Morgunblaðið - 14.02.1985, Blaðsíða 41
MORGUNBLAÐIÐ, FIMMTUDAGUR 14. FEBRÚAR 1985
41
Hvað er góð
menntun?
— eftir Guðrúnu
Helgu Sederholm
Bessí Jóhannsdóttir, varafor-
maður Fræðsluráðs Reykjavíkur,
setti fram all sérkennilega hug-
mynd í grein sem hún skrifaði í
Morgunblaðið 2.2. ’85. Hugmynd
hennar fól í sér að kennurum yrðu
greidd laun miðað við höfðatölu í
bekk. Það er að segja ef nemendur
í bekk væru fleiri en 24 þá fengi sá
kennari, sem treysti sér til að
kenna þeim fjölda, sérstaka upp-
bót. Fyrr í greininni lýsti hún
þeirri skoðun sinni að gæði
kennslunnar færu ekki eftir fjölda
nemenda í bekk. Útilokað er að
trúa því að varaformanni
Fræðsluráðs sé alvara, nema því
aðeins að viðkomandi hafi ekki
hundsvit á kennslu í grunnskóla.
ósennilegra er þó að varaformað-
urinn hafi ekki lesið grunnskóla-
lögin, því þar stendur í víðfrægri
grein að þarfir einstaklingsins
skuli setja ofar öllu.
Hvað varaformaðurinn og hans
líkar kalla góða menntun markast
sennilega af lífsskoðun þess hóps
s.s. verkfræðingurinn er sælli en
skósmiðurinn og er þar að auki
fjölskyldunni til mikils sóma, eða
eitthvað í þá veru, ef litið er á
greinina í heild.
Uppeldishlutverk skólanna fær
ekkert rými í fyrrnefndri grein.
Nú ættu þeir sem starfa eitthvað
að fræðslumálum í landinu að vita
að það er og verður stór hluti
kennslunnar og alls skólastarfs.
Kennari verður að hafa tíma og
svigrúm til að eiga orðaskipti við
nemendur sína þó málefnin sem
Guðrún Helga Sederholm
rædd eru séu ekki samofin ártöl-
unum í íslandssögunni. Eins og
glögglega kom fram í svari Elínar
Olafsdóttur, kennarafulltrúa í
Fræðsluráði miðvikudaginn 6.2.,
þá verður þetta ekki gert með
færibandavinnu í skólunum.
Tölurnar sem varaformaðurinn
býður lesendum uppá í upphafi
greinar sinnar eru mjög villandi,
þó tilgangurinn hafi verið að leið-
rétta villur annarra. Þar segir
m.a. að árið ’74—’75 hafi
nemendafjöldinn í gagnfræðaskól-
um verið 24,37 nemendur í bekk.
Þennan vetur kenndi ég í nokkr-
um bekkjum í unglingadeild
Breiðholtsskóla og yfirleitt voru
nemendur í bekk 28—33. Ég tek
enn undir orð Elínar, þetta meðal-
tals bull um óþægilegar tölur er
engum boðlegt.
Það hlýtur að vera sameiginlegt
markmið foreldra og kennara að
hlúa þannig að skólunum að þeir
geti sem best undirbúið nemendur
fyi?r lífið, hvert svo sem hugur
nemenda stefnir til framhalds-
náms. Réttur nemanda til virð-
ingar sem einstaklingur, í skóla og
utan, er svo sjálfsagður að hroll-
vekjan um fleiri en 24 nemendur í
bekk má ekki verða að veruleika,
hvað þá að markmiði.
Guðrún Helga Sederholm er, kenn-
arí og formaður SÁUM (Samtök
áhugamanna um uppeldis- og
menntamH).
PÝSKUR KOSTAGRIPUR
FRÁ VOLKSWAGEN
BÍLL SEM HÆHR ÖLLUM
FRAMHJÓLADRIFINN @ SPARNEYTINN
RÚMGÓÐUR @ PÆGJLEGUR
UPUR OG SNAR @ ENDINGARGÓDUR
Verð frá kr. 386.000.-
6 ÁRA RYDVARNARÁBYRGD
Líffræði handa
framhaldsskólum
MÁL og menning hefur sent frá sér
bókina Líffræði handa framhalds-
skólum eftir Colin Clegg. Bókinni er
ætlað að bæta úr brýnni þörf fyrir
nýja kennslubók í líffræði handa
framhaldsskólum, og hefur fjöldi
líffræðikennara og annarra fræði-
manna unnið að þýðingu hennar og
staðfæringu.
í formála sínum segja þýðendur
m.a.: „Bók þessi gefur greinargott
yfirlit yfir helstu svið líffræðinnar
og hún ætti að nýtast við allt al-
mennt líffræðinám í framhalds-
skólum landsins. í bókinni er lögð
óvenjumikil áhersla á umhverfis-
þætti, enda skipa þeir æ veglegri
sess í daglegri umræðu um líf-
fræðileg málefni."
Framsetning er með margvísleg-
um hætti, og er vikið sérstaklega
að tilraunum og hagnýtum fræðum
í lok hvefs kafla. Fjölmargar
myndir og skýringatöflur eru í bók-
inni, til að gera efnið sem aðgengi-
legast.
Ritstjórn íslensku útgáfunnar
var í höndum þeirra Hákons
Óskarssonar, Hálfdans Ómars
Hálfdanarsonar og Sigurðar Svav-
arssonar.
Líffræði handa framhaldsskólum
er 328 bls. að stærð og unnin í
Prentsmiðjunni Odda hf. Kápu-
mynd er eftir Skúla Þór Magnús-
son.
(FréUatilkynning)
ÞAU KEPPA SÍN Á MILLI
en þó er tvennt sem sameinar þau:
1. Þau reka bæði sólbaðsstofu og vilja bæði,
að gestir þeirra fáí fallegan. brúnan
hörundslit.
2. Þau vita bæði. að til þess að góður
árangur náist í sólarlampa þarf tvennt til;
Það þarf örlítið magn af svokölluðum
B-geislum sem örva frumumyndun i húðinni.
Og það þarf nægjanlegt magn af A-geislum
sem gera húðina brúna.
ÞAU KEPPA SÍN Á MILLI
en hafa sameinast um OSRAM
OSRAM hefur áratuga reynslu í gerð
sólarlampa og hefur náð sérlega góðum
árangri varðandi hámark A-geisla og lágmark
B-geisla. Rétt samspil A og B-geisla er
galdurlnn á bak við hættulaus sólböð í
lampa. Öðrum framlelðendum hefur ekki
tekist eins vel. Vissar sólarlampaperur eru
hættulegar. Þær hafa of mikið af B-geislum
og of lílið af A-geislum. Málið er einfalt.
Það er hreinlega ekki vit (öðru en að aðgæta
hvort það sé OSRAM pera í lampanum.
JÓHANN ÓLAFSSON & C0. HF.
Þú getur reitt þig á OSRAM