá ályktun, að pólitísk
starfsemi ungra manna getur
verið nytsöm, þegar hún er rek-
in í frjálsbornum anda. Það er
lífsviðhorf, sem gerir keift að
öðlast ný sannindi, eftir því, sem
reynsla og þroskuð dómgreind
leiðir í ljós. Það gerir mögulegt
að svala vaxtarþrá mannsins;
hann getur stöðugt verið að
vaxa.
Það er þeim mun mikilsverð-
ara að skilja þetta viðhorf, sem
það er mjög reynt af ýmsum að
fá hina vaxandi, óhörðnuðu
æskumenn til að taka trúarlega
afstöðu til vissra kennisetninga.
Jafnvel þó að þær feli í sér ein-
hver sannindi, varnar hin trú-
arlega afstaða allri sjálfstæðri
athugun og skilningi á sann-
leiksgildi þeirra. Þær verða
þess vegna innihaldslausar
kreddukenningar, dauðar og
steingerðar, sem ekki standa í
sambandi við lífið, — þær verða
fjötrar um fætur áhangend-
anna. Þessi trúarlega afstaða
útilokar, að meira eða minna
leyti, öll ný sannindi, sem ekki
samrýmast kennisetningunum,
hneppir æskumanninn í andlega
fjötra. Hann hættir að vaxa —
en vöxtur er eðli hins lifanda
manns. — Vaxtarþörf manns-
ins er heft, en hin meðfædda
orka brýzt út á einhvern veg, og
leiðir þá þráfaldlega til þess að
siðferðisþrek manna brestur og
ábyrgðarleysi kemur í staðinn.
Viðhorf hins djarfa, rannsak-
andi, frjálsborna anda einkenni
viðhorf ungra Framsóknar-
manna. Drengskapur, samúð og
skilningur, gagnvart hinum
veikari, eiga að móta starfsemi
þeirra á komandi árum. Þessi
viðhorf gefa starfsemi þeirra
líf og kjama.
¥1B€tEBBAB§TOFA
tTVARPSOS
Annast hverskonar viðgerðir, nýsmíðar og breytingar
útvarpsviðtækja, veitir leiðbeiningar og sér um við-
gerðarferðir um landið.
Ábygglleg vinna fyrir kositnaðarvprð.
Vldg-erðarstola útvarpsíns
Landssímahúsinu. Sími 4995.
Útibú: AKUREYRI, Hafnarstræti 101. Sími 377.
Eínagerðín „Flóra“
Akureyrí
FramlcitSir:
Búðingaduft, 6 tegundir
Gerpulver
Bökunarduft
Saft, 6 tegundir
Sultutau, 9 tegundir
Brjóstsykur, 8 tegundir
Ávaxtalit, fl. tegundir og liti
Ostahleypir
Soyju
Salatolíu
Krydd, margar tegundir
„FLÓRA“ vörur
cru viðurkeundar góðar vörur!