Dagblaðið Vísir - DV - 19.05.2010, Blaðsíða 10

10 MIÐVIKUDAGUR 19. maí 2010 FRÉTTIR
„Hneykslanlegt,“ sögðu bændur í
sveitinni Borgarfirði í samtali við
blaðamann DV þegar talið barst að
því að enn væri unnið á fullu í sveita-
óðali Sigurðar Einarssonar, fyrrver-
andi stjórnarformanns Kaupþings.
Hafði einn þeirra á orði, sem ekki
vildi láta nafns síns getið, að mað-
ur sem hefði átt þátt í að setja heila
þjóð á vonarvöl ætti að sjá sóma sinn
í að koma þarna aldrei aftur og gefa
kofann undir starfsemi fatlaðra eða
eitthvað slíkt.
Sumaróðalið er samtals 844 fer-
metrar að stærð. Samkvæmt teikn-
ingum að húsinu er gert ráð fyrir
fimm baðherbergjum, 50 fermetra
vínkjallara og tvöföldum bílskúr.
Þá er gert ráð fyrir að koma tveim-
ur gufuböðum fyrir í berginu undir
óðalinu. Bora átti fyrir gufuböðun-
um inn í bergið til að hafa böðin sem
líkust því sem gerist úti í guðsgrænni
náttúrunni. Þá er í óðalinu innflutt
sérstakt skothelt gler, hert 50 mm
gler sem er ekki ósvipað því og not-
að er í skriðdreka hervelda heimsins.
Framkvæmdir hófust
aftur í vetur
Eftir því sem áreiðanlegar heimild-
ir DV herma hófust framkvæmdir
á ný við húsið um miðjan vetur á
vegum Helga Kr. Eiríkssonar, sem
á og rekur ljósafyrirtækið Lúmex,
en hann hefur unnið mikið fyrir
Sigurð í útlöndum. Framkvæmd-
ir stöðvuðust við húsið í október
2009 þar sem Veiðilækur ehf. hafði
ekki staðið í skilum við verktakafyr-
irtækið Borgarverk ehf. tvo mánuði
í röð.
Eftir því sem næst verður komist
hefur Helgi verið með nokkra karla
þarna í vinnu og búið er að koma
upp stórri kaffiaðstöðu í húsinu, fót-
boltaspili og sjónvarpi auk þess sem
eitthvað er af rúmum í húsinu.
Jarðarspildan er 11 hektarar að
stærð og er fasteignamat hennar
651 þúsund krónur. Þá er veiðirétt-
ur í Norðurá metinn á 23,7 milljón-
ir króna. Fasteignamat hússins er
um 42,8 milljónir króna. Samtals er
því fasteignamat húss og lóðar auk
veiðiréttinda 67 milljónir króna.
Kostnaður um hálfur milljarður
Sigurður og kona hans Arndís
Björnsdóttir keyptu eyðijörðina
Veiðilæk í Borgarfirði vorið 2004
undir sumarhús og stofnuðu utan
um eignina fyrirtækið Veiðilæk ehf.
Gefið er upp að félagið sé til húsa á
heimili sem þau hjón eiga við Val-
húsabraut 20 á Seltjarnarnesi.
Við kaup á jörðinni tók Sigurð-
ur lán hjá SPRON upp á 76 milljón-
ir japanskra jena sem á þávirði var
um 52 milljónir króna. Þetta lán er
á 1. veðrétti í veðbókum Veiðilækj-
ar. Sigurður kom sjálfur með 218
milljónir inn í Veiðilæk í lok árs
2007.
Það var svo 29. desember 2008,
nokkru eftir hrun bankanna, að Vá-
tryggingafélag Íslands lánaði Sig-
urði, eða öllu heldur fyrirtæki hans
Veiðilæk, 200 milljónir króna vegna
húsbyggingarinnar. Þetta lán er á
2. veðrétti samkvæmt veðbókum
Veiðilækjar.
Það liggur því nærri að um hálf-
ur milljarður hafi runnið til sumar-
óðals Sigurðar sem enn er þó fjarri
því að vera tilbúið. Liggur nærri eins
og er að húsið sé nú aðeins tilbúið
undir tréverk. Húsið og lóðin eru því
yfirveðsett um 361 prósent miðað
við gengi jensins í dag.
SVEITAÓÐAL SIGURÐAR
TILBÚIÐ UNDIR TRÉVERK
SIGURÐUR Þ. RAGNARSSON
blaðamaður skrifar: siggistormur@dv.is
Eftir því sem áreiðanlegar
heimiildir herma hófust
framkvæmdir á ný við
húsið um miðjan vetur
á vegum Helga Kr.
Eiríkssonar.
Framkvæmdir eru í fullum gangi við sveitaóðal Sigurðar Einarssonar í Borgarfirðinum. Húsið er 844 fermetrar
með fimm baðherbergjum og vínkjallara. Sigurður er sem kunnugt er eftirlýstur í útlöndum og hefur sérstakur
saksóknari hrunsins reynt að ná af honum tali. Kostnaður við bygginguna nemur um hálfum milljarði króna.
Eigendur Veiðilækjar Sigurður
Einarsson og Arndís Björnsdóttir,
kona hans, keyptu Veiðilæk í
Borgarfirði undir glæsilegt 844
fermetra sumarhús.
Framkvæmdir stöðvuðust
Framkvæmdirnar við sumarhús
Sigurðar stöðvuðust en hefur
verið haldið áfram frá því í vetur.
Óðalið Hér má sjá teikningu af sveitaóðali Sigurðar Einarssonar í Borgarfirðinum eins
og ráðgert var að það myndi líta út.
Tilbúið undir tréverk Myndin sýnir
sveitasetur Sigurðar í Borgarfirðinum
nú í maí. Húsið er tilbúið undir tréverk
og vinna nokkrir iðnaðarmenn við að
ljúka við húsið.