Morgunblaðið - 17.01.1963, Blaðsíða 15
''■‘Flm'lrttú&agur ITtfah&af' *i§63
M O R tf 'tJ /V B t jtiÍÐ
Þekkinq og skilningur
SAMMÁLA er ég andmælum
andatrúarmanna um það, að
andahyggja sé ekki vísinda-
hyggja, og er þó ekki þar með
sagt, að allar athuganir anda-
trúarmanna á því, sem þeir
hyggja ályktanir sínar á, þurfi
endilega að vera óvísindalegar.
Skilningur andatrúarmanna er
að vísu á engan hátt framhald
(þeirrar þekkingar, sem hinir á-
gætu frumherjar í heimsfræði og
líffræði hafa byggt upp á liðn-
um öldum. En fyrirbæri þau og
alla þá reynslu, sem við anda-
trú hefir verið kennd, nær hins
vegar engri átt að meta einskis
og er furðulegt að sjá lærða nú-
tímamenn halda því fram, að á
þeim fyrirbærum og þeirri reyn-
slu beri alls ekki að leita skiln-
ings, heldur eigi menn varðandi
allt, sem snert geti trúarbrögð, að
láta sér nægja kenningar trúar-
bragðanna einar saman. Verður
varla annað sagt en að með þessu
sé verið að nálgast þann and-
vísindalega hugsunarhátt, sem
stóð að galdrabrennum og trú-
arbragðaofsóknum fyrri alda,
og er í þessu sambandi mikil á-
stæða til að minna á, að þótt nú
um skeið hafi t.d. heimsfræði
þótt koma vísindum einum við,
þá var einu sinni ekki sVo. Einu
sinni þótti það sérstaklega varða
trúarbrögðin að leita þekkingar
é stjörnunum, eins og saga þeirra
Brúnós og Galileis sannar bezt,
og vænti ég þess, að fáir muni
nú telja, að réttara hefði þeim
verið að halda sig við trúarkenn-
ingarnar. Að ekki beri í hvívetna
að leita þekkingar og skilnings,
ætti því öllum að geta verið Ijóst,
að er einungis fjarstæða og hörf-
un af braut framsækni og hugs-
anafrelsis, enda ættu engir ó-
möguleikar að vera til þess, að
þekking og skilningur geti að
öllu leyti komið í stað trúarbragð
anna.
En það voru annars ekki þessi
deiluefni fré 4. nóv. sl., sem ég
einkum ætlaði að víkja hér að,
heldur einnig annað. Vegna til-
efnis af hálfu Sigurjóns Björns-
sonar sálfræðings skrifaði ég
grein, sem birtist í Alþýðublað-
inu í haust, og vék ég þar að
draumaskýringum S. Freuds. Nú
vil ég skora á nefndan sálfræð-
ing, að hann sýni fram á það, að
ég hafi þar haft rangt fyrir mér.
Ég bið hann að gera grein fyrir
því, hvernig það megi vera, að'
einar saman hugrenningar geti
orðið mönnum að sýnum eins og
jafnan ber fyrir í draumum. Og
ennfremur vil ég spyrja: Er nokk
ur skynsamleg leið til að skýra
það út frá dulvitundarkenningu
Freuds, að móðir próf. Níelsar
P. Dungals skyldi skynja það í
svefni hér heima á íslandi, sem
þá stundina var að gerast suður
á Þýzkalandi, en um raunveru-
leika þessa atviks mun sjálfur
prófessorinn geta borið?
Eins og ég hefi svo marg-
sinnis tekið fram, þá er það alveg
óumdeilanleg staðreynd, að
Guðrún Sigurbjörns-
dóttir sjötug 11. jan.
SJÖTUGSAFMÆLI Stti hinn
11. f.m. frú Guðrún Sigurbjörns-
dóttir, fyrrum húsfreyja og ljós-
móðir á Hrappsstöðum í Laxár-
dal í Dalasýslu. í full 40 ár gerð/
hún og maður hennar, Sigtrygg-
ur hreppstjóri Jónsson, þann garð
frægan, en árið 1959 fluttust þau
hingað til Reykjavíkur og eru nú
búsett að. Tómasarhaga 20.
Frú Guðrún er fædd á Svarf-
hóli í Laxárdal, en þar bjuggu
um langa tíð foreldrar hennar,
Sigurbjörn Bergþórsson. söðla-
emiður, og kona hans, Kristín
Guðbrandsdóttir frá Sáimsstöðum
Halldórssonar. Þau hjón hófu bú-
skap í hörðu árferði á níunda
tug fyrri aldar, komu upp mörg-
um bornum, urðu þó vel bjarg-
élna, eignuðust ábýlisjörð sína og
bættu hana mjöig að húsum og
ræktun. Góða arfleifð veittu þau
börnum sínum: hógvœrt glað-
lyndi, vinfesti, trúmennsku í störf
um, og hafa þær dyggðir reynzt
évaxtaríkar.
TTm tvltugsaldur nam Guðrún
Ijósmóðurfræði og gerðist síðan
Ijósmóðir í heimabyggð sinni.
Hinn 29. apríl 1917 giftiist hún
sveitunga sínum og æskuvini,
Sigtryggi Jónssyni frá Hömrum
í Laxárdal. Þau keyptu jörðina
Hrappsstaði, sem liggur nálægt
miðsvæðis milli Hjarðarholts og
Búðardaiskauptúns og er því hið
bezta í sveit sett. Þangað filutt-
ust þau vorið 1919. Var brátt haf
izt handa um umbætur, byggt
myndarlegt iDúðanhús úr stein-
steypu og unnið að aukningu
ræktaðs lands, hægum skrefum
framan af, vegna þess hve jarð-
vinnslutæki voru þá ófullkomin,
en síðar i þeim mun stærri stíl,
sem tæki urðu stórvirkari. Þeir,
sem dvalið hafa í sveit, vita, að
öll umbótastarfsemi, þótt utan-
húss sé, eykur umsýslu og erfiði
húsmóðurinnar, og verðskuldar
hún á því sviði sama heiður og
bóndl hennar. Húsmóðirin fré
Hrappsstöðum, sem nú er að
stiga fyrstu sporin á áttunaa
áratug ævinnar, hefir afkastað
miklu dagsverki, sem varð enn
fjölþættara fyrir þá sök, að mað-
ur hennar var oft að heiman, á
fyrri árum vegna kennslustarfa,
á seinni árum vegna margvíslegra
opinberra starfa, og var hún þá
að sjálfsögðu bæði bóndinn og
húsfreyjan heima fyrir. Og við
þetta bættust svo Ijósmóður-
störfin, sem hún gegndi í 30 ár,
í víðlendn sveit og erfiðri yfir-
ferðar á fyrri árum, einkum á
vetrum. Fyrir þau störf veittu
konur í Laxárdal henni fagran
vott viðurkenningar og virðing-
ar á 25 ára ljósmóðurafmæili
hennar og eins þegar hún lét af
þeim störfum.
Þeim bjónum, Guðrúnu og Sig-
tryggi, varð þriggja barna auðið.
Þau eru: Jón, fulltrúi í Iðnaðar-
bankanum, Sigurhjörn, forstöðu-
maður Austurbæj ar-útibús Lands
bankans, Margret, verzlunarmær
í Reykjavik.
Ég vil enda þessi fátæklegu
orð ineð því að óska frú Guð-
rúnu og ástvinum hennar allra
heilla á þessum merku tímamót-
um í ævi hennar. Ég þakka forn
og ný kynni og ánægjulegar
stundir á heimili þeirra hjóna.
draumsýnir manna eru jafnan
meira og minna frábrugðnar því,
sem þeir í svefninum ætla þær
vera, og vil ég hér enn reyna að
vekja athygli á þessu. Og auðn-
aðist fræðimönnum að gera sér
þetta ljóst, þá vildi ég spyrja
þá um ályktanir þeirra af þvi.
Mín ályktun er, að óhugsandi
sé, að sjálfur skapi maður sér
í svefninum þær minningamynd-
ir, sem í ósamræmi væru við
minningar hans, og þess vegna
hljóti utanaðkomandi áhrif að
koma þarna til greina. En geti
sú ályktun ekki staðizt, þó bið
ég hvern, sem getur, að sýna mér
fram á það.
Þorsteinn Jónsson
frá Úlfsstöðum
Ný hár- og snyrtlstofa
og snyrtivöruverzlun
A LAUGARDAGINN var opnuð
ný hárstofa, snyrtistofa og
snyrtivöruverzlun að Laugavegi
25. Er þetta allt á sömu hæð og
nefnist fyrirtækið Valhöll hf.
Og eru eigendur þeir Einar Elías
son og Ágúst Kristmanns.
Þarna vinna sjö stúlkur, sem
eru sérmenntaðar í sinni grein
og voru til dæmis tvær þeirra
á námskeiði í París hjá fyrir-
tækinu Coryse Salomé, en það
framleiðir aHar snyrtivörur, sem
Valhöll hefir á boðstólum.
Snyrtistofan og verzlunin er
í nýju húsi við Laugaveginn og
er öllu þar mjög haganlega fyrir
komið. Hörður Ágústsson teikn-
aði innréttingu en yfirsmiður
var Gunnar Gunnarsson. Fyrir-
tækið hyggst veita viðskipta-
vinum sínum ýmis konar nýjung
air, og verða þar t. d. gefnar
allar ráðleggingar 1 fegrun og
snyrtingu. Þar getur kvenfólk
fengið lagað púður eftir smekk
og ýmislegt annað sem viðkem-
ur fegrun og snyrtingu. Þá geta
karlmenn fengið andlitssnyrt-
ingu.
☆
kvensokkar
Eiga meiri vinsældum að fagna hér
á landi en nokkur önnur sokka-
tegund.
Þeir eru vandaðir
og endast lengi.
Þeir eru fallegir
og fullnægja kröfum
hinna vandlátustu.
Þeir eru í tízkulitum
í fallegu úrvali.
Þær konur, sem kaupa ÍSABELLA
hafa tryggingu fyrir góðri vöru,
sem reynslan hefur sýnt að megi
treysta.
Veríið stenzl ala samkeppai
Fást
um
allt
land
ISABELLA
Skrásett vörumerki.
Jón Guðnason.