Morgunblaðið - 02.02.1980, Blaðsíða 35

MORGUNBLAÐIÐ, LAUGARDAGUR 2. FEBRÚAR 1980
35
Björn Guðmundsson
Akranesi — Minning
Fæddur 25. septemher 1903
Dáinn 29. janúar 1980
Foreldrar Björns voru hjónin
Ragnheiður Halldórsdóttir og
Guðmundur Guðmundsson og
voru þau á Drangsnesi, þar sem
Björn fæddist til 1914, er þau
kaupa hálfa bújörðina Bæ á
Selströnd. Þar elst Björn upp.
Hann var mikið gefinn fyrir
bókina, eins og þátíðarfólk sagði
um fólk sem þráði að læra. Hann
lauk námi frá búnaðarskólanum á
Hólum 1923.
Eftirlifandi konu sinni kynntist
Björn á Hólum, Sigrúnu E.
Björnsdóttur frá Göngustaðakoti í
Svarfaðardal. 1926 giftast þau, og
fara að búa í Göngustaðakoti.
Þaðan flytjast þau að Bæ á
Selströnd og búa þar í ellefu ár og
eignast þau hjón sjö börn. Nokkr-
um mánuðum eftir að þau flytjast
að Bæ verða þau hjónin fyrir þeim
mikla harmi að missa elsta son
sinn á voveiflegan hátt og mun
það sár hafa haft djúp áhrif á þau
hjón. Eftir lifa sex börn þeirra
hjóna, dugmikið fólk, sem öll eru
gift og eiga börn.
Björn er sá fjórði af níu bræðr-
um sem ég kveð hér hinstu kveðju.
Þegar hugurinn reikar um liðna
tíð, þá kemur svo margt í hugann.
Eitt áttum við öll sameiginlegt,
það var hin mikla og erfiða
barátta til að sjá sér og sínum
farborða. Þó hugurinn hefði stefnt
á hærra svið, þá varð það að lúta í
lægra haldi vegna brauðstritsins.
Björn var miklum gáfum gæddur,
gott skáld meðal annars og hans
fagra söngrödd hefði ekki hljómað
síður í fjölmiðlum nútímans en
sumra annarra. En enginn heyrði
hann harma það að runnið hefðu
út í sandinn þeir hæfileikar, sem
ég og fleiri vissum að hann átti.
Eftir að þau hjónin flytjast að
Bæ varð fleiru að sinna en bú-
skapnum þar var sjórinn stund-
aður líka, bæði haust og vor. Frá
Bæ flytjast þau hjón að Drangs-
nesi í hús sem Björn byggði
sjálfur, því þar var þá mikil
atvinna, nógur fiskur og síld og
þar sem lengi vantaði frystihús,
þurfti mikinn mannskap til að
gera fiskinum til góða. Sérstak-
lega man ég eftir aflasælu sumri,
þá var oft erfitt að fá menn til að
vinna í landi. Þá var Björn hjá
manninum mínum um tíma. Þá
þurfti oft að leggja nótt við dag,
og þá var ekki borgað tímakaup og
allt kapp lagt á að bjarga fiskin-
um frá skemmdum. Þegar menn
fóru að þreytast og syfja, hóf
Björn bróðir upp raust sína og
sagði skrítlur eða fór með gam-
anvísur þar til aðrir hrifust með
og gleymdu svefni og þreytu í bili.
Arið 1955 flytjast þau hjón á
Akranes í eigið húsnæði. Björn
var smiður góður og vann að
smíðum meðan honum entist þrek
til. Hann kunni til allra verka eins
og þeir tímar kröfðu, sem nú er að
renna sitt skeið. Síðari ár hafði
hann yndi af að ganga fjörur í leit
að fallegum kuðungum og skelj-
um, með þeim skreytti hann fá-
séða hluti svo úr varð hreinasta
listaverk. Nú er hans haghönd
stirðnuð.
Ég þakka mínum kæra bróður
hans bróðurlegu hlýju sem hann
var svo ríkur af í garð allra. Hjá
þeim hjónum hef ég átt góðar og
glaðar stundir. Ég þakka Sigrúnu
minni traust hennar og hlýju sem
hún veitti honum í sambúðinni.
Guð blessi hana og alla þeirra
niðja.
Minn kæri bróðir var hvíldar
þurfi, Drottinn gaf, Drottinn tók,
lofað veri nafn hans.
Friður Guðs hann blessi.
Þuríður Guðmundsdóttir frá
bæ.
Björn bróðir minn er látinn. Mig
langar til að senda honum nokkur
kveðjuorð, en vart mun nokkur
systir hafa átt betri bróður.
Fyrir 50 árum, er hann og kona
hans, Sigrún Björnsdóttir, voru að
byrja búskap, þar sem ekki var
ríkidæmi fyrir að fara frekar en
hjá svo mörgum, reyndi og þá á
hjartahlýjuna sem ætíð var nóg af
á heimili þeirra. Húsaskjóli skutu
þau yfir mig og börn mín og
vorum við í heimili þeirra í
rúmlega ár samfleytt, vegna
heilsuleysis heimilisföðurins. Þau
Björn og Sigrún höfðu þó áður
verið mér mikil hjálparhella. Og á
heimili þeirra fæddist fyrsta barn
mitt. Vináttu Björns bróður míns
og hjálpsemi hans mun ég aldrei
geta fullþakkað né gleymt.
Nú er hann hefur horfið af
þessu tilverusviði eftir miklar
þjáningar án þess að kveinka sér,
sjáanlega, mun hvíldin vera hon-
um kær. Á sólarlandinu munu
fagna honum ástvinir sem á und-
an eru farnir. Ég vil kveðja Björn
bróður minn með því að vitna í
Davíðssálm:
Drottinn er minn hirdir, mig mun
ekkert bresta.
Á grænum Krundum lætur hann mig
hvílast.
leiðir miíf að vötnum. þar sem ég má
nædis njóta.
Ilann hressir sál mína.
leiöir mÍK um rétta vegu fyrir sakir
nafns síns.
Jafnvei þótt é« fari um dimman dal.
óttast ég ekkert illt. því ad þú ert
hjá mér,
sproti þinn og stafur hugga mig.
bú býr mér borð frammi fyrir fjendum
mínum;
þú smyr höfuð mitt með olíu;
bikar minn er harmafullur.
Já. gæfa og náð fylgja mér alla ævidaga
mína,
og í húsi Drottins bý ég langa ævi.
Við sem eftir stöndum á strönd-
inni skyldum minnast þess jafnan
að sýna hvert öðru vinsemd og
.velvilja því enginn veit daginn eða
stundina og á morgun getur það
verið of seint.
Vort líf er oft svo örðug för
og andar kalt i fang
og margur viti villuljós
og veikum þungt um gang.
En Kristur segir: Kom til mín
og krossinn tekur vegna þín.
Ilann Ijær þér bjarta sólarsýn
þótt ftyrti um jarðarvang.
(K.E.)
Ágústa Guðmundsdóttir
Sjgurgeir Borgfjörð
Ásbjörnsson — Kveðja
Föstudaginn 1. febrúar var til
moldar borinn vinur minn Sigur-
geir Borgfjörð Ásbjörnsson.
Ég segi vinur minn þótt við
höfum ekki þekkst nema þann
hálfa mánuð sem við vorum stofu-
félagar á Bronton-sjúkrahúsinu í
London. Þótt kynni okkar væru
ekki lengri en þetta urðum við
mjög nánir vinir og aldrei hef ég
kynnst eins heilsteyptum og góð-
um dreng.
Það fer ekki hjá því þegar tveir
íslendingar verða stofufélagar á
erlendu sjúkrahúsi, þá ber ýmis-
legt atgóma. Við ræddum margt,
allt frá stjórnmálum til einka-
mála, og kenndi hann mér að líta
ýmislegt öðrum augum en ég hafði
áður gert og þannig víkkaði hann
sjóndeildarhring minn mikið og
alltaf reyndi hann að færa allt til
betri vegar. Ég minnist þess með
þakklæti hvernig hann vakti yfir
hverri minni hreyfingu þegar ég
var veikastur og þykir mér slæmt
að hafa á engan hátt getað
endurgoldið honum það. Einnig
minnist ég glaðlyndis hans og
spaugsemi þótt hann grunaði
hvert stefndi. Ég tel mig mun
ríkari mann eftir að hafa kynnst
þvílíkri hetju. Við kvöddumst á
sextugsafmæli hans og vonaði ég
að það yrði ekki síðasta kveðjan
okkar, en við mennirnir ráðgerum
en sá er okkur æðri sem ræður.
Ég bið Guð að styðja og styrkja
konu hans, börn og ástvini alla.
Ingvi Þór Einarsson
Landssambönd KFUM og K
á Norðurlöndunum með
ráðstefnu í Reykjavík
NÚ stendur yfir í Reykjavik
ráðstefna formanna og fram-
kvæmdastjóra landssambanda
KFUM og KFUK á Norðurlönd-
um. Slíkar ráðstefnur eru hald-
nar árlega til skiptis í löndunum,
en er nú í fyrsta sinn haldin
hérlendis.
Um 20 fulltrúar sækja ráðstefn-
una, sem haldin verður á Hótel
Loftleiðum og í húsi Kristilegs
félags ungra manna og kvenna við
Amtmannsstíg. Auk venjulegra
fundarstarfa verður lögð áhersla á
að gefa erlendu fulltrúunum tæki-
færi til að kynnast landi og þjóð,
og starfi K.F.U.M. og K. hérlendis.
Meðal annars mun dr. Þórir Kr.
Þórðarson annast íslandskynn-
ingu laugardagskvöldið 2. febr. og
biskupinn, herra Sigurbjörn Ein-
arsson, mun kynna starf og sögu
íslensku kirkjunnar að aflokinni
guðsþjónustu í Laugarneskirkju á
sunnudag.
Á sunnudagskvöld taka erlendu
gestirnir þátt í almennri sam-
komu í húsi K.F.U.M. og K. við
Amtmannsstíg og þangað eru allir
velkomnir. Landssamband
K.F.U.M. og K. annast undirbún-
ing og framkvæmd ráðstefnunnar
hér.
Fréttatilk.
A
MITSUBISHI
Lmotors_
COLT er framhjóladrifinn.
COLT er sparneytinn (eyösla 7I./100 km.).
COLT er rúmgóður.
COLT er fáanlegur 3 og 5 dyra.
Sá besti frá JAPAN
Komiö, skoðiö og reynsluakið COLT1980 frá MITSUBISHI.
Varahluta og viðgerðarþjónusta Heklu hf. er landskunn.

Akureyrarumboð: Höldur sf. Tryggvabraut 14 Sími 96-21715.
IhllHEKLAHF
J Laugavegi 170-172 Sími 21240