Morgunblaðið - 16.09.1979, Blaðsíða 22

54
MORGUNBLAÐIÐ, SUNNUDAGUR 16. SEPTEMBER 1979
75 ára:
Karl Helgason fv. póst
og símstöðvarstjóri
Karl Helgason, þingvörður,
verður 75 ára í dag, sunnudaginn
16. september. Hann á rætur að
Gautsdal í Barðastrandarsýslu, en
þar bjuggu foreldrar hans. Ungur
hefur hann orðið að taka sér verk í
hönd, eir.s og tíðkaðist um börn á
stórum sveitaheimilum í þá daga.
Atorka og vinnugleði hlaut þó ekki
hnekki af þeim sökum, heldur jók
svo sem manndómur hans stóð til.
Þrátt fyrir háan aldur gegnir
hann enn fullu starfi, sem þing-
vörður.
Mestan hluta æfinnar þjónaði
hann sem stöðvarstjóri pósts- og
síma, fyrst á Blöndósi í 17 ár og
síðar 26 ár á Akranesi.
Karl var verslunarmaður á
Blöndósi er stöðvarstjórastarfið
losnaði. Hann hafði unnið sér gott
orð, var kunnugur öllu aðstæðum
Mímir
Þrír innritunardagar eftir
Samtalsflokkar hjá Englendingum.
Kvöldnámskeiö — síödegisnámskeiö.
Léttari þýzka. íslenzka fyrir útlendinga.
Franska. Spánska. ítalska. Noröurlandamálin.
ENSKUSKÓLI BARNANNA —
HJÁLPARDEILDIR UNGLINGA.
Einkaritaraskólinn
Símar 10004 og 11109 (kl. 1—7 e.h.).
Málaskólinn Mímir
Brautarholti 4.
jSPARID
• ORKUNA
nnnx
rafmagnsofnarnir nýta tvímælalaust orkuna betur en flestir
aðrir hitagjafar, þar sem um beina hitun er að ræða.
Elektróniskur hitastillir (termostat) stjórar hárnákvæmt réttu
hitastigi
Yfir 20 mismunandi stærðir á lager.
3ja ára ábyrgð — áratuga reynsla hérlendis.
Fullnægja öllum reglum Raffangaprófunar Rafmagnsv. ríkisins.
íslenskur leiðarvísir.
Þægilegur hiti, þurrka ekki loft.
HAGSTŒTT VERÐ-GREIÐSIUK3ÖR
SKR1F1D EFTIR MYNDfl & VERDLISTA
EF EINAR FARESTVEIT & CO. HF. « BERGSTAÐASTRATI I0A - SlMI 16995

og var því hvattur til að taka að
sér stöðvarstjóra starfið.
Símastöðin á Blönduósi var í
þjóðbraut og miðdepill
samgangna í héraðinu. Þar
mættist fólk, ýmist á suður- eða
norðurleið. Þangað komu því
margir á öllum árstíðum,
kunnugir og ókunnugir, úr öllum
áttum.
Margir áttu í ýmiskonar erfið-
leikum og margra vanda varð að
leysa. Það var þá oft leitað til
Karls. Hann var líklegastur til að
þekkja lausnarorðið — hvort
heldur var innan hans verka-
hrings eða alls óskvld vandamál,
sem þurfti að leysa. Þá var ekki
spurt um það hvort vinnuvikan
væri 36 stundir eða 72, en oft varð
hún þó mun lengri.
Þá, eins og oft endranær, kom
sér vel að eiga sér við hlið
samhenta, trausta, raungóða og
kjarkmikla konu. Ásta Sighvats,
kona Karls, brást hvergi þrátt
fyrir mjög mikla ánauð á heimili
þeirra, sem oft var undirlagt af
þjökuðu og hröktu ferðafólki, er
hreppt hafði storma, bylji og
frosthörkur í erfiðum vetrarferð-
um. Dyr þeirra Ástu og Karls
stóðu opnar öllum er á aðstoð
þurftu að halda. Slík fyrirgreiðsla
er sjaldan launuð, enda ekki til
þess ætlast — stundum ekki
þökkuð. Ég held því að Karl hafi
ekki átt gilda sjóði er hann flutti
suður til Akraness. En á sumar-
ferð þar nyrðra, með þeim
hjónum, fékk ég staðfestingu fyrir
þeim miklu vinsældum, er ég hafði
heyrt að þau hefðu notið, er þau
störfuðu á Blönduósi. Það var eins
og Húnvetningar ættu í þeim
hvert bein hlýjan, vinarhótin og
móttökurnar urðu ekki misskild-
ar.
Ef skráð hefði verið saga Karls
og símans á Blönduósi þau 17 ár,
er hann starfaði þar, hefði það
orðið mikill og merkur þáttur í
héraðssögu þess tíma.
Á þessum árum átti Karl einnig
þátt í sköpun annarrar sögu. Með
tveimur nágranna stöðvarstjór-
um, þeim Þórði á Hvammstanga
og Hjálmari á Hólmavík, lagði
hann grunninn að félagi stöðvar-
stjóra. Karl var einn af hvata-
mönnum og skipuleggjari þeirra
samtaka. Ásamt Andrési G. Þor-
mar, aðalgjaldkera sem þá var
formaður FIS., heimsótti hann
nær allar símstöðvar á landinu.
Þeir kynntu sér laun, vinnu-
aðstöðu og annað er máli skipti
fyrir starfsfólkið og rekstur stöðv-
anna að öðru leyti. Varla var völ á
heppilegri mönnum til þessa
erindisreksturs. Þetta var erfitt
verk og aðstæður slæmar, en
öllum tálmunum var rutt úr vegi
og samtökin urðu að veruleika, til
hagsbóta og heilla fyrir stöðvar-
stjóra. Síðan átti Stöðvarstjóra-
félagið mikinn þátt í kjarabótum
og bættu skipulagi fyrir annað
starfsfólk stöðvanna, sem lengi
var ófélagsbundið en er nú allt í
Félagi ísl. símamanna (FIS).
Þegar Karl fluttist til Akraness
var þar allt önnur aðstaða og
þjóðfélagshættir breyttir frá því
er áður var. En þar beið hans
mikið uppbyggingarstarf í póst-
og símaþjónustu. Staðurinn var í
hröðum vexti, fólksfjölgun mikil
og margháttaðar athafnir í blóma.
Stöðvarhús pósts- og síma
reyndist fljótlega of lítið og síma-
kerfið í bænum ófullnægjandi.
Það var því að hefja baráttu fyrir
úrbótum og þeim verulegum.
Myndarlegt stöðvarhús reis af
grunni, línukerfi um götur bæjar-
ins var komið í jörð og stóraukið
og sjálfvirkri stöð var komið upp.
Þegar svo Karl hætti störfum á
Akranesi var stöðin þar orðin með
allra stærstu stöðvum á landinu.
Karl er mikill
félagshyggjumaður. Hann var
alltaf í fararbroddi í baráttu fyrir
bættum kjörum símafólks í dreif-
býlinu og ýms önnur félagsleg
málefni nutu góðs af starfshæfni
hans og áhuga.
Það munu því margir hugsa til
Karls með þakklæti og hlýju í
huga við þessi merku tímamót.
Undirritaður þakkar honum
fyrir frábært samstarf á liðnum
árum og vináttu frá fyrstu
kynnum.
Karl og kona hans verða fjar-
verandi þennan dag.
Jón Tómasson.
MYNDAMÓTA
Aó«ilstr;»;ti 6 simi 25810
Link-samsetningar koma frá Noregi og bjóða uppá marga möguleika, fyrir
alia fjölskylduna.
Þú getur gert fjölmargt sem heimiiið þarfnast með Link-samsetningu.
Á einu kvöldi getur þú með einföldum verkfærum komið þér upp
bókaskáp, klæðaskáp, rúmi, skrifborði o.fl. o.fl.
Það er engin þörf á smiðshæfileikum, það eru allir smiðir sem smíða sér
húsgögn með norsku Link-samsetningunni, og þar að auki er sparnaðurinn
otrúlegur.
Norsku Link-samsetningarnar fást hjá.
1‘ÉTUR SNÆLAND H.F.. Síðumúla 34.105 Reykjavík. Símar 84131 og 84161.
Einkaumboð á íslandi MJÖLNIR HEILDVERZLUN H.F., Síðumúla 33, 105 Reykjavík. Sími 84255.
Hvernig væri að byggja
sín húsgögn sjálfur á ódýran
einfaldan hátt?