Morgunblaðið - 07.05.1968, Blaðsíða 10
10
MORGUNBLAÐIÐ ÞRIÐJUDAGUR 7. MAÍ 196«
Aldin höfn en ung
— Rœtt við Ceorge C. McKinney, sem hingað er kominn til
að beina viðskiptum íslendinga gegn um höfnina r Norfolk
„ÉG er hingað kominn til við-
ræðna við íslenzka innflytj-
endur og forráðamenn Eim-
skipafélags íslands, en hafn-
aryfirvöld Virginíufylkis
leggja nú kapp á að beina
áhuga þeirra, sem flytja inn
vörur frá Bandaríkjunum, að
höfninni í Norfolk“. Sá, sem
þetta mælir, er George C.
McKinney, en hann er yfir-
maður Evrópudeildar hafnar-
yfirvalda Virginíufylkis og
hefur aðsetur í Brússel.
„Norfoltohöfn er nú 350 ára,
en yfirvöldin hafa alltaf
kappkostað að fylgjast vel
með þróuninni, svo segja má,
að þó aldurinn sé þetta hár, er
höfnin ung í anda“, heldur
MoKinney áfram og brostir
við.
„Höfnin í Norfolk er að
mestu útflutningshöfn fyrir
bandarískar vörur, og sem
siík er hún númer eitt. En ef
við tökum bæði innflutning
og útflutning er Norfolkhöfn
í öðru sæti, næst á eftir New
York.
Á síðasta ári fóru 36 milljón
tonn af vörum gegn um höfn-
ina í Norfolk, þar af voru um
31 milljón tonn bandarískar
útflutningsvörur.
Samgöngur við Norfolk eru
mjög góðar og vörurnar eru
fluttar þangað að mestu með
lestum og flutningabílum, á
mjög fljótan og öruggan
„í gegn um höfnina í Nor-
folk fer mikið af ull og frystu
kjöti, en enn sem komið er
lítið af fiski. Við vonumst til
að fá sem mest af íslenzkum
afurðum til okkar og síðar
meir, að geta tekið. á móti
fiskinum líka. Sama er að
segja um bílainnflutning ís-
lendinga frá Bandaríkjunum.
George C. McKinney
máta“.
„Hvað eru íbúar Norfolks
margir?“
„Þeir eru nú um 400.000 og
má segja að borgin öll „lifi“ á
höfninni.
Nú í janúar sl. hóf Eim-
skipafélag íslands reglubundn
ar siglingar , til Norfolks,
tvisvar í mánuði, og bindum
við góðar vonir við, að þar
verði á gott og vaxandi
framhald“.
„Hvað með íslenzkar út-
f lutningsvörur?“
Eins og er fer ekkert af hon-
um gegn um Norfolk, en við
höfum hug á, að það breytist
í framtíðinni. Mikið af banda-
rískum iimflutningi á evrópsk
um bílum fer um höfnina í
Norfolk.
Ég sagði áðan, að segja
mætt um Norfolkhöfn, að hún
sé ung í anda. Þar átti ég við
það, að öll mannvirki eru
sniðin eftir hörðustu kröfum
nútímans og aðstaða er til
allrar þeirrar lestunar og los-
unar, sem bezt þykir og ör-
uggust í dag.
Framtíðin í skipavöruflutn-
ingum er án efa sú, að flytja
vöruna í þar til gerðum um-
búðum (containers) eða hin
svo nefnda „roll on roll off“
aðferð, en þá er vörunum ek-
ið um borð' í skipin og úr
þeim. Með þetta í huga er
höfnin nú skipulögð og í jan-
úar sl. var tekin í notkun ný
„álma“, sem sérstaklega var
byggð með þetta í huga. Er
hún sú fyrsta af sex fyrirhug-
uðum.
Með þessar staðreyndir að
vopni hyggst ég ganga til við-
ræðna við íslenzka innflytj-
endur líka og ég vona að þær
viðræður beri ríkulegan
ávöxt“, segir George C. Mc-
Kinney um leið og hann snar-
ast út úr herberginu.
Nýjasta „álma“ Norfolkhafnar, sem er sérstaklega byggð fyrir flutningavöru í þar til gerðum
umbúðum (containers).
,0kkur vantar bara fleira fdlk‘
— Rætt við Hnifsdælinga
Við hittum á förnum vegi 2
Hnifsdælinga, sem sóttu Sveita-
stjórnamámskeiðið, er var hald
ið fyrir skömmu í Reykjavík.
Mennirnir voru Guðfinnur
Magnússon, sveitarstjóri og
Guðmundur H. Ingólfsson hrepps
nefndarmaður, en þeir ásamt
Svanberg Einarssyni hrepps-
nefndarmanni voru fulltrúar
Hnifsdælinga á sveitastjórnar-
námskeiðinu. Við ræddum við
Guðmund og Guðfinn um mál-
efni hreppsins.
— Hvað er helzt á döfinni
i framkvæmdum hjá ykkur í
Hnífsdal?
Guðfinnur: „Það er höfnin,
hún er stærsta málið.“
Guðmundur: „Já, það er höfn-
in og bygging félagsheimilis. Nú
verandi ástand hafnarinnar er
algjörlega ófært. T.d. kom það
fyrir nú í vetur, að bryggju-
hausinn hreyfðist þegar skip
sigldi nokkuð óvægilega frá
hryggjunni og sýnir það bezt
styrkleika bryggjunnar. Tilgang
urinn með þessari ferð okkar
hingað suður er m.a., að ræða
ýmis mál byggðarlagsins við
ráðamenn hér.“
Guðfinnur: „Það má segja að
hver einasti íbúi Hnífsdals vinni
að sjávarútveginum og þess
vegna er stórt atriði, í sambandi
við bryggjuna, að fá viðunn-
andi lausn þar á.“
Guðmundur: „Það má reikna
með að kostnaður við endurbygg
ingu hafnarinnar þurfi að verða
um 10—12 milljónir. Sá kostn-
aður myndi væntanlega nægja
til þess að gera höfnina viðunn-
andi og tryggja i næstu framtíð,
án þess þó að stækka hana
nokkuð".
Húsnæði í Miðbænum
4 herbergi, eldhús, bað og stór innri gangur til
leigu sem íbúð, skrifstofur .teiknistofur eða þess
háttar. Tilboð óskast send afgreiðslu blaðsins fyrir
laugardag merkt: „Húsnæði — 8132“.
atrix verndar.
fegrar
Guðfinnur: „Það er búið að
leggja miljónatugi í fjárfestingu
í frystihús, fiskimjölsverksmiðju
o.fl. til aðstöðu fyrir sjávarút-
veginn. Einnig er á Hnífsdal
rækjuverksmiðja og fiskverkun-
arstöð. Aðstaða er því góð til
vinnslu sjávarafurða".
— Hvað eru margir bátar
gerðir út frá Hnífsdal?
Guðmundur: „Það eru 4bát-
ar frá 60—264 tonn að stærð.
Þessir bátar eru gerðir út frá
Hnífsdal, en stunda einnig veið-
ar annarsstaðar við landið".
— Eru skólamál í góðu gengi?
Guðmundur: Já, í fyrsta
sinn í vetur hefur verið starf-
andi unglingadeild fyrir skyldu
námið og er sú deild í sambandi
við barnaskólann“.
— Hvað um aðstöðu fyrir fé-
lagsstarf? ■'
Guðmundur: „Eyrarhreppur er
tvískiptur, í kauptúnið, Hnífsdal
og sveitabæina fyrir botni Skut-
ulsfjarðar. M.a. þess vegna þarf
gð reka tvo barnaskóla á vegum
hreppsins og vegna þessarar
skiptingar má segja að það sé
erfitt að reka hvers konar fé-
lagsstarfsemi".
— Nú er í byggingu félags-
heimili í Hnífsdal.
Guðfinnur: „Já, það er í bygg-
ingu stórt félagsheimili, sem bú-
ið er að taka í notkun að nokkru
leyti."
Guðmundur: „Það var fyrst
tekið í notkun í september 1965
og hefur verið starfrækt að
hluta síðan. Heimilið rúmar 150
manns í sæti í aðalsal og t.d.
leiksvið er áætlað mjög gott. Að-
staða fyrir hreppinn í heild
verður því mjög góð fyrir fé-
lagsstarfsemi, þegar hægt verð-
ur að ljúka byggingunni. Til
iukningar byggingunni skortir
fé að upphæð sem nemur um
1,5 milljónir, en það er nálega
það sama og félagsheimilasjóður
skuldar okkur.“
Guðfinnur: ,,í þessu sambandi
virðist enga lausn að fá hjá fé-
lagsheimilasjóði í næstu bráð“.
Guðmundur: „Það eru ýmsar
aðrar framkvæmdir, sem við höf
um unnið að á síðustu árum. M.a.
algjör endurbygging á vatns-
veitukerfi fyrir Hnífsdalskaup
stað í heild.“
Guðfinnur: „Við höfum álitið
að þessi endurbygging sé algjör-
lega undirstaða fyrir rekstri
fiskvinnsluhúsanna."
— Nú hefur verið rætt um
sameiningu Hnífsdals við ísa-
fjörð.
Guðmundur: „Sameining
hreppsins og kaupstaðurinn er
á umræðustigi, en engu er hægt
að spá fyrir um lausn þessa
máls.“
Guðfinnur: „Það verður að í-
huga þetta mál vandlega og
skoða niður í kjöþnn áður en
nokkur ákvörðun verður tekin“.
Guðmundur: „Hins vegar þarf
að leggja áherzlu á það að fólki
er ekkert illa við að ræða sam-
eininguna“.
— Er vegakerfi jyið hreppinn
fullnægjandi?
Guðfinnur: „Vegakerfið er
raunverulega ónýtt, vegna þess
að vegurinn er úr sér genginn.
Þetta er mjög bagalegt m.a.
vegna þess að umferð á milli
Hnífsdals og Isafjarðar er mjög
mikil dags daglega".
Guðmundur: „Hreyfing vinnu-
aflsins er mikil á milli Hnífs-
dals og ísafjarðar og margir
Hnífsdælingar vinna á ísafirði
og ísfirðingar svo aftur í Hnífs-
dal. Það þarf að endurbyggja
veginn, það er brýn nauðsyn og
aðkallandi verkefni."
— Það eru sem sagt nóg verk-
efni til uppbyggingar hjá ykk-
ur?
Guðmundur: Þrátt fyrir þessi
óleystu verkefni eru Hnífsdæl-
ingar bjartsýnir á framtíðina og
una vel hag sínum, enda vinna
og afrakstur með ágætum. Okk-
ur vantar bara fleira fólk.“
Guðmundur H. Ingólfsson hreppsnefndarmaður er hægra megin
og Guðfinnur Magnússon sveitarstjóri við hlið hans.