Morgunblaðið - 15.12.1983, Blaðsíða 5

MORGUNBLAÐIÐ, FIMMTUDAGUR 15. DESEMBER 1983
53
Undirnefnd fjárveitinganefndar
starfar á sumrin. Nefndin heyrir
undir fjármálaráðherra, hún er
ekki hefðbundin þingnefnd. Það
var Magnús Jónsson þáverandi
fjármálaráðherra sem fór þess
fyrst á leit við þingflokkana að
þeir tilnefndu menn í nefnd, sem
hann vildi að ynni að ýmsu sem
varðar framkvæmd fjárlaga, t.d.
því að fylgjast með starfsmanna-
haldi, yfirvinnu opinberra
starfsmanna o.fl. Þessi undir-
nefnd hefur starfað æ síðan. Hún
fær þóknun frá fjármálaráðu-
neyti, og er hún eina fastanefnd
þingmanna, sem starfar innan
veggja Aiþingis, sem er sérstak-
lega iaunuð.
Stefnum að raunhæfum
fjárlögum
— Er þessi nefnd eini vísirinn
að þvi að löggjafinn hafi eftirlit
með framkvæmdavaldinu?
Það má segja að þetta sé eini
vísirinn að því að nefnd þing-
manna fylgist með framkvæmd
laga. Ég hef alitaf verið þeirrar
skoðunar að það beri að efla og
auka starf undirnefndarinnar eða
hvað sem menn vilja nú kalla
hana. Það tengist einnig öðrum
hugmyndum um eftirlit með ríkis-
fjármálunum, t.d. þeirri að Ríkis-
endurskoðun, ásamt Fjárlaga- og
hagsýslustofnun og þessari undir-
nefnd ynnu að úttekt á ýmsum
sviðum er varða framkvæmd fjár-
laganna. Þetta eru hugmyndir
sem hafa verið mikið ræddar und-
anfarin ár, en hefur lítið miðað í
þá átt að koma í framkvæmd. Ég
reikna með að það verði reynt að
gera ýmsar breytingar á þessum
sviðum í framhaldi af þessari fjár-
lagaafgreiðslu. Ég tel hana marka
nokkur þáttaskil þar sem við
stefnum alla vega að því að fjár-
lögin verði raunhæf. Það sé ætlað
fé til að reka þá þætti ríkis-
búskaparins sem ekki eru beinlín-
is skornir niður. Á grundvelli fjár-
laga séu síðan gerðar raunhæfar
greiðsluáætlanir sem fylgst verði
með að séu haldnar með þeirri
tölvutækni sem við búum við nú.
Þannig komi rautt ljós á liði, sem
eru að fara úrskeiðis, en ekki rauð
ljós á alla liði eins og nú. Með
þessu verður hægt að ná miklu
betri yfirsýn yfir reksturinn og
fylgjast betur með án þess að allt
sé í hnút. Við teljum líka að með
þessu eigi stjórnendur í ráðuneyt-
um og opinberum stofnunum að
geta beint kröftum sínum fremur
að því að stjórna sinum stofnun-
um i stað þess að standa i eilífum
erindrekstri vegna peningamála.
Reikna ekki með að menn
hrópi húrra yfir fjárveitingum
— Verður að þínu mati rekið
upp mikið ramakvein í þjóðfélag-
inu þegar fjárlög ársins 1984
liggja fyrir?
Eg reikna ekki með að menn
hrópi neitt húrra yfir þeim fjár-
veitingum sem við erum að ákveða
til einstakra framkvæmdaliða.
Málið er einfaldlega, að það er
ekki svigrúm til þess að gera bet-
ur. Menn verða að átta sig á því að
til þess að koma saman fjárlögum
og lánsfjárlögum höfum við aðeins
þrjár fjáröflunarleiðir. í fyrsta
lagi skatta, í öðru lagi innlend lán
og í þriðja lagi erlend lán. Ef við
viljum ekki auka skattana og mið-
um við það innlenda fé sem ríkið
getur tekið til sinna þarfa endum
við alltaf á því, ef við förum út
fyrir þann ramma, að taka þarf
erlend lán. Þetta er glíman sem
við stöndum í. Við verðum að ná
saman endum í fjárlögum og
lánsfjárlögum án þess að leggja á
meiri skatta, án þess að taka
óhóflega mikil innlend lán og án
þess að fara yfir strikið í erlend-
um lánum.
— Verða þetta kreppufjárlög?
Það stefnir í það að þetta verði
þriðja árið í röð sem þjóðartekjur
dragast mikið saman. Aflahorfur
eru enn verri en við gerðum okkur
vonir um í haust. Þorskafli verður
næstum því kannski helmingi
minni en hann var á árinu 1981
þannig að það má auðvitað segja
að þetta séu fjárlög afgreidd við
erfiðar aðstæður, hvort sem við
eigum að kalla þau kreppufjárlög
eða eitthvað annað. Én ljósu
punktarnir í tilverunni eru þó
hversu verðbólgan hefur náðst ört
niður og hvað tekist hefur á stutt-
um tíma að draga úr viðskipta-
halla og erlendri skuldasöfnun.
Þess vegna má segja að það sé
þrátt fyrir allt hægt að búast við
því að með þeirri stefnu sem felst
í fjárlögunum og lánsfjárlögunum
sé hægt að fylgja eftir þessum
bata og árangri á næsta ári. Ef
verðbólgan hefði hins vegar ætt
áfram og viðskiptahallinn orðið
eins geigvænlegur eins og á horfð-
ist þá byði ég yfirleitt ekki í að
standa í því að reyna að stjórna
íslenskum þjóðarbúskap.
Tel ekki ástæðu til að óttast
verulegt atvinnuleysi
— Er hætta á að atvinnuleys-
isvofan verði fylgifiskur þessara
fjárlaga?
Það sem maður hefur áhyggjur
af i sambandi við atvinnumálin
eru aflahorfur og það hefur líka
orðið allmikill slakki i ýmsum
greinum iðnaðar, fyrst og fremst
byggingariðnaðar og skipasmíða-
iðnaðar. Allt tengist það meira og
minna þvi að það er minni afli en
áður. Á þessum sviðum er ástæða
til að hafa mikla gát, en að öðru
ieyti held ég að það sé ekki ástæða
til að óttast verulegt atvinnuleysi.
Niðurskurðurinn eins og hann
er hugsaður á ekki að bitna á at-
vinnustiginu að minnsta kosti
ekki teljandi. Auðvitað þýða
þrengri fjárveitingar til fram-
kvæmda að það verður minni at-
vinna miðað við hvað annars hefði
orðið, en ég tel ekki ástæðu til að
ætla að það aðhald sem í þessu er
verði til þess að atvinnuleysi
hljótist af. Varðandi opinbera
starfsmenn má til dæmis nefna að
í heilbrigðiskerfinu er frekar að
búast við að starfsfólki i heild
fjölgi, einfaldlega vegna þess að á
ýmsum sviðum heilbrigðisþjón-
ustunnar er verið að bæta þjón-
ustuna og auka hana, t.d. er verið
að auka rými til þess að hjúkra
öldruðum.
F.P.
Á norrænu umferðarári:
Spurningakeppni skólabarna
ÞESSA dagana fer fram í skólum
um allt land spurningakeppni 6—12
ára barna um umferðarmál, sera
kallast „í jólaumferðinni'*. Ætla má
að þetta verði síðasta verkefnið á
Norrænu umferðaröryggisári sem
börnin fá við að glíma, og er um að
ræða 10 spurningar um hin ýmsu
atriði umferðarinnar.
Tilgangur keppninnar er sem
fyrr að vekja athygli barna og
fjölskyldna þeirra á umferðarregl-
um og mikilvægi þess að hafa þær
í heiðri í hvívetna. Ætlast er til að
börnin glími sem mest sjálf við
spurngingarnar, en foreldrar fari
yfir þær með börnum sínum. Með
þvi móti má ætla að málin verði
rædd fram og aftur, og allir verði
hæfari þátttakendur í umferðinni
á eftir.
Félög, stofnanir og fyrirtæki
gefa yfirleitt þau verðlaun sem í
boði eru, en venjan er að draga úr
réttum lausnum. Þeir heppnu
mega svo eiga von á að einkenn-
isklæddur lögreglumaður heim-
sæki þá rétt fyrir jólin. í Reykja-
vík fá 175 börn bókaverðlaun, og
mun lögreglan heimsækja þau á
aðfangadag.
Umferðarráð hvetur skólastjóra
um allt land eindregið til þess að
nálgast getraunaseðlana á póst-
húsi sínu, þannig að ekkert barn
verði afskipt i þessum efnum.
Á sama hátt eru kennarar og
foreldrar vinsamlegast beðnir um
að sjá af nokkrum mfnútum í
þessu skyni, þrátt fyrir marghátt-
aðar annir fyrir jólin.
(Fréttatilkynning)
ítölsk
hnífapörúr
eðalstáli
ítölsk hönnun og handverk.
Hver hlutur er úr handslípuðu stáli,
og hnífarnir eru þar að auki með
sérhert stál og sög í hnífsblaðinu.
ALESSI DRY fást hvort heldur
er í lausu eða í settum.
ítölsk gjafavara — þú gengur
að gæðunum vísum.
Sérverslun með listræna húsmuni
Borgartún 29 Sími 20640