Morgunblaðið - 30.05.1979, Blaðsíða 19

MORGUNBLAÐIÐ, MIÐVIKUDAGUR 30. MAÍ1979
19
GeorKe Kennedy (lengst til vinstri) og Charlton Heston (lengst til
hægri) í hlutverkum sínum í kvikmyndinni „Jarðskjálftinn“.
„ Jarðskjálftinn ’ á
ný í Laugarásbíói
LAUGARÁSBÍÓ endursýnir nú
kvikmyndina „Jarðskjálftinn".
Myndin er nú sýnd í alhrifum
(Sensurround) en „Jarðskjálftinn"
er fyrsta myndin sem sýnd var í
alhrifum og fékk Oscarsverðlaun
fyrir hljómburð.
Framleiðandi myndarinnar er
Mark Robinson en kvikmynda-
handritið er eftir George Lang og
Mario Puzo. Stjórnandi mynda-
töku var Philip Lathrop en John
Williams sá um útsetningu tón-
listar. Með helstu hlutverkin fara
Charlton Heston, Ava Gardner,
George Kennedy og Lorne Green.
„Jarðskjálftinn" greinir frá
miklum jarðhræringum sem verða
í Kaliforníu og veldur miklum
skemmdum í Los Angeles. Jörðin
rifnar hvarvetna, vegir sundrast,
hyggingar hrynja, háspennumöst-
ur velta um koll og vitstola
hræðsla nær tökum á almenningi.
Þá hrynur Hollywood-stíflan svo
vatnsflaumurinn steypist yfir
Hollywood og sópar öllu á undan
sér.
Kosningar
í Verslunar-
mannafélagi
Suðurnesja
ÁKVEÐIÐ hefur verið að láta
fara fram allsherjaratkvæða-
greiðslu til stjórnar og trún-
aðamannaráðs V.S. þar sem
tveir listar hafa borist og fer
atkvæðagreiðslan fram 30. og
31. maí kl. 14 — 22 báða dagana.
A-listi, listi fráfarandi stjórn-
ar og trúnaðamannaráðs er
þannig skipaður: Aðalstjórn
Valur Margeirsson formaður,
Matti 0. Ásbjörnsson varafor-
maður, Árni Björgvinsson rit-
ari, Guðmundur Margeirsson
gjaldkeri, Kolbeinn Pálsson,
Birna Valdimarsdóttir og Sigur-
hans Sigurhansson meðstjórn-
endur. Varamenn í stjórn:
Gunnar Árnason, Guðfinnur
Sigurvinsson og Maríus Sigur-
jónsson.
B-listi borinn fram af Val-
garði Kristmundssyni, Magnúsi
Gíslasyni og fleirum er þannig
skipaður: Aðalstjórn Valgarður
Kristmundsson formaður,
Magnús Gíslason varaformaður,
Ingibjörg Elíasdóttir ritari,
Einar Júlíusson gjaldkeri,
Helga Albertsdóttir, Nicolai
Bjarnason, og Ásbjörn Eggerts-
son meðstjórnendur. Varamenn
í stjórn, Jóhannes Jensson, Þor-
steinn Þorsteinsson og Þórarinn
Pétursson.
Kosningin fer fram á skrif-
stofu Verslunarmannafélags
Suðurnesja að Hafnargötu 16.
Ævintýri Sin-
baðs sæfara
HVÍTASUNNUMYND Stjörnu-
bíós í ár verður bandariska ævin-
týramyndin Sinbad og tigrisaugað
(Sinbad and The Eye of The
Tiger). Framleiðendur myndar-
innar eru Charles H. Cchneer og
Ray Harryhausen en stjórnandi er
Sam Wanamaker. Handritið er
eftir Beverly Cross byggt á sögu
eftir hann sjálfan en tónlistin í
kvikmyndinni er eftir Roy Budd.
Með helstu hlutverkin fara
Patrick Wayne, Taryn Power,
Margaret Whiting og Jane
Seymour.
Myndin hefst er Sinbad sæfari
leggur skipi sínu í Charak-höfn en
þangað er hann kominn til þess að
kvænast Farah prinsessu. Hann
þarf leyfi bróður hennar Kassim
til að mega ganga að eiga hana en
Kassim á að taka við embætti
kalífa eftir föður sinn. Kassim
hefur ekki enn tekið við því
embætti þar sem hann er í álögum
og Sinbad fer á stúfana til að
bjarga málunum og lendir í ýms-
um ævintýrum.
Flókalundur mið-
stöð orlofssvæð-
is í Vatnsfirði
NOKKUR verkalýðsíélög, sem
reist hafa orlofsheimili f Vatns-
firði, hafa nýlega fest kaup á
Flókalundi á Barðaströnd —
segir í fréttatilkynningu frá
Alþýðusambandi Islands, sem
Morgunblaðinu barst f gær.
Félög þessi eru af Vestfjörðum, á
Akureyri og úr Reykjavík, og
keyptu þau eignina af Ferða-
málasjóði.
í Flókalundi verður framvegis
sem hingað til rekið hótel og
greiðasala, auk þess sem þar
verður þjónustumiðstöð fyrir
orlofssvæði verkalýðsfélaganna.
Mun Ferðaskrifstofa ríkisins sjá
um daglegan rekstur og þjónustu
þá, sem slíku fylgir. I sumar
verður slík starfræksla í Flóka-
lundi frá júnímánuði til loka
septembermánaðar.
I flókalundi eru 16 herbergi
ætluð til gistingar, samtals liðlega
30 rúm. Ákveðið hefur verið að
veita sérstakan 20% afslátt til
þeirra ferðamanna, sem panta og
greiða fyrirfram gistingu í Flóka-
lundi í þrjár nætur eða lengri
tíma. Þá hefur einnig verið ákveð-
ið að veita dvalargestum í orlofs-
heimilum í Vatnsfirði sérstakan
afslátt af veitingum í veitinga-
skálanum í Flókalundi.
I bígerð er að stofna hótelið í
Flókalundi sameignarfélag, sem í
eigi hlut öll þau verkalýðsfélög,
sem eiga eða koma til með að
eignast aðild að orlofssvæðinu í
Vatnsfirði.
Gerðardómur
flugmanna
fundar í dag
GERÐARDÓMUR í máli flug-
manna F.Í.A. og Flugleiða
kemur saman til fundar í dag.
Sagði Auður Þorbergsdóttir
formaður dómsins að fulltrúar
Félags ísl. atvinnuflugmanna
myndu leggja fram gögn í dag
og væri þá hugsanlegt að full-
trúar Flugleiða myndu óska
eftir fresti til að fjalla um þau.
Verslióisérverslunmeð ' j ___
UTASJÓNVÖRPog HLJÓMTÆKI 29800
VBÚÐIN Skipholti19
/