Morgunblaðið - 08.06.1986, Blaðsíða 53
MORGUNBLAÐIÐ, SUNNUDAGUR 8. JÚNÍ1986
*- 53
Skapgerðarleikari þolir
ekki skítuga
sokka
Þeir sem fjalla að jafnaði um
kvikmyndir í Bandaríkjunum áttu
vart nógu sterk orð til að lýsa
aðdáun sinni á nýju mynd Sean
Penn þegar hún var tekin til sýn-
inga í apríl síðastliðnum. Hún nefn-
ist „At Close Range" (sem á ís-
lensku kalla mætti „Af stuttu færi“
og fjallar um hræðileg fjölskyldu-
morð sem áttu sér stað í Pennsylva-
níu fyrir átta árum. Johnston feðg-
unum hafði orðið sundurorða, svo
faðirinn fékk tvo kunningja til að
sitja fyrir syni sínum, sem Sean
leikur, og fjórtán ára gamalli kær-
ustu hans. Sonurinn fékk átta
byssukúlur í skrokkinn en lifði af,
stúlkan hins vegar ekki.
Þetta er kjaminn í sögu þeirri
sem gamall vinur Seans, James
Foley, hefur kvikmyndað. Þá hafði
lengi langað til að vinna saman,
allt frá því Sean byijaði ungur að
leika í kvikmyndum. Hann var
innan við tvítugt þegar hann fékk
sitt fyrsta hlutverk, en það var fyrir
„Fast Times at Ridgemont High“
sem Sean vakti fyrst verulega at-
hygli. Myndin var ósköp venjuleg
saga um samdrátt stráka og stelpna
á gagnfræðaskólaaldri, en Sean
stakk í stúf við meðleikendur sína
því hann léði persónu sinni magnað-
an sánnfæringarkraft sem hina
skorti. Síðan fylgdu þijár myndir í
kjölfarið: Bad Boys, Crackers (með
Donal Sutherland) og Racing with
the Moon, en tvær síðastnefndu
myndirnar hafa enn ekki verið
sýndar hér.
Sean hlaut mikið lof þegar „Fálk-
inn og snjómaðurinn" var sýnd;
hann var að segja skilið við ungling-
inn sem hann hafði leikið og var
farinn að takast á við þróttmeiri
og flóknari persónur. (Þó var einn
gagnrýnandi, Pauline Kael sem
hefur mikil áhrif, ekki hrifín; hún
taldi Fálkann afturför). En það
verður forvitnilegt að sjá hvað hún
segir um „Af stuttu færi“, því flest-
ir sem skrifað hafa um hana til
þessa eru yfir sig hrifnir. Ef marka
má skrif gagniynanda vikuritsins
Time ætti Sean að eiga góða mögu-
leika á Óskarsverðlaunum að ári.
Sean leggur mikið á sig við
undirbúning mynda sinna. Hann
þyngdist til dæmis um tíu kíló fyrir
nýju myndina og stundum krefst
hann þess að samstarfsmenn sínir,
meðleikarar, leikstjóri og aðstoðar-
fólk allt kalli sig nafni persónunnar
sem hann er að leika hveiju sinni;
gleymir sínu rétta nafni. Þessi
aðferð er ekki algeng, og skal engan
undra, því Sean sjálfur er meira að
segja að gefast upp á henni. Hann
segir að fólk ruglist of mikið á
nöfnum. Hvað undirbúninginn varð-
ar segist Sean vera skapgerðarleik-
ari, en gangi þó ekki eins langt og
t.d. DeNiro, eða Nolte, sem gengur
vikum saman í sömu fötunum til
að komast inn í persónuna sem
hann leikur. Það segist Sean Penn
ekki geta þótt lífíð lægi við, hann
hefur ímugust á skítugum sokkum.
HJÓ tók saman.
Madonna leikur nú með manni sinum, Sean Penn, í kvikmynd-
inni Shanghai Surprise, sem George Harrison framleiðir.
■Hróöleikur og X/ skemmtun fyrir háa sem lága! Innilegustu þakkir fœri ég hreppsnefnd Suður- fjarðarhrepps, Kvenfélaginu Framsókn, öðrum hreppsbúum Bíldudals, œttingjum og vinum sem glöddu mig á nírœðisafmœli minu þann 21. maísl.
Guð blessi ykkur öll. Kristín Jónsdóttir.
Möguleikar Macintosh Plus
eru meiri en þig grunar.
Macintosh Plus er einfaldasta,
en um leið ein öflugasta einkatölvan
sem þú færð í dag,
með 1024K minni og innb.800K drifi.
Þú þarft ekki að kunna neitt á
tölvu, þegar þú færð þér
Macintosh Plus.
Samt geturðu notað hana þér
til gagns eftir klukkutíma.
Og einhver öflugustu forrit til
fyrirtækjastjómunar
svo sem "OMNIS 3+" og "EXCEL"
eru skrifuð fyrir
Macintosh Plus
Macintosh Plus
tölvan sem ryður sér til rúms
á skrifborðum athafnamanna.
Þú færð hana fyrir
aðeins 119.900,- kr.stgr.
25% útborgun og eftirst. á 6-8 mán.
SKIPHOLTI 19
SÍMI 29800
622522
iPiagii
Sparisjóður Reykjavíkurog nágrennis
Fyrir þig og þína