Morgunblaðið - 19.06.1979, Blaðsíða 19
MORGUNBLAÐIÐ, ÞRIÐJUDAGUR 19. JÚNÍ1979
19
Fulltrúar kirkju og veraldlegs valds undir regnhlífum sínum á Austurvelli að morgni þjóðhátíðardags.
(Ljósm. Ól. K. Mag.).
bar að garði, var það flugvél sem
flaug yfir hátíðarsvæðið og henti
niður sælgætis- og gjafapökkum
til barnanna.
Síðar um daginn var skemmti-
dagskrá í íþróttahúsinu við As-
garð. Meðal dagskráratriða þar
má nefna að Islenzki dansflokkur-
inn kom fram, Fimleikafélagið
Gerpla var með fimleikasýningu
skólakór Garðabæjar söng, leikar-
ar fluttu leikþátt og í lokin var
diskótekdans til kl. 20.00.
Á útisvæðinu voru skátar í
Garðabæ með tívolí, sem vakti
mikla ánægju yngri borgaranna.
Félagar úr Hestamannafélaginu
Andvara komu á reiðskjótum sín-
um inn á svæðið og teymdu undir
yngstu börnunum. íþróttafélagið
Stjarnan var með sölutjöld, Kven-
félagið sá um kaffisölu í Gagn-
fræðaskólanum og þar var einnig
sýning á myndum nemenda
Garðaskóla.
Kynnir á hátíðinni var Pálmar
Ólason. Lúðrasveit Reykjavíkur
lék fyrir göngunni og á hátíðar-
svæðinu.
Þátttaka í hátíðarhöldunum var
góð, íþróttahúsið Ásgarður var
þéttsetið. Mikið rigndi um
morguninn en í eftirmiðdaginn
rigndi lítið, þótt dumbungur væri
og nokkuð hvasst.
Regnhlífar settu meiri
svip á hátíðahöldin en
blöðrur og hvítir koUar
HÁTÍÐAHÖLD þjóðhátíðardagsins íóru í heild sinni vel fram víðast hvar um landið, en þó settu veðurguðirnir víða
strik í reikninginn. Á suðvesturhorninu rigndi meira og minna fram eftir degi og þar sem regnhlífar og regnföt
dugðu ekki til í vatnsflaumnum þurfti víða að flytja samkomuhaldið í hús.
Reykjavík
í REYKJAVÍK hófust hátíða-
höldin með því að lagður var
blómsveigur frá Reykvíkingum á
leiði Jóns Sigurðssonar í kirkju-
garðinum við Suðurgötu. Síðan
setti Jón H. Karlsson formaður
þjóðhátíðarnefndar hátíðina við
Austurvöll. Forseti íslands, dr.
Kristján Eldjárn, lagði blóm-
sveig að minnisvarða Jóns
Sigurðssonar og Ólafur
Jóhannesson forsætisráðherra
flutti ávarp, sem birt er annars
staðar í blaðinu. Karlakór
Reykjavíkur söng, Lúðrasveit
verkalýðsins lék og fjallkonan,
sem var að þessu sinni Tinna
Gunnlaugsdóttir, flutti ávarp. Þá
var guðsþjónusta í dómkirkj-
unni, prestur séra Hjalti Guð-
mundsson.
Síðdegis var mikið um að vera
fyrir yngri borgarana allt frá
klukkan 14—18. Tvær skrúðgöng-
ur voru, en ýmis dagskrá á Arnar-
hóli, í Laugardal, þar sem lands-
hiaupið hófst, í Nauthólsvík, á
Miklatúni og á Lækjartorgi. Um
kvöldið lék HLH-flokkurinn til
klukkan 23.30 í Austurstræti og
diskótek var á Lækjartorgi.
Að sögn lögreglunnar í Reykja-
vík bar nokkuð á ölvun, en þó
engan veginn eins mikið og oft
undanfarin ár. í heild sagði varð-
stjóri í lögreglunni að fyrirmynd-
arfólk hefði verið á ferðinni, en þó
eins og ævinlega, nokkrir óeirða-
seggir einnig. Mikið fjölmenni var
í miðbænum á sunnudagskvöldið
og langt fram á nótt. Þeir síðustu
hurfu ekki úr miðbænum fyrr en
undir morgun. Mjög gott veður
var er leið á kvöldið og alla
nóttina, en hins vegar úrhellis-
rigning mikinn hluta dagsins og
dró það nokkuð úr þátttöku um
miðjn daginn.
Stykkishólmur
Stykkishðlmi, 18. júni
VEGNA erfiðra veðurskilyrða
voru hátíðahöld 17. júní hér í
Stykkishólmi haldin í félagsheim-
ilinu. Lúðrasveit Stykkishólms lék
þar á milli atriða, séra Gísli
Kolbeins flutti guðsþjónustu,
ræðu dagsins hélt Helgi Árnason
kennari. Þá kom fjallkonan og
flutti ættjarðarljóð, ungar stúlkur
sungu og seinast voru fluttar
gamanvísur. Á íþróttavellinum
voru íþróttaleikir og knattspyrna,
þrátt fyrir að veður væri ekki gott,
og var það til nýlundu að við
fengum heimsókn af Valsmannin-
um kunna Inga Birni Albertssyni,
sem lék með unglingunum.
Um kvöldið var svo dansleikur
fyrir börn og fullorðna.
— Fréttaritari.
Akureyri
Akureyri, 18. júní
STÚDENTAR settu mikinn svip á
Akureyrarbæ á þjóðhátíðardaginn
í ár eins og jafnan áður, en
unglingar og yngstu borgararnir
lögðu einnig sitt til hátíðahald-
anna. Það voru skátar á Akureyri,
sem sáu um hátíðardagskrána að
þessu sinni og var hún að verulegu
leyti helguð barnaárinu.
Skemmtunin hófst á Ráðhús-
torginu og þar flutti Ármann Kr.
Einarsson hátíðarræðuna. Áfram
var haldið á íþróttavellinum, þar
sem margvísleg skemmtiatriði
fóru fram. Dansað var á Torginu
til klukkan eitt um nóttina, en
einnig var dansað í samkomuhús-
um bæjarins, en eldri stúdentar
héldu að venju hóf á Hótel KEA. í
heild var þjóðhátíðin með hefð-
bundnum hætti og fór í heild vel
fram. — Stefán.
Garðabær
í GARÐABÆ var þjóðhátíðardegi
fagnað með fjölbreyttri dagskrá.
Um morguninn voru íþróttir og
leikir barna á íþróttavellinum og
að því loknu fánahylling við
Garðakirkju, þar sem skátar
drógu fána að húni. Klukkan 11
var guðsþjónusta í Garðakirkju,
prestur var séra Bragi Friðriks-
son. Hátíðarræðu flutti Jón
Sveinsson forseti bæjarstjórnar.
Eftir hádegið hófust hátíðar-
höldin að nýju með því að safnast
var saman í skrúðgöngu og gengið
frá mótum Karlabrautar og Hofs-
staðabrautar að Flataskóla. Þar
hófst síðan útihátíð með því að
formaður þjóðhátíðarnefndar,
Matthías G. Pétursson , flutti
ávarp. Kristinn J. Sigurþórsson
flutti minni íslands og ávarp
Fjallkonunnar flutti Ragnheiður
Sigurðardóttir. Þá voru veitt verð-
laun til sigurvegara í barnahlaup-
um fyrr um daginn. Óvæntan gest
Selfoss
AÐ SÖGN lögreglunnar á Selfossi
fóru hátíðarhöldin á þjóðhátíðar-
daginn vel fram í bænum, en
úrhellisrigning setti þó strik í
reikningjnn. Aðalskemmtunin átti
að fara fram í Tryggvagarði eins
og venjulega, en vegna veðursins
varð að flytja hana í hið glæsilega
íþróttahús þeirra Selfyssinga.
Dansleikir voru um kvöldið fyrir
yngri og eldri og fóru þeir vel
fram. LÖgreglan þurfti ekki að
hafa afskipti af fólki vegna ölvun-
ar.
Keflavík
HÁTÍÐARHÖLDIN í Keflavík
fóru fram utanhúss um miðjan
daginn, en kvöldskemmtunina
varð að flytja inn í Félagsbíó
vegna úrkomunnar. Vegna veðurs-
ins var þátttaka með minna móti,
en hátíðahöldin fóru hið bezta
fram og þurfti lögreglan engin
afskipti að hafa af fólki.
Hafnarfjörður
GÓÐ þáttaka var í 17. júní
hátíðahöldunum í Hafnarfirði og
það jafnvel þó svo að flytja þyrfti
skemmtanirnar af svæðinu við
Tinna Gunnlaugsdóttir flutti
ávarp Fjallkonunnar í Reykjavík
að þessu sinni.
Hörðuvelli í íþróttahúsið við
Strandgötu. Þar var fullt út úr
dyrum, en húsið tekur drjúgt og
þeir komust að sem vildu, enda
„litla fólkið" i meirihluta á
skemmtuninni um miðjan daginn.
Um kvöldið var diskótek í íþrótta-
húsinu. Nokkuð bar á ölvun í
Hafnarfirði í gær, en þó ekki til
stórvandræða og sögðu lögreglu-
menn í Hafnarfirði að þeir væru
„bara ánægðir" með hvernig til
hefði tekizt að þessu sinni.
Njarðvík
Skátar létu úrkomuna ekki hafa áhrif á sig er þeir gengu fylktu liði í skrúða sínum í átt að Austurvelli og
héldu íslenzka fánanum hátt á loft. Lúðrasveit verkalýðsins blés af miklum móð við hátíðahöldin.
Njarðvík. 18. júní.
SAUTJÁNDA júní hátíðarhöldin í
Njarðvík hófust með messu í Ytri
Njarðvíkurkirkju. Síðan var geng-
ið í skrúðgöngu um bæinn að
hátíðasvæðinu við Stapa. Vegna
óhagstæðs veðurs var hætt við
útihátíðahöld en dagskráin flutt
inn í félagsheimilið. I tilefni
barnaárs flutti nemandi úr
grunnskóla Njarðvíkur, Sigríður
Pálína Arnardóttir, hátíðarræð-
una. Um kvöldið var svo fjöl-
skyldudansleikur í Stapa og mátti
þar sjá samtímis á dansgólfinu
alla aldursflokka frá sjö mánaða
til sjötugs.
Húsavík
Húsavik. 18. júní.
HÁTÍÐAHÖLDIN 17. júní hófust
í hinu bezta veðri og hélzt svo
allan daginn þó svo að fyrir sólu
drægi um nónbil. Messað var í
Húsavíkurkirkju klukkan 11 og
prédikaði séra Bjarni H. Jónsson,
en kirkjukórinn söng undir stjórn
Sigríðar Schiöth. Klukkan 14 var
safnast saman við félagsheimilið
og setti Freyr Bjarnason formað-
ur Völsungs hátíðina, en þjóðhá-
tíðarkórinn söng undir stjórn
Sigríðar Schiöth.
Hátíðarræðuna flutti Þormóður
Jónsson og ávarp fjallkonunnar
Svala Hermannsdóttir. Lúðrasveit
Húsavíkur lék undir stjórn Kat-
rínar Sigurðardóttur og Jóhannes
Einarsson flutti gamanmál. í
þetta skipti voru öll dagskrárat-
riðin heimaunnin og tel ég það til
fyrirmyndar.
Þegar hér var komið dagskránni
barst sorgarfregnin frá Húsavík-
urhöfða, sem sagt er frá annars
staðar í blaðinu, og þar með var
aflýst frekari hátíðahöldum.