Morgunblaðið - 14.02.1985, Blaðsíða 34
34
MORGUNBLAÐIÐ, FIMMTUDAGUR 14. FEBRÚAR 1985
Loðnuveiðin:
Þróarrými á þrotum
I KJÖLFAR mikillar loðnuveiði að
undanfornu er þróarrými nú víðast á
þrotum á Austfjörðum og í Vest-
mannacvjum. Löndunarbið eða sigl-
ingar á hafnir lengra frá miðunum
taka því við og um leið dregur úr
veiðigetu flotans. Veiðin síðastliðinn
þriðjudag varð 16.860 lestir af 24
bátum og síðdegis í g*r hafði verið
tilkvnnt um samtals 6.210 lesta afla.
Nú eru um 160.000 lestir eftir af
heildarkvótanum.
Síðastliðinn þriðjudag tilkynntu
eftirtalin skip um afla: Jón Kjart-
ansson SU, 900, Þórður Jónasson
EA, 490, Rauðsey AK, 590,
Skarðsvík SH, 620, Hákon ÞH,
800, Gísli Árni RE, 630, Hilmir II
SU, 530, Helga II RE, 530, Beitir
NK, 1.100, Erling KE, 450, Pétur
Jónsson RE, 750, Börkur NK,
1.050, Svanur RE, 660, Keflvíking-
ur KE, 520, Örn KE, 580, Dagfari
ÞH, 530, Víkurberg GK, 550,
Þórshamar GK, 600, Fífill GK,
630, Huginn VE, 580, Albert GK,
600, Súlan EA, 770, Grindvíkingur
GK, 1.000, og Sigurður RE 1.400
lestir.
Síðdegis í gær höfðu eftirtalin
skip tilkynnt um afla: Húnaröst
ÁR, 610, Hrafn GK, 550, Guð-
mundur Ólafur ÓF, 600, Sighvatur
Bjarnason VE, 350, Gullberg VE,
560, Bergur VE, 100, Höfrungur
AK, 900, Magnús NK, 520, Eldborg
HF, 1.400, og Harpa RE 620 lestir.
„Ópera á ferð og flugi“ leggur af stað norður. Frá vinstri Garðar Cortes,
söngvari, Sigurbjarni Þórmundsson, Ijósameistari, Anna Júlíana Sveinsdótt-
ir, söngvari, Elín Sigurvinsdóttir, söngvari, Halldór Vilheimsson, söngvari,
Ólöf Kolbrún Harðardóttir, söngvari, John Speight, söngvari, og Marc
Tardue, stjórnandi og undirleikari.
„Ópera á ferð og flugi“
íslenska óperan heldur í söngferð
norður í land dagana 16. til 18.
febrúar nsstkomandi. Sex óperu-
söngvarar, undirleikari og Ijósa-
meistari eru með í ferðinni.
Flutt verður óperan Síminn eft-
ir Menotti, atriði úr Carmen eftir
Bizet og La Traviata eftir Verdi.
Síminn, sem er stutt gamanópera,
verður flutt í heiid sinni, en sögu-
maður kynnir nánar óperurnar
Carmen og La Traviata milli söng-
atriða.
Söngvararnir, sem syngja í
„óperu á ferð og flugi“, eru: Ólöf
Kolbrún Harðardóttir, Anna Júlí-
ana Sveinsdóttir, Elín Sigurvins-
dóttir, John Speight, Halldór Vil-
helmsson og Garðar Cortes.
Stjórnandi og undirleikari er
Marc Tardue og ljósameistari Sig-
urbjarni Þórmundsson.
„Öpera á ferð og flugi" verður í
Skjólbrekku, Mývatnssveit, 16.
febrúar, kl. 21.30, Samkomuhús-
inu, Akureyri, 17. febrúar, kl.
15.00, Miðgarði, Skagafirði 17.,
febrúar, kl. 21.30 og félagsheimil-
inu Blönduósi, 18. febrúar kl.
21.00. (FréttatilkrniiinK)
Þórunn Sólveig Þor-
steinsdóttir látin
LÁTIN er í Keykjavík Þórunn Sól-
veig Þorsteinsdóttir, Ægissíðu 94.
Hún fæddist á Eiðsstöðum við
Bræðraborgarstíg í Reykjavík 24.
desember 1927, dóttir hjónanna
Ástu Jónsdóttur frá Eiðsstöðum og
Þorsteins Árnasonar vélstjóra.
Hún giftist eftirlifandi eigin-
manni sínum, Friðrik Jörgensen,
1947 og bjuggu þau allan sinn
búskap í Reykjavík. Hún var aðal-
eigandi, ásamt manni sínum,
fyrirtækisins Innkaup hf. og
stjórnarformaður þess síðastiiðin
10 ár.
Úr Rashomon. Arnér Benónýsson t.v. og Guðjón P. Pedersen í hlutverk-
um sínum.
eyjum 1951 og var hún sýnd hér
á landi nokkrum árum síðar.
Fay og Michael Kanin sömdu
síðan leikgerð upp úr sögunum
og kvikmyndinni. Leikritið var
frumsýnt á Broadway í New
York árið 1959 og varð strax
mjög vinsælt.
Leikritið fjallar um Samurai-
hermann sem er á ferð um skóg
ásamt konu sinni. Á vegi þeirra
verður stigamaður og heillast
hann af fegurð konunnar. Áður
en fundi þeirra lýkur er búið að
drepa Samurai-hermanninn og
nauðga eiginkonunni. Ekki er þó
ljóst hver drap manninn og í
hvaða tilgangi. Við yfirheyrslu
koma fram fjórar mismunandi
lýsingar á atburðunum og virðist
hver frásögn fyrir sig trúverðug.
Leikurinn gerist við Rashom-
on, hlið hinnar fornu höfuðborg-
Þjóðleikhúsið frumsýn-
ir Rashomon í kvöld
f KVÖLD frumsýnir Þjóðleikhúsið
leikritið Rashomon eftir Fay og
Michael Kanin í þýðingu Árna
Ibsen. Leikstjóri er Haukur J.
Gunnarsson, leikmynd og bún-
ingar eru eftir Svein Lund Roland
og lýsingu annast Árni Baldvins-
son. Haukur og Hörður Harðar-
synir útfærðu bardagaatriði.
Leikendur í sýningunni eru
Bessi Bjarnason, Hákon Waage,
Gunnar Eyjólfsson, Guðjón P.
Pedersen, Arnór Benónýsson,
Tinna Gunnlaugsdóttir, Jón S.
Gunnarsson, Þórunn Magnea
Magnúsdóttir og Birgitta Heide
úr lslenska dansflokknum.
í frétt frá Þjóðleikhúsinu seg-
ir að verkið sé m.a. upprunnið í
japanskri þjóðsögu frá 9. öld.
Snemma á 20. öldinni samdi jap-
anska skáldið Ryunosuke Akut-
agawa tvær smásögur upp úr
þessum heimildum og árið 1950
gerði japanski kvikmyndagerð-
armaðurinn Akira Kurosawa
mynd eftir þeim. Kvikmyndin,
sem einnig heitir RASHOMON,
hlaut fyrstu verðlaun á alþjóð-
legu kvikmyndahátíðinni f Fen-
ar Japan, Kyoto. Þrír ólíkir
menn, utangarðsmaður og háð-
fugl, prestur og alþýðumaður
sem stundar viðarhögg, leita sér
skjóls í hliðinu í rigningu. Þeir
rekja morðsöguna og jafnframt
eru atburðir sögunnar leiknir.
Þremenningarnir takast á um
þær siðferðisspurningar sem
upp koma og hefur hver þeirra
sitt til málanna að leggja í þeim
efnum.
önnur sýning á Rashomon
verður sunnudaginn 17. febrúar
nk.
INNLENT
Nafn Ármanns
Snævarr féll niður
f FRÉTT á miðsíðu Morgunblaðs-
ins í gær um útkomu 10. bindis af
Landsyfirréttar- og hæstaréttar-
dómum féll niður, að Ármann
Snævarr, fyrrverandi hæstarétt-
ardómari, sá um útgáfuna. Þetta
er þriðja bindi heildarútgáfunnar,
sem Ármann Snævarr hefur séð
um útgáfu á.
Hjálpartækjasjóðurinn afhendir lyftu-baðstól. Frá vinstri: Helgi Ólafsson
fasteignasali, Reykjavík, Axel Jónsson fyrrv. alþingismaður, Kópavogi, Elín
Dungal læknaritari, Auður Sigurðardóttir yfirsjúkraþjálfari, fsak Hallgríms-
son yfirlæknir og Guðrún Helgadóttir hjúkrunarforstjóri.
Sænskur trú-
fræðiprófessor
heldur hér
fyrirlestra
STJORN Elli- og hjúkrunarheimil-
isins Grundar hefur veitt guðfræði-
deildinni styrk til að fá hingað er-
lendan fyrirlesara sem verður dr.
Per Erik Persson, prófessor í trú-
fræði við guðfræðideild Lundarhá-
skóla, og verða fyrirlestrar hans
dagana 18. til 20. febrúar nk.
Efni fyrirlestranna og funda
sem hann mun halda með prest-
um og fleirum verður skýrslan
„Skírn, máltíð Drottins, þjón-
usta“, sem nýlega kom út í ís-
lenskri þýðingu, en prófessor
Persson er einn af höfundum
hennar sem aðili að trúar- og
skipulagsmálanefnd Alkirkju-
ráðs um árabil.
Leiðrétting
NAFN yfirlögregluþjónsins á
Akranesi misfórst í frétt af skipan
hans í embætti. Yfirlögreglu-
þjónninn á Akranesi er Svanur
Geirdal. Mbl. biðst velvirðingar á
þessnm mistökum.
Hjálpartækjasjóöur stofnaður við
Heilsuhæli NLFÍ í Hveragerði
STOFNAÐUR hefur verið Hjálpar-
tækjasjóður Heilsuhælis NLÍ í Hver-
agerði.
Hlutverk sjóðsins er að standa
að kaupum á hjálpartækjum til
nota fyrir dvalargesti. Stjórn
sjóðsins skipa framkvæmdastjóri
heilsuhælisins, yfirlæknir og
hjúkrunarforstjóri. Þá er ákvæði
um að ávallt skuli vera starfandi
þriggja manna nefnd dvalargesta,
sem hefur það hlutverk að kynna
tiigang sjóðsins og afla honum
fjár, sem m.a. hefur verið gert
með frjálsum framlögum. Þá hafa
listamenn, sem dvalið hafa á
heilsuhælinu, gefið listaverk til
fjáröflunar fyrir sjóðinn.
Fjársöfnunin hefur gengið vel
og var fyrsta tækið afhent 17.
janúar. Er það lyftu-baðstóll, sem
notaður er við að koma fötluðu
fólki í baðker.
Velunnarar heilsuhælisins víðs-
vegar um landið geta tekið þátt í
þessu með því að senda framlög til
Hjálpartækjasjóðs Heilsuhælis
NLFI, Hveragerði.
(Úr frélUtilkynninpi.)
Fyrirlestur á vegum Geðhjálpar
KRISTÍN Waage félagsfræðingur
vcrður með fyrirlestur í geðdeild
I>andspítalans fimmtudaginn 14.
febrúar kl. 8.30. Fyrirlesturinn verð-
ur um málcfni aðstandenda þeirra
er dvelja á geðdeild Landspítalans.
Munið félagsmiðstöðina Veitu-
sundi 3b, þar er opið hús laugar-
daga og sunnudaga frá kl. 14—18
og fimmtudagskvöld frá kl.
20—23, simaþjónusta miðviku-
daga frá kl. 16—18.
(FrétUlttkjnning.).