Morgunblaðið - 21.03.1978, Blaðsíða 45

MORGUNBLAÐIÐ, ÞRIÐJUDAGUR 21. MARZ 1978
45
VELVAKANDI
SVARAR j SÍMA
0100 KL. 10—11
FRÁ MÁNUDEGI
nóg að láta þessa „refsingu" búa
yfir þeim gerist þeir brotlegir við
hlutleysisreglur, en láta þá ekki
hverfa alveg í önnur störf á
meðan? Sumir eru líka við störf á
bak við tjöldin og koma raddir
þeirra fram. Þetta nefni ég aðeins
sem dæmi en ekki til að ráðast
neitt á en eigi að síður verð ég að
segja að mér finnast þessar reglur
nokkuð undarlegar, enda veit ég
e.t.v. ekki hversu langt þær ganga,
eða hvernig þær eru í smáatriðum.
En. eiga þá menn ekki að hverfa
alveg, eða alls ekki neitt? Um það
finnst mér að megi spyrja.
Þetta bréf er ekki skrifað vegna
þess að ég sé á þeirri skoðun að
einhver, sem hefur verið settur til
hliðar í bili, skuli eiga að koma
aftur, (því auðvitað á eitt yfir
þessa menn að ganga), en benda á
eins og ég sagði áðan að mér
finnast þessar reglur ekki nógu
góðar og ég endurtek það einnig að
mér finnst að þetta eigi aðeins að
vera notað í refsingarskyni, ef
einhver er álitinn hafa brotið af
sér. Að öðru leyti treysti ég þessu
fólki alveg til að koma fram, það
bara vill svo til að þeir gegna
þessum störfum, og það er varla
hægt að taka þau af þeim. Þetta
eru hæfir menn í sínu starfi og það
gæti e.t.v. einhvern tíma reynst
erfitt að fá menn í þeirra stað í
nokkra mánuði.
Einn utan við stjórnmál.“
• Tæknilegir
gallar
„Það hefur allmikið verið
kvartað í lesendadálkum dagblaða
undan því að spurningakeppni
sjónvarpsins, menntaskólar
mætast, sé eitthvað gölluð. Ég vil
leyfa mér að segja mitt álit á
þessum þáttum, en það er, að mér
finnast þeir bara mjög skemmti-
legir og gaman að sjá hvernig
nemendur geta svarað þeim spurn-
ingum, sem kennararnir standa
e.t.v. á gati með. Þar geta þeir
skotið þeim aftur fyrir sig og e.t.v'.
„hefnt sín á þeim“, án þess að ég
sé að leggja það beinlínis til, enda
er þetta allt í gamni gert og
kennararnir standa sig vissulega
vel, og hvernig hefði útkoman
verið ef þeirra hefði ekki notið við.
En allt þetta röfl um þáttinn
finnst mér ómaklegt, auðvitað eru
á þættinum vissir gallar, tækni-
legs eðlis að mestu og ekki er
þarna allt þaulvant sjónvarpsfólk,
sem kemur fram, en það er
virðingarvert af sjónvarpinu að
gefa fleirum tækifæri, fleirum, að
spreyta sig og þannig má e.t.v.
finna fleiri sem eru verulega góðir
sjónvarpsmenn. Ég skil því ekki
allt þetta mikla og oft dónalega
málæði út af þessum þætti. Ef
mönnum finnst hann gallaður þá
það og þeir geta bara sætt sig við
að gert verði betur næst að þeirra
áliti.
Sjónvarpsáhorfandi.“
Þessír hringdu . . .
• Þakkar
spurningaþátt
Konat
— Mig langar aðeins til að
þakka útvarpinu fyrir þann ágæta
þátt, sem er á sunnudagsmorgn-
um, spurningaþáttinn hans Jónas-
ar Jónassonar. Það er mjög
upplífgandi að fá svona þátt á
morgnana og ég vona bara að hann
verði sem lengst á dagskránni, það
eru áreiðanlega mjög margir sem
hafa af honum mikið gagn og
gaman einnig. Þetta er alveg
kjörið útvarpsefni og er sífellt
vinsælt.
Ekki voru orð konunnar öllu
fleiri, en hér fara á eftir orð
annars útvárpshlustanda sem
segist gjarnan vilja fá meira af
skemmtiefni í útvarpið.
• Skemmtiþátt
vantar
Útvarpshlustandii
— Undanfarin ár hefur út-
varpið oft haft ýmsa skemmti-
þætti á dagskrá sinni og væri
gaman að fá að vita hvers vegna
minna er um slíka þætti nú en svo
oft áður. Ég minnist þátta er voru
yfirleitt á sunnudagskvöldum og
undir stjórn ýmissa manna, bæði
Jónasar Jónassonar, Svavars
Gests og fleiri. Mætti sjálfsagt
hafa þessa þætti í ýmsu formi,
vinsælast er sjálfsagt spurninga-
leikjaformið, a.m.k. minnist marg-
ur þátta Svavars sem voru í senn
spurninga- og skemmtiþættir.
Hann var góður stjórnandi, spurði
fólk skemmtilega og ég held, að
menn hafi þótt mjög eðlilegir í
framkomu hjá honum, hann hefur
náð að gera fólk óhrætt við að
koma fram. Þá voru alltaf alls
kyns leikþættir og annað efni á
milli spurninganna. Gaman væri
að fá fólk til að tjá sig um þetta
og spyrja hvort fleiri séu mér ekki
sammála um það, að vel mætti fá
Svavar aftur, hann er góður
útvarpsmaður og þó að vitanlega
eigi ekki að flagga sífellt með
sömu mennina hygg ég að fáum
leiðist að heyra í Svavari með
nokkurra ára rrlillibili með fasta
skemmtiþætti í útvarpinu.-En vera
. má að skýringin sé sú að hann hafi
ekki viljað gefa sig út í þetta.
• Erlend málefni
„Útlendingur“i
— Ég hef mikinn áhuga á að
fylgjast með erlendum málefnum
og finnst nauðsynlegt að vita
ýmislegt um það sem er að gerast
úti í hinum stóra heimi. Frétta-
flutningur fjölmiðla er yfirleitt
góður, reynt er að afla sem mestra
frétta og öðru hverju birtast !
greinar eða fréttaskýringar í
blöðum og ríkisfjölmiðlunum. Þó
finnst mér að óhætt væri að gera
meira af þessu í útvarpi. Mætti t.d.
endurvekja þáttinn Efst á baugi,
sem lengi gekk í útvarpi undir
stjórn margra ágætra manna. Mér
finnst fréttaauki kvöldfréttanna
góður, en hann hefur ekki rúm
fyrir allt sem þar gæti verið í
fréttum
HÖGNI HREKKVÍSI
Það stendur hér að verksmiðjurnar, sem framleiða
svona mýs, hafi fundið galla í þeim.
ðSKAGJÖFINfél^
VASAREIKNIVÉL

Hverfisgötu 33 Simi 20560
Stjórnunarfélag íslands
Viltu kanna arðsemi og/eða
þarftu að vinna að
áætlanagerð?
Stjórnunarfélag íslands
gengst fyrir námskeiði í
arðsemi og áætlanagerð í
samvinnu viö Hagvang hf.
dagana 30., 31. marz og 1.
apríl.
Á námskeiðinu verður fjallað
um:
1. Hagnaðarmarkmið
2. Framlegð
3. Arðsemisathuganir
4. Verðmyndun og verðlagningu
5. Framlegðarútreikninga i eim
stökum atvinnugreinum
6. Bókhald og ársuppgjör sem
stjórntæki
7. Áætlanagerð
8. Eftirlit.
Á námskeiðinu er lögð áhersla á raunhæf dæmi úr islensku athafnalifi.
Námskeiðið er ætlað stjórnendum fyrirtækja bæði i fjármála- og
framleiðslustjórn (framkvæmdastjórum, skrifstofustjórum, framleiðslu-
stjórum, verkstjórum o.fl ), ennfremur stjórnendum stofnana og öðrum
áhugamönnum um rekstur fyrirtækja. I flutningi námskeiðsins er lögð
áhersla á hópvinnu.
Leiðbeinandi verður Eggert Ágúst Sverrisson viðskiptafræðingur.
Allar nánari upplýsingar veitir skrifstofa SFI að Skipholti 37, simi
82930 og þar fer einnig fram skráning þátttakenda.
Stjórnunarfélag íslands.