Dagblaðið Vísir - DV - 19.05.2010, Blaðsíða 24

24 MIÐVIKUDAGUR 19. maí 2010 ÚTTEKT
1. Ný upplifun
Að komast út úr rútínunni getur verið erfitt en sam-
kvæmt rannsókn sem birtist í Journal of Personality
and Social Pschology gefur ný og spennandi upp-
lifun hjónabandinu byr undir báða vængi.
2. Hlátur
Náðu í fíflalega grínmynd á leigunni og
skipulegðu vídeókvöld með elskunni þinni.
Eða gerið eitthvað allt öðruvísi - leigðu
öðruvísi bíl, eins og Volswagen bjöllu eða
rosalegan sportbíl, og farið í langan bíltúr.
3. Slúður
Það er freistandi að kjafta öllu í vinkon-
urnar en slíkt er alveg bannað hjá sumum
hjónum. Samkvæmt Ken Robbins, sálfræði-
prófsessor í háskólanum í Wisconsins-Mad-
ison, getur sambandið styrkst við slúðrið ef
þú treystir þeim sem þú segir frá. Þið getið
grætt á því að heyra hvernig aðrir takast á við
svipuð vandamálm, sama hvort það snýr að
fyrirgefningu framhjáhalds eða öðrum mál-
efnum. Gluggatjöldin þurfa ekki alltaf að vera
dregin fyrir.
3. Betri matur
Hnetur, avocados og klettasalat eykur kynhvöt og bætir
frjósemi.
4. Hreinskilni í fjármálum
Næstum 40% giftra hjóna viðurkenndu að hafa logið um
eyðslu sína að makanum samkvæmt könnun sem gerð var
í Bretlandi árið 2004. Hjón rífast oftast vegna peninga. Vertu
hreinskilin og krefðust hreinskilni til baka þegar kemur að pen-
ingum og eyðslu. „Það er líklega bara betra ef þið aðhyllist ekki
sömu kenningar þegar kemur að peningum,“ segir dr Robbins.
„Þú þarft ekkert að vera einhver fjármálasérfræðingur en alls ekki
fela eyðsluna þína fyrir makanum.“
5. Farðu í rautt
Samkvæmt könnunum finnst karlmönnum konur mun kynþokka-
fyllri þegar þær eru klæddar í rautt heldur en t.d. blátt og grænt. Áttu
ekki örugglega rauðan náttkjól?
6. Skoðaðu kynhvötina
Ef þú finnur fyrir minnkaðri kynhvöt ættirðu að tala við lækni til að
útiloka læknisfræðilegar ástæður á áhugaleysinu. Sykursýki og of
hár blóðþrýstingur geta valdið minna blóðflæðis til kynfæra. Breyt-
ingaskeið, brjóstagjöf, geðlyf og getnaðarvarnarpilla geta einnig
leitt til minni kynlífslöngunnar. Ef kynhvötin hefur dregist saman meira en þú kannt við skaltu
tala við lækni.
7. Farðu í ræktina
Ef þú vilt koma blóðinu af stað skaltu gera eitthvað í því. Líkamlegt gott form getur bætt blóðflæðið
sem samkvæmt kenningunni ætti að auka á ánægjuna í svefnherberginu. Ekki skemmir öryggið
sem þú öðlast þegar þú ferð að tónast upp af öllum æfingunum.
8. Tækjalaust svefnherbergi
Rúmið á að nýtast fyrir svefn og kynlíf. Ekkert annað. Ekki mæta með fartölvuna, Blackberries eða
gemsann upp í rúm á kvöldin. Hvernig ætlarðu að kúra hjá makanum ef þú ert föst í rafmagns-
snúru? Hreinsaðu til í herberginu og skoðaðu makann í stað internetsins.
9. Sýndu stuðning
Ristruflanir, gular tennur, hrukkur, gulblettóttir veggir og auknar líkur á skalla - geturðu fundið
eina góða ástæðu fyrir því að hjálpa honum ekki að hætta að reykja? Það er ekki auðvelt að hætta
en þeir reykingamenn sem hafa stuðning eru líklegri til að standa sig. Hrósaðu hverjum smásigri
en vertu viðbúin því að makinn gæti verið úrillari en vanalega á meðan hann er að komast yfir
mestu fíknina. Stundum þarftu einfaldlega að leyfa honum að fá munnlega útrás.
10. Haltu í hitann
Haltu í ástríðuna þegar þið eruð aðskilin. Vissulega getur símakynlíf verið vandræðalegt í byrjun
en það er bara enn ein leiðin til að tengjast.
11. Breyttu út af rútínunni
Ástarleikir þurfa ekki alltaf að eiga sér stað í svefnherberginu. Geymdu að klæða þig í smá tíma
næst þegar þú kemur úr sturtunni. Ef þú vaskar upp á nærfötunum áttu örugglega eftir að koma
honum skemmtilega á óvart.
12. Fagnaðu þeim stutta
„Fæst okkar geta eytt löngum tíma í kynlíf,“ segir rithöfundurinn og kynlífsráðgjafinn Jennifer Ber-
man. „Ekki bíða eftir hinu fullkomna tækifæri. Gríptu tækifærið þegar það gefst.“
13. Bjóddu honum í mat - heima
Þegar fjárhagurinn er þröngur getum við ekki boðið elskunni okkar jafnoft út að borða en það er
alltaf hægt að skapa rómantíska stemningu heima við. Fáðu hann til að saxa niður með þér græn-
metið, deyfðu ljósin, helltu rauðvíninu í glösin og kveiktu á uppáhaldstónlistinni ykkar.
14. Vertu í sama liði
Leitaðu til vina og ættingja til að
létta undir með börnin svo þið fáið
smá tíma fyrir ykkur sjálf í hverri
viku. Gerið eldri börnum grein fyr-
ir að mamma og pabbi þurfa á smá
tíma að halda fyrir sig.
15. Passaðu mittið
Giftir eru feitari en þeir sem eru á
lausu. Þyngdin getur valdið vanda-
málum með hrifningu og kynlöng-
un. Samkvæmt rannsókn frá 2007 eru 37% meiri líkur á að
þú munir þjást af offitu ef maki þinn er of feitur. Ef setningin
„uns dauðinn aðskilur“ þýddi ekki króníska sjúkdóma eins og
hjartavandamál og sykursýki er betra að takast á við vanda-
málið sem allra fyrst.
16. Hreyfið ykkur
Samkvæmt rannsókn frá 1995 eru pör sem æfa saman líklegri til
að halda áfram í ræktinni en önnur. Sumar rannsóknir benda til
þess að þeir sem hreyfa sig meira lifa betra kynlífi. Finnið íþrótt
sem þið hafið bæði gaman af og getið æft saman næstu áratugina,
líkt og golf, tennis eða göngur.
17. Hjónaband krefst vinnu
Miðað við efnahagslegt ástand er líklegt að annað ykkar hafi misst vinnu,
þurft að minnka við sig vinnu eða sé byrjaður í nýrri vinnu. Mundu að
slíkar aðstæður eru erfiðar. Ræðið saman og verið hreinskilin um líðan
ykkar. Þið gætuð staðið uppi sterkari fyrir vikið. Talaðu við vini og ætt-
ingja í sömu stöðu. Það gæti hjálpað að heyra önnur sjónarmið.
18. Meiri svefn
Að hrjóta og að njóta ástríðufulls kynlífs hljómar afar andstæðukennt en
sérfræðingar halda því fram að nægur svefn sé besta lyfið við lítilli kynlöng-
un. Fáðu makann fyrr upp í rúm á kvöldin svo líkurnar á ástarleikjum verði
meiri.
19. Elskaðu líkama þinn
Margar konur (og karlar) verða meðvitaðar og spéhræddar ef þær eru óánægð-
ar með líkama sinn. Hér eru góðu fréttirnar: Samkvæmt kynlífsfræðingnum Lindu De Will-
ers frá Los Angeles erum við oft óánægðastar með þá líkamshluti okkar sem öðrum finnst mest
aðlaðandi. „Spurðu makann hreinskilnislega af hverju hann heillast mest varðandi líkama þinn.
Svarið gæti slegið á óöryggi þitt.“
20. Bættu sjávarréttum á matseðilinn
Ostrur þykja frábærar fyrir kynhvötina sem og feitur fiskur, ríkur af ómega-3 fitusýrum. Skiptu
kjötinu út fyrir fisk í kvöld. Þú munt gera hjarta ykkar og kynlífinu mikinn greiða.
21. Hættu öllum samanburði
Það skiptir engu máli þótt þið stundið ekki lengur kynlíf á hverju kvöldi líkt og þið gerðuð í upphafi
sambandsins. Samkvæmt rannsókn frá 2008 leysir öll nánd og snerting hormón úr læðingi sem
hjálpa okkur að losna við stress.
22. Bjóddu á deit
Ef þið ætlið að gera ykkur dagamun og kíkja út að borða og jafnvel á lífið á eftir fáðu þá barnapíuna
til að koma extra snemma. Það er ekkert spennandi að reyna að mála sig og greiða á meðan börn-
in eru mötuð. Reyndu að hafa nægan tíma til að taka þig til í ró og næði og finndu spenninginn
byggjast upp. Það er mun skemmtilegra en að langa bara upp í rúm að sofa.
23. Skipuleggðu flótta
„Þeir sem eru undir miklu álagi færa stressið yfir á kynlífið svo útkoman getur ekki verið góð,“
segir Irwin Goldstein hjá San Diego Sexual Medicine. „Þegar þú sérð ekki út úr verkefnalistanum
skaltu skipuleggja frí. Fáðu ömmu og afa til að taka krakkana og skellið ykkur í bústað. Eða verið
ein heima. Það gæti verið nákvæmlega það sem þið þurfið á að halda.“
24. Biddu um hjálp
Þegar sambandið stendur völtum fótum geta báðir aðilar orðið þungir í skapi en aðeins hjá mið-
aldra konum, ekki körlum, leiða vandræðin til líkamlegra kvilla eins og of hás blóðþrýstingins,
offitu og sykursýki. Leitaðu hjálpar ef hriktir í stoðum sambandsins.
25. Sýndu skilning
Samkvæmt breskri rannsókn eru karlmenn álíka hræddir við hákarla og að biðja um hönd ástinn-
ar sinnar. Ef þú ert farin að örvænta biddu þá hans í staðinn. Eftir hverju ertu að bíða?
26. Öll pör rífast...
... en þegar þið hafið sæst er um að gera að nota tækifærið til sáttarmaka - með adrenalínið og
dópamínið í fullu fjöri. Athugaðu samt að ef það þarf rifrildi til að fá ykkur til að elskast ættuð þið
að leita ykkur hjálpar.
Þú stóðst þig vel í vinnunni, ert búin/n að setja í tvær vélar og vaska upp eftir matinn. Ertu að gleyma einhverju?
Kannski makanum? Ekki láta hjónabandið sitja á hakanum. Hér eru 26 ráð til að bæta ástinni á verkefnalistann.
Ekki gleyma
ástinni