Morgunblaðið - 26.04.1966, Qupperneq 31
Þriðjudagur 26. atjrfl 1966
— Fundir
— borgarstjóra
Framhald af bls. 11
í ljós ósk um góða samvinnu í
framtíðinni. Arinbjörn Kolbeins
son, fundarstjóri, mælti að lok-
um nokkur orð og sagðist vilja
þakka öllum fyrir þann áhuga
um borgarmálefni sem fram
hefði komið á fundinn. „Þá vil
ég einnig fyrir hönd fundar-
manna þakka frummælendum
fyrir fróðlegar ræður, en alveg
sérstaklega vil ég þakka borgar-
MORGUNBLAÐID
31
stjóranum, Geir Hallgrímssyni,
fyrir þá ágætu nýbreytni að
ræða málefni borgarinnar með
svo lýðræðislegum og málefna-
legum hætti, sem gert hefur ver
ið á þessum fundi. Fundurinn
markar tímamót í samskiptum
stjórnenda og borgara, og færir
þau á málefnalegri og lýðræðis-
legri grundvöll, en áður hefur
þekkzt. Og aðsóknin að þessum
fundi sannar að borgararnir
kunna að meta þetta fyrirkomu
lag á þjóðmálafundum“. Fundar
stjóri sleit síðan þessum fjöl-
menna og vel heppnaða fundi
borgarstjóra.
Fundurinn í Sögu
ANNAR fundur borgarstjóra
var aS Hótel Sögu í gærkv'óldi
fyrir íbúa Mela og Vesturbæj-
arhverfis. Baldur Möller bauð'
fundargesti velkomna, og sagði
að borgarar fögnuðu frum-
kvæði borgarstjóra að þessum
fundum. „Þeir eru snjöll við-
leitni til að ná beinu sambandi
við borgarana. Stækkun borg-
arinnar útheimtir ný vinnu-
brögð, og þau hafa verið tekin
upp með þessum fundarhöld-
um“. Þá tók Geir Hallgrímsson
borgarstjóri til máls og rædtli
almennt um málefni borgarinn-
ar, en vék sérstaklega að mál-
efnum Mela og Vesturbæjar-
hverfis. Hann ræddi skipulags-
málin og gatnageröina og sagði
að í ár yrði lokið við að mal-
bika Suðurgötu, Þverveg að
Baugsvegi, Skjólin og prófessora
hverfið, og víðtækri gangstétt-
argerð yrði lokið í þessum hverf
um á þessu ári og hinu næsta.
Þá er unnið að nýbyggingum,
þar sem Kamp Knox hverfið
stóð. „Á þessu og næsta ári
verður gengið frá gatnakerfi
V esturbæ jarins endanlega“,
sagði borgarstjóri.
Hitaveita.
Þá vék borgarstjóri að hita-
veitumálum og sagði, að í hlut-
um Vesturbæjarins hefði hita-
veitu verið ábótavant, sérstak-
lega á Landakotshæðinni og
svæði í kringum hana. Sums
staðar væri hins ve>gar ágæt þjón
usta og færi það nokkuð eftir
því hvernig hús liggja við götu-
æð. „Þjónustu hitaveitunnar er
ekki ábótavant", sagði borgar-
stjóri „vegna þess að vatnsafl-
ið hafi minnkað við ptþenslu
Ihitaveitunnar. Þvert á móti,
það hefur verið aukið. Dælustöð
við Fornhaga, viðbótarmótor við
dælus i >ð í Öskjuhlíð og Laugar-
dal hefur valdið meiri aukn-
ingu vatnsmagns inn á kerfið
í gamla bænum. Hins vegar
hafa neikvæð áhrif komið fram
að einu leyti, geymarnir á Öskju
hlíð hafa ekki verið stækkaðir
og hitaveitan því ekki getað
tekið á móti langvarandi kuld-
um. Þetta stendur til bóta, nýr
geymir, 9 þúsund tonn að stærð
verður byggður í ár, og annar
jafn stór á næsta ári. En hvor
um sig er stærri en allir geym-
arnir á Öskjuhlíð til samans.
Jafnframt verður byggð kyndi-
stöð í Árbæ til að yfirhita vatn-
ið. í vetur skorti 8% nægilegt
vatnsmagn. Dælur í holunum
þoldu ekki yfirhitaða vatnið
sem var 130 gráðu heitt, og því
var ekki hægt að hafa allar hol-
urnar í gangi samtímis. Vara-
Stöðin við Elliðaár bilaði einnig
og gat því ekki innt af hendi
nauðsynlega þjónustu. En þetta
stendur hvoru tveggja til úrbóta
og kostað verður kapps um að
bæta úr þjónustu hitaveitunnar
við þetta svæði.
Fegrun hverfisins.
í Vesturbænum er fyrirhugað
að ströndin meðfram Ægissíðu
verði opið svæði og verður hún
snyrt nokkuð, en þó ekki úr hófi,
þar sem leitast verður við að
vernda hina upprunalegu mynd
strandarinnar“.
Skólabyggingar.
„Skólamálin í þessu hverfi
standa þannig: Melaskóti og Vest
urbæjarskóli eru tvísetnir, Haga-
skólinn, sem er gagnfræðaskóli
er einsettur, og Gagnfræðaskóli
Vesturbæjar í Vonarstræti er
einnig einsettur. Þar bætast við
nokkrar kennslustofur, þar sem
hið gamla hús Búnaðarfélagsins
hefur verið keypt. Fyrirhugað er
að byggja barna- og unglinga-
skóla á Sólvöllum, og smábarna-
skóla á Seltjarnarnesi“.
Barnaheimili.
„Í Vesturbænum eru tvö dag-
heimili, Hagaborg og Vesturborg.
Vesturborg er orðin léleg og þarf
að endurbyggja. Leikskólar eru
tveir, en þyrftu að vera þrír,
þ.e.a.s. einn leikskóli á hverja
fimm þúsund íbúa“.
Eins og á fyrri fundinum í Bídó
ræddi borgarstjóri að sjálfsögðu
almennt um málefni borgarinn-
3r, og sérstaklega málefni hinna
viðkomandi hverfi, en ræður
hans eru ekki raktar hér frekar,
enda þegar sýnt, að mikill fjöldi
borgarbúa sækir fundi hans.
Gunnlaugur Þórðarson ber fram fyrirspurn.
Gunnar Már Pétursson beinir
fyrirspurn til borgarstjóra. Sig-
urður Ágúst Jensson annast
hljóðnemaþjónustu á fundunum.
FYRIRSPURNIR TIL
BORGARSTJÓRA
Að lokinni ræðu borgarstjóra
flutti Úlfar Þórðarson, læknir,
ávarp, og verður það birt í
Morgunblaðinu á morgun. Síðan
hófust fyrirspurnir fundargesta,
og tók fyrstur til máls Gunnar
Már Pétursson:
Þakkaði hann borgarstjóra
mjög greinargóða ræðu.-Kvaðst
hann vilja leita upplýsinga um
Reykjavíkurflugvöll, sem væri
til mikillar óprýði, en erlendis
tíðkast það, að snyrtilegt sé í
kringum flugvelli.
2. Er Skerjafjörður á framtíð-
aráætlun hitaveitunnar?
3. Hann gagnrýndi seinagang
við ofaníburð á leikvelli og leik-
svæði.
4. Er unnt að koma því svo
fyrir, að börn úr Skerjafirði sæki
Melaskóla í stað Miðbæjarskóla.
Borgarstjóri:
1. Við höfum litið svo á, að
það sé hlutverk flugvallaryfir-
valda að annast snyrtingu í ná-
grenni flugvallarins. Deilt hefur
verið um framtíð flugvallarins,
en í aðalskipulagi Reykjavíkur
er talið að Reykjavík þurfi á
flughöfn að halda. Þess vegna
hefur ekki verið unnt að leggja
flugvöllinn niður, en einungis
útilokuð stækkun hans. Niður-
staðan er því sú, að halda hon-
um í sinni núverandi mynd, en
leyfa endurbætur til öryggis. —
Nauðsynlegt er, að snyrting fari
fram í nágrenni hans og munu
Reykjavíkurborg og flugmála-
yfirvöld vinna að því, þar sem
ákveðið hefur verið áð hann
haldist.
2. Skildinganes er ekki inn -.
hitaveituáætlun, og svæðið við
Hörpugötu ekki heldur. Hila-
veituleiðslur voru J?ó lagðar þang
að og eru komnar í það hverfi.
Ekki þótti fært að fara suður
fyrir flugbrautina, meðan byggð-
in er svo dreifð, eri að því ráði
verður vafalaust stefnt þegar
hún béttist.
3. Ég mun koma áleiðis ábend-
ingu um ofaníburð salla á leik-
velli og knattvelli.
4. Við fræðslustjóri Reykja-
víkur höfum rætt þetta vanda-
mál ásamt skólastjóra Melaskól-
ans, og þeir báðir vilja leysa
þetta mál. Nýting skóla borgar-
innar er mis’jöfn. Þannig er nokk
urt rými í Miðbæjarskólanum og
Austurbæjarskólanum, þar sem
við getum ekki flutt börn milli
hverfa. Slíkt er neyðarúrræði,
eins og vissulega er um að ræða
varðandi börnin í Skerjafirði.
Magnús GuSmundsson:
Hafa verið gerðar eða eru fyr-
irhugaðar nokkrar ráðstafanir
til þess að útvega sjúkrarúm
fyrir langiegusjúklinga?
Borgarstjóri:
Ég gat um það í minni frum-
ræðu, að Borgarsjúkrahúsið
yrði tekið í notkun á næstu vik-
um og mánuðum, hver deildin
á fætur annarri. Þar eru sjúkra-
nú fyrir 206 sjúklinga. Þetta er
þó ekki nettóaukning á sjúkra-
rúmum í borginni, þar sem borg-
in hefur rekið 100 sjúkrarúm
annars staðar; og flytur þau nú
í Borgarsjúkrahúsið. En þá
losna sjúkrarúm í Heilsuvernd-
arstöðinni, og þar er ætlunin að
nýta sjúkrarúm fyrir langlegu-
sj úklinga. Er það liður í áætl-
un borgarstjórnar í velferðarmál
um aldraðra. Þá er einnig ætl-
unin að byggja 25 íbúðir á ári
fyrir aldrað fólk.
Einar Thoroddsen,
spurði um ráðstafanir til að
skapa unglingum aðstöðu til tóm
stundaiðju og um vandamál
gamla fólksins.
Fyrri liðnum svaraði borgar-
stjóri líkt og á fundinum í Lídó.
2. Nú er verið að Ijúka bygg-
ingu 69 íbúða í háhýsi við Aust-
urbrún og hluti þeirra veróur
notaður fyrir aldrað fólk.
Halldór Sigurþórsson: Er unnt
að koma við stórvirkari tækni
við gangstéttarlagningar en gert
hefur verið?
Borgarstjóri: Það er alveg rétt
að gangstéttarlagnir hafa ekki
fylgt malbikun gatna. Malfbikun
er langt á undan áætlun, en gang
stéttalagning fylgir ekki áætlun.
Afköstum hefur þó fleygt mjög
fram, Þannig minnir mig að á
árinu 1962 hafi 3,7 kílómetrar
gangstétta verið lagðar, en 1965
23 kílómetrar, og á þessu ári
standa vonir til að síðari talan
tvöfaldist. Ástæðan er einmitt
fijótvirkari aðferðir en áður, en
nú er fyrirhugað að afla véla,
sem leggja gangstéttarkanta' og
steypa metersbil um leið.
Gunnlaugur Þórðarson: Allir
jafnvel andstæðingar eru ánægð
ir með að Reykjavík á ungan
og dugmikinn borgarstjóra. Við
hljótum að viðurkenna það. En
jafnvel stuðningsmenn meiri-
hlutans nöldra um eitt og annað.
1. Mætti ekki setja Örfiris-
eyjarverksmiðjuna niður við
Klett. svo að ólyktin frá henni
bærist ekki um alla borg?
2. Hvenær á að rífa gömlu
húsin við Grettisgötu, Holtsgötu
og á því svæði?
3. Er ekki rétt að búa skóla
fullkomnum kennslutækjum, og
taka fastan lið á fjárhagsáætlun
upp um það?
4. Hefði ekki mátt koma fyrir
þeirri starfrækslu sem fyrirhug-
uð er í turni borgarsjúkrahúss'
ins annars staðar í húsinu?
5. Hvenær voru uppdrættir
af Borgarsjúkrahúsinu upphaf-
lega samþykktir?
6. Við Álftamýrarskóla er úti
salerni, sem kostar eina miiljón
króna. Það 'hefur ekki ennþá
— verið tekið í notkun. Ætlar
Sjálfstæðisflokkurinn að byggja
mörg slík hús í framtíðinni?
Borgarstjóri:
1. Heilbrigðisnefnd hefur gert
ýmsar kröfur um hreinlæti og
ráðstafanir til þess að koma í
veg fyrir lykt frá þessum verk
smiðjum. Samkvæmt þeim kröf-
um var byggður stór strompur
að Kletti, sem hefur gert mikið
gagn, þótt frekari úrbóta sé
þörf. Heilbrigðisnefnd hefur
ráðið sérfræðing til að rannsaka
þetta mál af sinni hálfu. Þá er
spurningin um Örfiriseyjarverk-
smiðjuna. Samkvæmt veðurfari
og ríkjandi vindátt væri hag-
kvæmasti staður fyrir hana í
Seltjarnarneshreppi. Við ráðum
ekki yfir landssvæði þar og töld
um það raunar skyldu stærstu
verstöðvar íslands, að sjá starf-
semi sem þessari fyrir starfsað-
stöðu. Það var álit manna að að
frágengnum Seltjarnarneshreppi
væri Örfirisey bezti staðurinn
fyrir þessa verksmiðju, en það
þarf að gera sérstakar ráðstaf-
anir til lykteyðingar og með því
verður fylgzt. Má hver sem er
lá okkur, sem stóðum að sölu
þessarar verksmiðju, að koma
henni í verð, þannig að ekkert
tjón varð fyrir borgarana.
2. Misjafn er smekkur manna, -
því mér hefur verið legið á hálsi
fyrir að of hratt væri gengið til
verks við að rífa niður gömlu
bárujárnshúsin, og við höfum
ekki tilhneigingu til að rífa
niður það, sem borgararnir hafa
byggt upp, ef óþarft er vegna
skipulags. Það er misskilningur
að hægt sé að vinna mikið rými
með því að rífa gömlu húsin. Um
ferðarmannvirki krefjast mikils
rúms. Það er álit okkar erlendu
skipulagssérfræðinga að heppi-
legt sé að Reykjavík hefur
byggzt dreift, og þeir telja jafn-
vel að hún hafi verið byggð of
þétt. Mig minnir að í gamla mið
bænum þar sem nú eru um 300
þús gólfflatarmetrar geti í hæsta
lagi við endurbyggingu orðið 350
þús.
3. Já það er sérstök fjárveit-
ing til kennslutækja og kaup á
þeim hafa verið stóraukin.
Fræðsluyfirvöldin fylgjast vel
með í þeim efnum.
4. Turninn er notaður fyrir
lækrtalið hjúkrunarlið, lestrar-
sal, bókasafn og fleira, og þótti
heppilegt að turninn væri þar
sem hinar þrjár álmur Borgar-
sj úkrahússins mætast, og væri
þar einskonar miðstöð sjúkra-
hússins. Hann hefur þar vissu-
lega hlutverki að gegna.
5. Ég veit ekki betur en það
mál hafi gengið sinn gang og
teikningar verið samþykktar af
byggingarnefnd.
6. í sambandi við Álftamýrar-
skólann vorum við að ljúka
fyrsta áfanga af fleirum. Ég skal
ekki segja um hvenær einstak-
ir hlutar þessara áfanga verða
teknir í notkun eða í hvaða röð.
Um það treysti ég mér ekki til
að gefa upplýsingar um.
Vegna rúmleysis verður hluti
af frásögn af umræðunum á Hót-
el Sögu að bíða birtingar til
morguns.
Fró Fulltiúoróði SjdH-
stæðislélugunno í Reykjnvik
STARFANDI eru á vegum Fulltrúaráðs Sjálfstæðisfélaganna
í Reykjavík eftirtaldar hverfaskrifstofur í borginni. Skrif
stofurnar eru opnar milli kl. 2—10 e. h. alla virka daga nema
laugardaga milli kl. 1—5.
il
VESTUR- og MIÐBÆJARHVERFI
Hafnarstræti 19
Simi: 22719
NES- OG MELAHVERFI
Tómasarhaga 31
Sími: 24376
AUSTUR- OG NORÖURMÝRARHVERFI
Bergþórugötu 23
Sími: 22673'
HLÍÐA- OG HOLTAHVERFI
Mjölnisholti 12
Simi: 22674
LAUGARNESHVERFI i,
Laugarnesvegi 114
Sími: 38517
LANGHOLTS-, VOGA- OG HEIMAHVERFI
Sunnuvegi 27
Simi: 38519
SMÁÍBÚBA-, BÚSTAÖA- OG HÁALEITISHVERFI
Starmýri 2
Sími: 38518