Morgunblaðið - 16.11.1980, Blaðsíða 35
MORGUNBLAÐIÐ, SUNNUDAGUR 16. NÓVEMBER 1980
35
Hreiðar Stefánsson:
„Börn og unglingar
eru gagnrýnin á
það sem þau lesa“
Hreiðar Stefánsson barnabóka-
höfund og kennara kannast senni-
lega flestir íslendingar við. Hver
man t.d. ekki eftir Öddu-bókunum
sem hann skrifaði ásamt konu
sinni Jennu Jensdóttur?
— En hvað hefur hann skrifað
margar bækur?
nJú þetta er hin sígilda spurning
til barnabókahöfunda. Við Jenna
Jensdóttir höfum í sameiningu
ritað 25 barna- og unglingabækur
auk þess að sjá um efni í eina bók.
En einn hef ég ritað 3 bækur."
— Hvað réð vali þínu að skrifa
fyrir börn og unglinga?
„Þegar ég lauk kennaraprófi
1942 stofnaði ég á Akureyri skóla
sem var nokkurs konar ísaksskóli
Akureyringa og var kallaður
Hreiðarsskóii. Við hann kenndi ég
í 21 ár.
A þeim árum urðu margar af
sögum okkar til í beinum tengsl-
um við daglegt líf barnanna,
umhverfi þeirra og lífshætti.
— Eru börn og unglingar
þakklátir lesendur?
„Já — en þau eru býsna gagn-
rýnin á það sem þau lesa — vilja
bæði hafa það skemmtilegt og
nálægt veruleikanum ef það er úr
daglegu lífi þeirra. Þeim geðjast
ekki að hugmyndafræði sem bygg-
ist á óskhyggju fullorðinna um líf
þeirra og samfélag. Góð ævintýri
lesa börn sér til mikillar skemmt-
unar. Þau auðga hugmyndaflug
barnanna séu þau vel rituð.“
„Strákurinn er
skyldur mér“
Nú er nýútkomin bók þín Grösin
í glugghúsinu. Þú lætur hana
gerast í annarri persónu. Af
hverju?
„Þetta er um margt sérstæð bók
og gjörólík því sem ég hef áður
skrifað, enda má segja að hún sé
ekki síður fyrir fullorðna en börn.
Að ég læt hana gerast í annarri
persónu?
„Jú — strákurinn Garðar er
skyldur mér í allri merkingu þess
orðs. Við skiljum líka hvorn annan
og ég er einfaldlega að rifja upp
með honum liðna tíð, í gleði og
sorg. En þetta er skáldsaga öðrum
þræði og verður að lesast í ljósi
þess. Ég veit ekki til að íslensk
skáldsaga hafi fyrr verið rituð
beint í annarri persónu."
— Hvar og hvenær gerist sag-
an?
„Hún gerist fyrir hálfri öld
síðan. Hún getur gerst hvar sem
er í litlum kaupstað hjá fátækri
verkamannafjölskyldu og á\veita-
bæ þar sem fátæktin setur'mark
sitt á allt og alla. Svona var pað
fyrir fimmtíu árum á landi voru,
þar sem slíkar aðstæður voru og
lýst er í sögunni. Þeir geta borið
um sem vilja vera sannir í minn-
ingunni um þá tíma. Þeir sem gera
það ekki hafa gleymt þeim bitra
veruleika, sem fátækt og brauð-
strit skópu eða hirða ekki um að
muna hann.
— Að lokum, ertu að skrifa
aðra sögu?
„Ég er alltaf eitthvað að dunda
við skriftir. Það er sjálfsagt vani,
sem erfitt er að slíta sig frá. En
hvað um þær skriftir verður leiðir
framtíðin í ljós.“
rmn
Hreiðar Stefánsson
Terylenekápur í sérflokki.
Laugalæk, sími 33755.
i
GOODfÝEAtt
viftureimar
í sérflokki
ódýrar og sterkar
Bygging
GOODpÝEAR
viftureimarinnar
1. Efsti burðarvefur reimarinnar, sem blandaður er gúmmii,
hefur viðnám gegn nlíu, uzuni og polychluropreni, sem
dregur mjug úr iiðunarþreytu og útilokar sprungur.
2. Afar sterkur polyesterþráður með mikið teygjuviðnám
tryggir vurn gegn skyndilegu álagi, gerir endurstrekkingu
óþarfa og gerir kleift að nota litlar reimskífur.
3. Trefjablönduð einangrun eykur stuðugleika reimarinnar.
4. Þriggja laga vefur, sem hefur rafleiðni og er blandaöur poly-
chluropreni, gerir rcimina einkar stöðuga og veitir vörn gegn
sliti og sprungum, jafnvcl þótt notuð séu strekkingarhjól.
HEILDSALA - SMÁSALA
Þurfir þú
nýja reim er
auðvelt að
finna
stærðina.
Slærðin akvörðuð
Þú kemur með
þá ónýtu
Vtö mælum hana
Eða afgreidd eftir Ný reim afhent
númeri
Taflfélag Rvikur:
Skákæf-
ingar fyr-
ir konur
STJÓRN T.R. hefur í hyKKju að
auka þátttöku kvenna i starf-
semi félaKsins. FyrirhuKað er
að hafa kennslu ok skákæf-
inKar fyrir konur. hæði byrj-
endur og lengra komnar.
Þess vegna býður stjórnin
öllum konum, sem áhuga hafa á
skák til fundar um fyrirkomulag
vetrarstarfseminnar og verður
fundurinn haldinn, mánudaginn
17. nóvember 1980, kl. 21.00 í
félagsheimilinu að Grensásvegi
44-46.
Að undanförnu hafa æ fleiri
konur tekið þátt í starfsemi
Taflfélagsins. Enn er þó langt í
land að þær láti jafn mikið að
sér kveða og karlmenn. Eru því
konur eindregið hvattar til að
koma á fundinn og taka þátt í
skipulagningu vetrarstarfsins.
(FréttatilkynninK)