Morgunblaðið - 02.09.1982, Blaðsíða 46
46
MORGUNBLAÐIÐ, FIMMTUDAGUR 2. SEPTEMBER 1982
Fyrsta stigið í Evrópukeppninni
— Jafntefli, 1—1, gegn
Hollandi í Laugardalnum
ÍSLAND og Holland skildu jöfn, 1 — 1, í Evrópukeppni landsliða í knatt-
spjrnu á Laugardalsvellinum i gærkvöldi. Leikurinn var köflóttur, leiðinleg-
ur á köflum, en lifnaði við annað slagið. Hollenska liðið virkaði lengst af
sterkari aðilinn, en átti varla skilið að sigra þar sera það fór illa með tækiferi
sín. Jafntefli gegn Hollandi eru góð úrslit fyrir ísland, því hollensk knatt-
spyrna er mun hærra skrifuð en íslensk, en það er kannski timanna tákn að
islenskt landslið skuli taka stig af Hollandi, en hafa oft á síðustu misserum
leikið mun betur gegn enn sterkari þjóðum. Staðan í hálfleik var 0—0, en
bæði mörk leiksins komu með tveggja mínútna raillibili snemma í síðari
hálfleik. íslenska markið var fallegt og vel að því staðið, en jöfnunarmark
Hollands mikil martröð fyrir islensku vörnina og þá áhorfendur sem á
borfðu.
Leikurinn fór afar rólega af
stað og fyrstu tíu mínúturnar
gerðist hreinlega ekki nokkur
skapaður hlutur og það var ekki
fyrr en á 12. mínútu að almenni-
lega var sótt að öðru markinu. Þá
sóttu Hollendingar, en Þorsteinn
Bjarnason varði vel skot marka-
kóngsins unga, Wim Kieft frá Aj-
ax. Á somu mínútu hvarf Janus
Guðlaugsson af leikvelli, en stöðu
hans tók Gunnar Gíslason. Islend-
ingarnir reyndu að hnýta saman
sóknarlotur annað veifið, ein hin
efnilegasta kom á 17. mínútu, en
hollenski markvörðurinn Van
Breukelen skemmdi allt gamanið
með því að grípa inn í góða fyrir-
gjöf Lárusar, sem ætlaði að því er
virtist að rata til Arnórs. Þor-
steinn Bjarnason varði meistara-
lega hörkuskot Gullits á 21. mín-
útu, missti knöttinn frá sér og
varði síðan aftur er umræddur
Gullit fékk óvænt annað tækifæri.
Hollendingar voru lengst af
mun meira með knöttinn, Islend-
ingar léku hins vegar á „ítalska
vísu“, létu Hollendingum eftir
megnið af grastorfum Laugar-
dalsvallar og biðu eftir skyndi-
sóknarmöguleikum. Einn slíkur
möguleiki bauðst á 31. mínútu,
Viðar Halldórsson sendi þá vel
fyrir hollenska markið frá hægri,
Árnór hafði betur í einvígi við
varnarmenn og þvældi knettinum
til Karls Þórðarsonar sem var í all
góðu færi. En Van Breukelen varði
meistaralega hörkuskot Karls.
Hornspyrnunni sem í kjölfarið
fylgdi björguðu Hollendingar svo
naumlega í annað horn sem ekkert
varð síðan úr. Rétt áður hafði
gamla kempan Willy van der
Kerkhof átt þrumuskot rétt fram
hjá íslenska markinu. Og nokkru
síðar varði Þorsteinn annað gott
skot og var þar Gerard Vanenburg
á ferðinni.
Síðari hálfleikur hófst með flug-
eldasýningu, hann var enn að slíta
barnsskónum er Atli Eðvaldsson
skoraði fallegt mark fyrir ísland.
Arnór Guðjohnsen, besti maður
íslenska liðsins, átti mestan heið-
urinn af markinu, hann fór eins og
eimreið fram hjá þremur hol-
lenskum varnarmönnum og náði
að renna knettinum til Atla áður
en hann valt um koll, Atli tók við
knettinum með viðstöðulausri
fastri spyrnu á hollenska markið
og knötturinn hafnaði neðst í
markhorninu, óverjandi fyrir Van
Breukelen. 1—0 fyrir ísland og
skyndilega fóru að heyrast hvatn-
ingarhróp af áhorfendapöllunum,
en fram að því hafði þar ríkt
sannkölluð haugstemmning.
Markið hafði hins vegar þau
áhrif á Hollendinga að þeir sáu
sæng sína upp reidda. Þeir settu
meiri kraft i sóknina og það tók þá
aðeins 2 mínútur að jafna metin
og var það mark sem er best
gleymt. Schoenaker skallaði svo
sem laglega í netið aukaspyrnu
Rijkards frá hægri, en í fyrsta lagi
var aukaspyrnan óþörf, Marteinn
braut á Rijkard þegar engin
ástæða var til, og í öðru lagi svaf
vörnin svo værum blundi er Rijk-
ard spyrnti fyrir markið, að ekk-
ert annað en mark gat vakið hana.
Það sem eftir lifði leiksins voru
Hollendingarnir talsvert betra lið-
ið, Gullit skallað naumlega yfir á
61. mínútu og 6 mínútum síðar
tókst Schoenaker einhvern veginn
að brenna af einhverju opnasta
tækifæri sem sést hefur í Laug-
ardalnum. Hann virtist greinilega
kolrangstæður, en þar sem hinn
lélegi skoski dómari gerði enga at-
hugasemd, hvað þá línuverðir
hans og landar, þá telst þetta
besta tækifærið sem í súginn fór.
Sókn Hollendinga þyngdist er á
hálfleikinn leið og Þorsteinn
þurfti all oft að taka á honum
stóra sínum, sérstaklega þó þrem-
ur mínútum fyrir leikslok er einn
hollensku leikmannanna sendi
þrumufleyg á markið úr auka-
spyrnu, en Steini sá við piltinum,
sveif upp í markrjáfrið og bjarg-
aði í horn.
íslenska liðið hefur í mörgum af
síðustu Iandsleikjum sínum sýnt
betri knattspyrnu og meiri bar-
áttu en það gerði í gærkvöldi gegn
Hollandi. Oft virtist liðið fremur
stemmningslítið og fyrir kom
oftar en einu sinni, raunar miklu
oftar, að ráðleysis gætti nokkuð,
einkum í sóknarleiknum. Bestu
menn íslenska iiðsins voru Arnór
Guðjohnsen sem fór raunar langt
með að vera besti maðurinn á vell-
inum, Sævar Jónsson, Viðar Hall-
dórsson og Þorsteinn Bjarnason.
Arnór var sívinnandi, skaut upp
kollinum út um allan völl bæði í
sókn og vörn og sprettir hans og
sendingar í sókninni gerðu oft
usla í hollensku vörninni. Val Við-
ars var víða umdeilt, en hann
sýndi og sannaði með traustum og
góðum leik að hann átti heima í
liðinu. Sævar hélt markamaskín-
unni Vim Kieft gersamlega í
skefjum, helst að skamma Sævar
fyrir að skila knettinum illa frá
sér, en langspyrnur hans fram
völlinn slitu miðlínu íslenska liðs-
/ /y
r <
Sagt eftir leikinn:
„Atftum stigið skilið“
Atli Eðvaldsson, lengst til vinstri, skorar mark íslands í gærkvöldi. Til vinstri má sjá Arnór Guðjohnsen liggja á
vellinum, en hann sendi knöttinn til Atla eftir að hafa leikið á þrjá Hollendinga. Ljim. Kriatján Eitumon.
ins oft úr sambandi við sókn og
vörn. Og loks Þorsteinn. Hann átti
stórleik í íslenska markinu, varði
oft frábærlega og greip inn í af
miklu öryggi. Aðrir höfðu mun
hljóðar um sig, helst að Kalli
Þórðar tæki spretti annað kastið
og Lárus reyndar líka einn og einn
sprett.
Hollenska liðið er ungt og efni-
legt lið í mótun. En það á eftir að
mótast mikið væntanlega, því það
er langt frá því að vera neitt yfir-
burðalið og það er hreinlega lélegt
miðað við gullaldarlið Hollands
hér fyrir fáum árum. Sumir
leikmenn liðsins eru bráðsnjallir,
eins og til dæmis bakvörðurinn
Rijkard (nr. 3), en annars eru
leikmenn þess afar jafnir. Á góð-
um degi myndi ísland eiga um-
talsverða sigurmöguleika gegn
þessu liði ef sterkasta liðinu væri
teflt fram, en svo var ekki að
þessu sinni og nægir að benda á
fjarveru leikmanna eins og Ás-
geirs Sigurvinssonar, Péturs Pét-
urssonar og fleiri. — gg.
Þrjú heimsmet
halda velli
HEIMSMETIN í 400 metrum
kvenna og 1500 metrum karla héldu
naumlega velli á miklu frjálsíþrótta-
móti í Briissel um helgina. Marita
Koch A-Þýzkalandi var 27 hundr-
aðshlutum frá metinu í 400 metrum
kvenna er hún hljóp á 48,87 sek.
Hún er fyrrverandi methafi, metið
er nú í eigu tékknesku stúlkunnar
Kratovlichovu.
í 1500 metrum var Bandarikja-
maðurinn Sydney Maree 76 hund-
raðshlutum frá meti Steve Ovett,
hljóp á 3:32,12 mín., sem er Banda-
ríkjamet.
Á móti í Stuttgart á sunnudag-
inn var Bandaríkjamaðurinn
Bobby Roggy einnig skammt frá
heimsmeti í spjótkasti, kastaði
95,80, sem er Bandaríkjamet og
næstbezti árangur sem náðst hef-
ur frá upphafi, en heimsmetið á
Ferenc Paragi frá Ungverjalandi,
96,72 metra. — ágás.
Stórsigur hjá Man. Utd.
MANCHESTER Utd. vann stórsigur
gegn Nöttingham Forest í 1. deild
ensku deildarkeppninar í gærkvöldi.
Lokatölurnar urðu 3—0, en leikið
var á City Ground í Nottingham.
Leikurinn var lengi í járnum, en
Manchester-liðið þó ívið sterkara að
sögn fréttaskeyta. Ekkert var skorað
í fyrri hálfleik, en í þeim siðari héldu
Manchester-liðinu engin bönd, liðið
skoraði þá þrívegis á 11 minútna
kafla og gerði út um leikinn. Ray
Wilkins skoraði fyrsta markið og
Bryan Robson bætti fljótlega öðru
marki við. Þriðja markið skoraði sið-
an táningurinn Norman Whiteside.
United hefur nú forystu í I. deild-
inni, sex stig eftir tvo fyrstu leikina
og markatöluna 6—0.
Tveir leikir aðrir fóru fram í 1.
deild, WBA gersigraði Brighton á
heimavelli sínum með fimm mörk-
um gegn engu. Ally Brown skoraði
tvö af mörkum WBA, en frétta-
skeyti greindu ekki frekar frá
smáatriðum. Þá léku Sunderland
og Notts County á Roker Park í
Sunderland. Jafntefli varð, ekkert
mark skorað.
Þá greindi AP frá einum leik í
2.deild, Newcastle sigraði Black-
burn 2—1 og skoraði Kevin Keeg-
an annað marka Newcastle og hef-
ur því skorað tvívegis í tveimur
fyrstu leikjum sínum með liðinu,
sem unnið hefur báða umrædda
leiki.
Karl Þórðarson
— Ég er ánægður með stigið,
við áttum það skilið, en það var
auðvitað leiðinlegt að fá mark á
okkur strax eftir að við höfðum
náð forystunni, sagði Karl Þórð-
arson, er blm. spjallaði við hann
eftir leikinn.
— Hollendingarnir eru með
mikið af nýjum leikmönnum sem
eiga eftir að verða betri. Hol-
lenska liðið hefur oft verið mun
betra en þetta þegar við höfum
leikið við það, sagði Karl.
Pétnr Ormslev
— Ég er ánægður með úrslit-
in, en við áttum að vinna leikinn.
Við erum farnir að skora á und-
an í hverjum leik á heimavelli og
þetta kemur hjá okkur þegar við
náum upp góðri baráttu, sagði
Pétur Ormslev eftir leikinn.
— Mér fannst Hollendingarn-
ir slakir. Þeir eru að byggja upp
nýtt lið, en við erum nú komnir
með sterkan kjarna og þekkj-
umst orðið mjög vel. Við höfum
að vísu spilað betur en þetta en
samt sem áður var þetta ágætt.
Það sem mér fannst að var að fá
ekki fleiri áhorfendur á leikinn.
Okkur vantaði meiri stuðning.
Jóhannes Atlason
— Það kom smá deyfð í liðið
strax eftir að við vorum búnir að
skora. Þetta er greinilega gott
lið sem er í uppsiglingu hjá Hol-
lendingunum, og við erum líka á
réttri leið, sagði Jóhannes Atla-
son, landsliðsþjálfari.
— Það var erfitt að þurfa að
endurskipuleggja liðið er Janus
meiddist í byrjun, en eitt fannst
mér greinilegt. Hollendingarnir
voru logandi hræddir við okkur,
því þeir brutu mjög mikið á
strákunum fyrsta hálftímann.
Við fengum þá margar auka-
spyrnur rétt við teiginn hjá
þeim.
Atli Eðvaldsson
— Það var ægilega klaufalegt
að fá þetta mark á okkur. Ég var
of seinn upp i skallaboltann, ég
vissi ekki um manninn fyrir aft-
an mig, sagði Atli Eðvaldsson.
— Það var góð barátta í lið-
inu, en mér finnst alveg hneyksli
hvað var lítið af áhorfendum.
Þegar landsliðið leikur erlendis
koma alltaf 10—30 þúsund
manns á völlinn en svo eru sára-
fáir hér. Þetta var mikill bar-
áttuleikur, en það vantaði meiri
stuðning, með honum gætum við
náð betri árangri.
Lárus GuAmundsson
— Ég hef nú mest lítið að
segja. Ánnars var gott að ná
jafntefli. Þeir voru léttleikandi
og sprækir en ekki mjög góðir.
Við hefðum átt að geta unnið þá,
sagði Lárus Guðmundsson eftir
leikinn.
— íslendingarnir léku fast og
vörðust mjög vel. Hollend-
ingarnir hafa kannski ekki búist
við svo erfiðum leik, sagði Eoin
Hand, landsliðsþjálfari írska
lýðveldisins, en hann var meðal
áhorfenda á leiknum í gær. ír-
arnir eru í riðli með Hollending-
um og íslendingum í Evrópu-
keppninni.
— Ég vil engu spá um úrslit
riðilsins. Við tökum hvern leik
fyrir sig og vitum að sigur er
aldrei öruggur fyrirfram. Við
höfum aldrei komist áfram í
keppninni, en við eigum alveg
jafn mikla möguleika og hver
annar að þessu sinni. Hollend-
ingarnir verða sterkir, þeir eru
með góða leikmenn og þá er ég
viss um að Spánverjar verða
mun betri en þeir voru í
HM-keppninni. Það var mikil
pressa á þeim þar og þeir sýndu
ekkert þar.
— íslendingarnir hafa mjög
snögga leikmenn og mér fannst
nr. 9 (Arnór) og nr. 10 (Lárus)
bestir. __ gjj_
íþróttaþing
ÍSÍ um helgina
DAGANA 4. og 5. sept. nk. verður
haldið í Reykjavík, íþróttaþing ÍSÍ í
Kristalssal Hótel Loftleiða, og verð-
ur sett kl. 10.00 laugardaginn 4.
sept.
Urslitaleikur
UBK og Valur leika til úrslita í bik-
arkeppni kvenna í knattspyrnu á
l^ugardalsvellinum í kvöld og hefst
leikurinn klukkan 18.00. UBK á
þarna möguleika á því að vinna tvö-
falt, en liðið varð nýlega íslands-
meistari.