Dagblaðið Vísir - DV - 19.05.2010, Blaðsíða 21

KÁRI TULINIUS sendir í dag frá sér
sína fyrstu skáldsögu, Píslarvotta án
hæfileika, sem fagnað verður með
útgáfuhófi í Eymundsson við
Skólavörðustíg í dag klukkan 17.30.
Kári var þrjú ár að skrifa söguna og
varði svo nýliðnum vetri í endurskrif á
henni.
NENNTI EKKI AÐ
VERA KVÍÐINN
Ég horfði um daginn á myndina
um Kóngulóarmanninn 3 og eins
og alltaf með hasarmyndasögur féll
ég í stafi yfir sögunni, persónunum
og dramatíkinni. En það var ekki
Kóngulóarmaðurinn sem virkaði
svona sterkt á mig, heldur einn and-
stæðinga hans. „Svarta efnið.“
Svarta efnið er formlaus óværa
sem sækir í fólk og breytir því. Í
þriðju myndinni um Kóngulóar-
manninn læðist þessi óþverri að
Peter Parker (sem er Kóngulóar-
maðurinn í daglega lífinu) og hel-
tekur hann. Kóngulóarmaðurinn
vaknar eftir ásókn svarta efnisins
og sér að hann er orðin svartur og
kann því bara vel. Uppfullur af orku
enda sækir hann kraft sinn í niður-
bælda gremju Peters Parker. Svarti
kóngulóarmaðurinn er öðruvísi en
sá hefðbundni. Hann byrjar á því að
drepa andstæðing sinn, sandmann-
inn, nokkuð sem „góði“ Kóngulóar-
maðurinn myndi aldrei gera.
Flekar konur og lemur fólk
Svo gerist það í myndinni að við
fáum að sjá hvernig svarta efnið
virkar á Peter Parker í daglega líf-
inu. Peter tekur stakkaskiptum og
verður töffari, flekar konur og svík-
ur kærustuna sína, lemur mann og
annan og nýtur athyglinnar sem
hann óhjákvæmilega skapar með
töffarastælunum í bland við ofur-
mennska hæfileika. Atriðið þar sem
Peter Parker er að dansa úti á götum
New York-borgar er algerlega magn-
að, því vegfarendur sjá eitthvað allt
annað en Peter sjálfur og líta hann
hornauga. Honum er andskotans
sama enda er hann svo uppfullur af
sjálfum sér að undrum sætir.
Já, svarta efnið er hættulegt. Það
er gott en það er líka vont. Svarta
efnið nærist á honum sjálfum og ýkir
allan verueika og snýr honum upp
á hið risastóra egó sem svarta efn-
ið sjálft byggir upp og nærir. Svarta
efnið sviptir Peter jarðtengingunni
og fyllir hann af ranghugmyndum
um eigið ágæti.
Svarta efnið = áfengi?
Svona svipað og áfengi gerir hjá
venjulegu fólki með enga yfirnátt-
úrulega hæfileika. Ég þekki svarta
efnið af persónulegri reynslu og
losnaði við það fyrir tæpum 10
árum. Ég hef eins og margar fyrrver-
andi fyllibyttur spekúlerað mikið í
alkóhólisma eða „sjúkdómnum“ eða
hvað sem fólk vill kalla þetta, en hef
aldrei séð betri lýsingu á fyrirbærinu
en í Spiderman 3.
Í myndinni fattar Peter Parker
að eitthvað er ekki í lagi þegar hann
var í svarta búningnum og losnar
við óþverrann (í kirkju) með því að
berjast við sjálfan sig í æðisgeng-
inni baráttu. Því miður lak svarta
efnið frá Peter Parker og féll á ljós-
myndarann Eddie Brock sem er
hálfgerður skíthæll og lesendur geta
bara ímyndað sér hvað gerist þegar
svarta efnið nær tökum á svoleiðis
pappír og magnar upp óuppgerða
gremju og komplexa. Afleiðingin er
Venom, einn ægilegast óvinur Spid-
erman. Eddie Brock líður nefnilega
betur með svarta efninu heldur en
án þess og áhrifin verða inntak lífs-
ins og miðpunktur. Hann upplifir sig
sem sterkan og ósigrandi.
Það eru ekki allir Eddie Brock
Svona er brennivínið. Það magnar
upp ranghugmyndir og snýr upp á
veruleikann og miðar allan heiminn
út frá eiginhagsmunum neytand-
ans. Kyndir undir mikilmennsku-
hugmyndir og veitir vissulega yl, svo
lengi sem á því stendur.
Ég hef oft furðað mig á afstöðu
samfélagsins gagnvart brennivín-
inu. Nú er það svo að það eru ekki
allir eins og Eddie Brock og flest-
ir geta notið víns á þess að svertast
á sálinni en þeir sem geta það ekki
ættu að fylgja dæmi Kóngulóar-
mannsins og losa sig við óværuna.
Takið eftir því næst þegar ein-
hver deyr á voveiflegan hátt hvort
brennivínið hafi ekki verið með í
spilinu. Ég man eftir í fljótheitum
pari sem drukknaði rétt fyrir utan
Viðey. Konu sem varð úti milli húsa í
Kópavogi og svo öll bílslysin. Mér er
sagt að annað hvert dauðsfall í um-
ferðinni megi rekja til áfengis. Það
væri gagnlegt framtak að halda skrá
yfir dauðsföll af völdum áfengis og
birta opinberlega. Þá er ég ekki bara
að tala um slys og þess háttar, heldur
einnig sjálfsvíg, sjúkdóma og morð.
Félagi minn í gegnum þessi alls-
gáðu 10 ár okkar orðaði þetta svona:
„Brennivínið er lævís, óútreiknan-
legur og voldugur andstæðingur.“
Það er hverju orði sannara.
Kóngulóarmaðurinn og svarta efnið
UMRÆÐA 19. maí 2010 MIÐVIKUDAGUR 21
1 KRAMPAKIPPIR JÓNS ÁSGEIRS Tilraunir Jóns Ásgeirs til að kenna
Davíð Oddssyni um ófarir sínar eru
krampakippir.
2 REKIN FYRIR AÐ TJÁ SIG Á FACEBOOK Gengilbeina var
rekin fyrir að skrifa um kúnna sína á
Facebook.
3 ÓEÐLILEGT OG FOKDÝRT ÚTIBÚ Sigurður Einarsson bjó frítt í íbúð
sinni í London í boði Kaupþings.
4 „GUÐ HJÁLPAR MÉR VONANDI MEÐ FYRIRGEFNINGUNA“
Hrafnhildur Stefánsdóttir, fórnar-
lamb Bjarka Más, flúði til Noregs eftir
að hann áfrýjaði átta ára fangelsis-
dómi til Hæstaréttar
5 LITLI DRENGURINN Í GRAFARVOGI LÁTINN Drengurinn sem slasaðist á
róluvelli í Grafarvogi er látinn.
6 KÆRUSTUPARIÐ CHLOÉ OPHÉLIE OG ÁRNI ELLIOTT SIGRUÐU Í
NETLEIK RENAULT Chloé og Árni
eiga góða möguleika á að komast í
raunveruleikaþátt.
7 VARASJÓÐURINN TÆMDUR Á TVEIMUR ÁRUM Eftir hallarbyltingu
í Sparisjóði Hafnarfjarðar hófst nýtt
tímabil.
MEST LESIÐ á dv.is MYNDIN
Hver er maðurinn? „Ég heiti Kári Tulini-
us og er að gefa út mína fyrstu skáldsögu
sem heitir Píslarvottar án hæfileika og
kemur út hjá JPV fimmtudaginn 20. maí.“
Hver er fyrsta minning þín úr æsku?
„Hún er af því þegar ég var í Flórída með
foreldrum mínum, ég var svona eins
og hálfs árs, og horfði á boltann minn
sem ég hafði verið að leika mér með á
ströndinni fljóta út á haf. Það eru reyndar
ekki til neinar myndir af þessu þannig
að ég treysti þessu kannski ekki alveg
(hlær).“
Hvað var sköpunartími Píslarvotta
án hæfileika langur? „Ég byrja að
skrifa hana í janúar 2006, skila handriti
til Forlagsins í janúar 2009 og svo voru
endurskriftir eiginlega í gangi í allan
vetur.“
Hverjir eru þessir píslarvottar
í sögunni þinni? „Þetta eru fimm
ungmenni í Reykjavík, öll fædd í kringum
1984. Þau eru róttæklingar sem vilja
skipta máli en ekkert sem þau hafa reynt
hefur gengið. Þau eiga óljósan draum
um að verða hryðjuverkamenn en hafa
engan málstað sem þau trúa nógu mikið
á til að drepa eða deyja fyrir.“
Finnst þér margir vera píslarvottar
í Íslandssögunni? „Nei, þeir eru ekki
margir Íslendingarnir sem hafa dáið fyrir
málstað. Maður þarf að fara aftur til Jóns
Arasonar til að finna hreinan píslarvott.
Reyndar, svona á persónulegum nótum,
þá dó langalangafi minn í Dýrafirði þegar
Hannes Hafstein reyndi að stöðva enskan
togara sem var að veiða í leyfisleysi. Afi
minn var þar á báti, var sigldur niður og
dó.“

Hvers vegna kemur bókin þín út um
vor en ekki haust eins og algengara
er hér á landi? „Þetta er ákvörðun For-
lagsins. Þau eru með sex eða sjö bækur
sem eru að koma út á vormánuðum og
mér finnst það bara mjög fínt. Ég kaupi
bækur allan ársins hring og held að fólk
geri það almennt.“
Ætlarðu að kjósa Besta flokkinn í
borgarstjórnarkosningunum í lok
mánaðarins eins og 36 prósent
segjast ætla að gera? „Ég er ekki bú-
settur í Reykjavík þannig að ég get ekki
kosið hann.“tta án hleika, sem fagnað
MAÐUR DAGSINS
KJALLARI
„Nei.“
MARÍA BJÖRK ÓLAFSDÓTTIR
STARFSMAÐUR DISTICA
„Já ég myndi segja það eftir að Besti
flokkurinn kom.“
KOLBRÚN ÓSK PÉTURSDÓTTIR
16 ÁRA NEMI
„Þetta er alvarlegt en það er grín hvað
það er lítið tekið á alvarlegum hlutum.“
MARÍANNA EVA SÆVARSDÓTTIR
17 ÁRA MÓDEL
„Engan veginn, þetta eru rosalega
alvarleg mál, en ég nenni ekki að
fylgjast með þessu, vegna þess að þetta
er ekki að fara neitt.“
ÍSOLD ANTONSDÓTTIR
17 ÁRA NEMI Í MS
„Nei, þau eru ekki grín, þó að Jón Gnarr
sé að grínast núna, þá mun hann ekki
grínast þegar hann verður borgarstjóri
og verður flottur.
VIKTOR PÉTURSSON
47 ÁRA OFNGÆSLUMAÐUR
ERU BORGARSTJÓRNARMÁLIN GRÍN?
DÓMSTÓLL GÖTUNNAR
Fantagóðir tónleikar Hljómsveitin Dikta náði þeim merka áfanga á dögunum að selja 5.000 eintök af plötu sinni Get it Together
og hlaut gullplötu fyrir vikið. Í þakklætis skyni efndi hljómsveitin til ókeypis tónleika á NASA við Austurvöll klukkan sex í gær. Opið
var fyrir alla aldurshópa og Fanta í boði. MYND RÓBERT REYNISSON
TEITUR ATLASON
nemi skrifar
„Ég hef oft furðað
mig á afstöðu
samfélagsins
gagnvart
brennivíninu.“