Morgunblaðið - 12.06.1977, Blaðsíða 29
MORGUNBLAÐIÐ, SUNNUDAGUR 12. JUNÍ 1977
29
ERU nokkrir kaflar I Gamla testamentinu, þar sem er að finna
fyrirheit um ódauðleika, upprisu og lff að loknu þessu lffi?
í Jesaja 25, 8' eru orðin, sem Páll vitnar til í 1.
Korintubr. 15, 54; þar segir: „Hann mun afmá
dauðann að eilífu“. Svo er ritað í Jes. 25, 19: „Menn
þínir, sem dánir eru, skulu lifna, líkin mín rísa upp;
vaknið og hefjið fagnaðarsöng, þér, sem búið í
duftinu".
í Daníelsbók 12, 2 er talað um upprisu hinna
réttlátu til „eilífs lifs“. Hjá Hósea spámanni segir:
„Ætti ég að frelsa þá frá Heljar valdi, leysa þá frá
dauða? (Ensk þýðing: Ég mun frelsa þá frá valdi
grafarinnar, leysa þá frá dauða.) Hvar eru drepsótt-
ir þínar, dauði, hvar sýki þín, Hel?“
Skilningur grískra heimspekinga á ódauðleika er
allt annar en skilningur Hebrea á upprisunni. Grikk-
ir höfðu i huga áframhald, en Páll postuli leiðir
okkur fyrir sjónir i 1. Kor. 15, 51—54, að hinir
réttlátu og endurleystu menn allra alda horfðu fram
til ódauðleika, sem var staðfestur í upprisunni. Þetta
felur í sér dauða og upprisu til lífs, eins og Kristur
staðfesti og tryggði á fyrsta páskadag.
HaUfríður Guðrún Guð-
mundsdóttir - Mnning
Hinn 8. maí lézt hér i borg
Hallfríður Guðrún Guðmunds-
dóttir, húsfreyja að Hringbraut
86. Strandamanneskja var hún að
ætt og uppruna. í Ófeigsfirði i
Árneshreppi fæddist hún 28. júli
1893. Foreldrar hennar voru Guð-
mundur bóndi Pétursson Magnús-
sonar Guðmundssonar bónda á
Finnbogastöðum og seinni kona
hans Sigrún Ásgeirsdóttir
Siguróssonar á Heydalsá við
Steingrimsfjörð, en kona hans og
móðir Sigrúnar var Guðrún Sak-
ariasdóttir systir Guðlaugar konu
Torfa í Ölafsdal.
Hallfríður var 8 ára þegar móð-
ir hennar lézt af barnsförum, 33
ára gömul. Af 16 börnum Guð-
mundar í Ófeigsfirði eru nú lif-
andi aðeins 2 bræður, Guðmund-
ur og Böðvar.
í föðurgarði komst Hallfríður
snemma til góðs þroska. Innan
fermingaraldurs gerðist hún ráðs-
kona hjá föður sínum í Norður-
firði. Þar hafði hinn mikli búhöld-
ur og sjósóknari gengizt fyrir
stofnun kaupfélags um sl. alda-
mót og veitti því forstöðu um
margra ára skeió. Hallfriður fór
17 ára til Reykjavíkur, lærði þar
að sauma og var jafnframt i
kvöldskóla. í Reykjavik giftist
hún 14. mai 1914 Sturlaugi Sig-
urðssyni, ættuðum úr Sauðeyjum
á*Breiðafirði. Formaður hafði
hann verið á bát, sem Kaupfélag-
ið i Norðurfirði átti og var gerður
út þaðan. Fyrst stofnuðu þau
heimili í Reykjavík, en settust síð-
an að á ísafirði. Þar áttu þau
heima næstu 14—15 árin. Frá ísa-
firði sótti Sturlaugur sjó, en árið
1919 slasaðist hann alvarlega.
Lengi átti hann í þeim meiðslum.
Kom sér vel að lífsförunaut hafði
hann eignazt, er stóð honum trútt
við hlið, æðruiaus og uppörvandi,
kunni vel til verka og hlífði sér
hvergi. Þrjú voru börn þeirra þá
fædd og öll mjög ung. Með prýði
sá Hallfriður um þau og hjúkraði
eiginmanninum. Tíðum var þá-
vinnudagur hennar býsna langur
meðan hún var bæði húsfreyja og
fyrirvinna heimilisins. Orðlögð
var hún fyrir sinn ágæta sauma-
skap og við þá iðju sína mun hún
ósjaldan i þennan tíma og raunar
oft á ævinni hafa „aukið degi í
æviþátt, aðrir þegar stóðu á fæt-
ur“, svo sem skáldið kvað, er orti
ljóð sín er aðrir sváfu. Sturlaugur
náði aftur bærilegri heilsu og
stundaði sjó eftir það um árabil,
aðallega sem vélstjóri. Hingað til
Reykjavíkur fluttist fjölskyldan
1929 og átti hér heima upp frá
því. Sturlaugur vann hér við
skipasmíði til hárrar elli. Þeim
hjónum varð 8 barna auðið og eru
þau þessi: Sigrún, HrólfurT bú-
settur á Akureyri, kvæntur
Sigríði Ólafsdóttur, Þorbjörg, gift
Stefáni Ólsen, Sigríður, gift
William C. Kester í New Jersey,
USA, Ása, ekkja Hafsteins E.
Gislasonar, Anna Soffía, ekkja
John Ackerman, New Jersey,
Hjördis, gift Reyni Jóhannessyni
og Edda. Hallfriður átti 16 barna-
börn og 11 barnabarnabörn, svo
að 35 eru afkomendur, allir á lífi.
Hið ríka móðurþel hennar breidd-
ist yfir hópinn jafnótt og hann
stækkaði og ekki síður til þeirra
er í fjarlægð dvelja.
Hallfríður var mikil húsfreyja
og eftirminnileg persóna, sem
sópaði að, sterk og heilbrigð til
sálar og líkama. Bjartsýn var hún,
kjarkmikil og úrræðagóð, aldrei
með vol né vil, kvíða eða armæðu,
á hverju sem gekk. Hispurslaust
sagði hún meiningu sna við hvern
sem var. Táp var henni eflaust i
blóð borið, en hitt má líka full-
yrða, að sú trú, er henni var inn-
rætt við móðurkné og liklega ekki
síður föður, hafi aukið henni
styrk, þótt ekki hefði húr^. hana
oft á vörum. Föður sinn dáði hún
mikið, enda varð hann henni þeg-
ar.á unga aldri bæði faðir og
móðir. Þótt segja megi um Hall-
friði, að hún hafi verið kona, sem
helgaði heimili, manni og börnum
krafta sina, þá var siður en svo, að
hún sæi ekkert nema eigin fjöl-
skyldu og ættingja. Hún mátti
þvert á móti ekkert svo aumt sjá,
að hún reyndi ekki eitthvað úr að
bæta. Gestrisni hennar var slik að
dómi þeirra, er vel til þekkja, að
líkja mátti henni við rausnarkon-
urnar fornu, er sagnir herma að
byggt hafi skála sinn um þjóð-
braut þvera. Húsakynni Hallfrið-
ar voru alltaf þröng, ekki sízt í
samanburði við það, sem nú er
furðu víða. En bar var samt eng-
inn kotungsbragur á hlutunum,
því að þar réði húsum kona með
stórt hjarta — sannur höfðingi i
lund. Þess vegna varð litla 3 her-
bergja íbúðin að skála eða höil,
sem kunningjar norðan af Strönd-
um og víðar að fengu gistingu
dögum og jafnvel vikum saman og
aldrei farið í manngreinarálit,
heldur aðeins á þörfina litið. Þess
vegna var líka sagt, að hún sæist á
stundum lítt fyrir í hjálpsemi
sinni. Á heimili var sem henni
þætti hún sjálf yrði að gera þar
flest sem gera þurfti. Hún vildi
heldur þjóna en vera þjónað —
þótti sælla að gefa en þiggja. Og
með því að sjálfsbjargarhvötin lét
sig ekki meðan hún gat lífsanda
dregið, var það mikil likn að
aldrei varð hún svo ellihrum að
algjör öryrki yrði hún. Þann 19.
sept. 1975 missti Hallfríður mann
sinn eftir 61 árs sambúð. Eftir
það tók heilsu hennar að hraka.
Samur var samt einatt hugur
hennar og hjartaþel. Eitthvað
hafði hún fyrir stafni alla tíð unz
hún veiktist og varð að fara á
spítala, þar sem hún andaðist
eftir 10 daga legu. Hjartaprúður
kvenskörungur er með Hallfríði
genginn, sem allir er kynntust
munu minnast með þökkum og
ánægju.
Þorsteinn Biörnsson
Liklega einn sá besti
CHEVETTE
nytt útlit - nýr og betri bíll
Nýi smábíllinn frá GM er meistaralegt jafnvægi fjölskyldubíls og sportbíls. Mikið rými og þægindi,
mikió afl miðað við þunga, samfara ótrúlegri sparneytni. Snöggur, hljóðlátur, öruggur.
Hagstætt verð. Til afgreiðslu strax.
/S Véladeild
2% Sambandsins
VAUXHALL
BEDFORD
Armúla 3 Reykjavik Sími 38900