Dagblaðið Vísir - DV - 19.05.2010, Blaðsíða 22
Á MI ÐVIKUDEGI
HVAÐ HEITIR LAGIÐ?
„Nei, mér líkar ekki hvaðan
þú kemur. Það er bara
gervihnöttur í London.“
22 MIÐVIKUDAGUR 19. maí 2010 FÓKUS
RAFLISTAHÁTÍÐ
Í REYKJAVÍK
Lorna, félag áhugamanna um raf-
ræna list, og Raflistafélag Íslands, fé-
lag sjálfstætt starfandi raflistamanna,
standa fyrir raflistahátíð í Reykjavík
dagana 14. til 22. maí undir heit-
inu Raflost + Pikslaverk. Fjölmarg-
ir viðburðir verða úti um allan bæ,
meðal annars í Listasafni Reykjavíkur
Hafnarhúsi frá morgundeginum og
til laugardags. Páll Thayer myndlist-
armaður og forsprakki hátíðarinnar
á Íslandi fjallar um örkóða og Serv-
ando Barreiro frá Spáni flytur tónlist-
argjörning við setningu Pikslaverks í
Hafnarhúsinu á morgun. Á föstudag
og laugardag verður svo fjölbreytt
dagskrá. Nánar á raflost.is.
Í LÍKAMA
ROKKSTJÖRNU
Það er erfitt að vera listamað-
ur í líkama rokkstjörnu. Þetta er
yfirskrift sýningar á verkum Er-
lings T.V. Klingenberg sem verður
opnuð með gjörningi í Hafnar-
borg, menningar- og listamiðstöð
Hafnarfjarðar, á morgun, fimmtu-
dag klukkan 20. Opnunin verður
viðburður sem mun skilja eftir sig
sjálfa sýninguna en hún verður
að öðru leyti byggð á videóverki,
skúlptúr og málverki svo fátt eitt sé
nefnt. Erling hefur verið atkvæða-
mikill í íslensku listalífi á undan-
förnum árum og tekið þátt í fjölda
sýninga bæði á Íslandi og erlendis.
Einnig hefur hann um árabil rekið
Kling og Bang sýningarýmið ásamt
öðrum listamönnum. Sýningin
stendur til 20. júní 2010.
ÓLÍKLEG
SAMVINNA
Tveir afar ólíkir listamenn rugla
saman reitum sínum í Fuglabúrs-
tónleikaröðinni á Café Rósenberg
á miðvikudaginn. Þeir Biggi Maus
(Birgir Örn Steinarsson) og Tómas R.
Einarsson hafa síðustu vikuna unnið
að því að endurútsetja lög sín með
þeim Ómari Guðjónssyni gítarleik-
ara og Helga Svavari trommuleik-
ara. Hugmyndin er að skeyta saman
ólíkum tónlistarheimum og reyna að
finna sameiginlegan flöt. Niðurstað-
an virðist ætla að verða nokkuð af-
slöppuð en tilraunakennd, fljótandi
tónlistarupplifun þar sem þeir félag-
ar vinna sig í gegnum höfundarverk
hvors annars. 1000 krónur inn.
Svar: Satellite með Sex Pistols.
Þrjár íslenskar skáldsögur og þrjár ljóðabækur í vorútgáfu Forlagsins
FJÖRLEG BÓKAÚTGÁFA
Vorútgáfa Forlagsins er með allra
líflegasta móti. Þessar vikurnar eru
ýmist komnar út eða von er á þrem-
ur nýjum íslenskum skáldsögum frá
forlaginu, þremur nýjum ljóðabók-
um auk fjölda annarra rita af öllum
gerðum.
Skáldsaga eftir Sigurð Guð-
mundsson myndlistarmann er ný-
komin út og ber heitið Dýrin í Sa-
igon. Tíu ár eru síðan Sigurður gaf út
skáldsöguna Ósýnilega konan sem
fékk mjög góða dóma.
Í þessari viku kemur út bókin Písl-
arvottar án hæfileika eftir Kára Tul-
inius. Þetta er fyrsta bók ungs höf-
undar sem áður hefur fengist við
ljóðagerð. Hér býður hann lesend-
um að skyggnast inn í líf ungs fólks í
Reykjavík sem þráir ekkert heitar en
að breyta heiminum.
Í síðustu viku maímánaðar kem-
ur út önnur skáldsaga eftir ungan
höfund. Makalaus er frumraun Þor-
bjargar Marinósdóttur, sem ein-
hverjar kannast við sem Tobbu í
sjónvarpsþættinum Djúpu lauginni.
Bókinni er lýst sem ekta skutluskáld-
skap, eða „chic lit“; saga af einhleypri
ungri stúlku í borginni Reykjavík,
ástarraunum hennar, næturlífi,
draumórum og lífsbaráttu.
Fyrsta ljóðabók Bergs Ebba Bene-
diktssonar, Tími hnyttninnar er lið-
inn, kom út á dögunum. Bergur hefur
vakið verðskuldaða athygli á tónlist-
ar- og uppistandssviðinu en sýnir nú
á sér nýja hlið. Von er á nýrri ljóðabók
frá Þórarni Eldjárn, Vísnafýsn. Í frétta-
tilkynningu er henni lýst sem dálítið
grallaralegri og gamansamri bók, eins
og nafnið beri með sér.
Loks er von á Ljóðlínusafni Sig-
urðar Pálssonar sem líkt og Ljóð-
námusafn (2008) er safnrit með
þremur bóka hans, Ljóðlínuskipi,
Ljóðlínuspili og Ljóðlínudansi, sem
allar hafa verið ófáanlegar um árabil.
Þórarinn Eldjárn Ljóðabók hans
Vísnafýsn kemur út í vikunni.
MYND BRAGI ÞÓR JÓSEFSSON
ENGAR ÁLFGRÆNAR
sokkabuxur?
Myndin segir forsögu Hróa Hattar
í epísku máli. Við sjáum hann sem
bogamann í her Ríkharðs ljónshjarta
þar sem þeir ræna og rupla sig upp
gegnum Evrópu á leið sinni heim til
Englands eftir krossferð nokkra. Mik-
ið baktjaldamakk á sér stað í heima-
landi Hróa sem er undanfari að árás
Normana inn í England. Hrói ger-
ir sig gildandi í þeirri baráttu sem
talsmaður borgarastéttarinnar. Goð-
sögnin fæðist hér.
Hún er löng uppbyggingin að
hasarnum en spennandi og klár-
lega sterkasti þáttur myndarinnar.
Við upplifum spennandi umræð-
ur áhrifamanna um völd og pólitík.
Kóngar kljást við baróna og Norm-
anir við Saxa. Tilgangurinn helgar
meðalið í samsærum valdamanna,
allt frá hentigiftingum til hefðbund-
inna grimmdarverka. Það er farið
út úr klisjunum á flestu leyti, það er
til dæmis fátt hetjulegt við Ríkharð
ljónshjarta sem leggur þungar byrðar
á þegna sína til að fjármagna blóðug
krossferðarævintýri sín. Arftaki krún-
unnar, Jón Prins, er síðan kjánalegur
og fullur af komplexum.
Handritið er skemmtilegt og
sagnfræðinni hnikað örlítið minna
til en tíðkast í slíkum myndum. Leik-
arar standa sig með prýði, Russell
Crowe sem Hrói, Kate Blanchett
sem lafði Marion, William Hurt sem
Marshall og Mark Strong sem ráð-
gjafi konungs svo nokkrir séu nefnd-
ir. Það er vel valið í hlutverk, myndin
skartar flottum andlitum og týpum
svipað og Hrafn Gunnlaugs varð
þekktur fyrir.
Það verður samt að teljast spaugi-
legt að þungavigtar ljótu kallarn-
ir eru flestir eins og starfsmenn í
hornsjoppum Birmingham. Gottfri-
ed ráðgjafi konungs er sérlega pak-
istanalegur, Jón konungur er eins og
Craig David og fógetinn af Notting-
ham gæti verið rúmenskur lúduleik-
ari.
Myndin lítur vel út, heimkoma
Hróa í dulbúningi aðalsmanns er
mögnuð, kastalar, skip og þeysandi
riddarar njóta sín til fullnustu. Þegar
Normanarnir loka íbúa inni í húsum,
leggja að eld og konurnar reyna að
fleygja börnum sínum út um glugg-
ana minnir mikið á sovésku stríðs-
myndina „Farðu og sjáðu“ eftir Elim
Klimov. Landgöngusena Normana er
einnig flott þótt landgönguprammar
þeirra séu ansi svipaðir og í nútíma-
hernaði. Brynjuð lafði Marion leið-
andi Oliver Twist og félaga í orrustu
virkar heldur ekki sennilega.
Hið klassíska vandamál Scott að
standa öðrum langt að baki í hasar-
senum er til staðar. Gladiator, Hanni-
bal, American Gangster, Kingdom of
Heaven eru til dæmis allar því marki
brenndar að hasarsenur eru óskýrar
og flóknar að horfa á. Tæknilega vel út-
færðar en skotnar undarlega og hverfa
í skuggann af hasarsenunum í Braveh-
eart og Kínamyndum eins og Hero
og Crouching Tiger, Hidden Dragon.
Hróa hattarmynd er viðeigandi núna
þegar allir vilja upplifa hetjuna sem
tekur af hinum ríku og gefur hinum
fátæku. Hrói er kannski ekki merki-
legasti leiðtoginn í sögu bændaupp-
reisna en vel poppaður og vinsæll sem
slíkur. Hér fáum við hins vegar minna
af ævintýrapersónunni í nýstraujuð-
um álfgrænum sokkabuxum með vax
í skegginu. Hann drepur þar að auki
flesta hér með slaghamri en ekki hin-
um klassíska boga. En ræman virðist
vera prýðilegt forspil að framhalds-
mynd um Hróa sem við þekkjum verj-
andi hina fátæku í Nottingham-skíri.
Erpur Eyvindarson
ROBIN HOOD
Leikstjóri: Ridley Scott
Aðalhlutverk: Russell Crowe, Cate
Blanchett, William Hurt, Matthew
Macfadyen.
KVIKMYNDIR