Morgunblaðið - 24.02.1988, Blaðsíða 38
MORGUNBLAÐIÐ, MIÐVIKUDAGUR 24. FEBRÚAR 1988
•38
Nefndarálit um leiðbeiningar-
þjónustu landbúnaðarins:
Sent landbúnaðar-
ráðherra í vikunni
Hefði þurft að liggja fyrir í upphafi Bún-
aðarþings segir formaður nefndarinnar
Morgunblaðið/PPJ
Kúbanskar flugvélar íReykjavík
TVÆR flug-vélar frá flugfélagi Kúbumanna, Cubana, höfðu viðkomu á Reykjavikurflugvelli á
mánudaginn. Þœr voru báðar í feijuflugi frá Kúbu til Kænugarðs í Sovétríkjunum en þangað fara
flugvélamar í gagngera skoðun og eftirlit hjá Antonov flugvélaverksmiðjunum.
Onnur þeirra er farþegaflugvél af gerðinni Antonov AN-24, sem tekur um 50 farþega, en hin er far-
þegaflugvél af gerðinni Antonov AN-26 og er útbúin stórri hurð að aftan þannig að hægt er að aka vörum
að og frá borði. Kúbanskar flugvélar í feijuflugi eru ekki sjaldséðar á Reykjavíkuflugvelli en óvenjulegt er
að þær séu tvær saman. Oftast hafa flugvélar Cubana tveggja daga viðdvöl hér á leiðinni yfir Atlantshaf.
Löbbum ekkí ínn í Sunda-
höfn með kratasamninga
- segir Sigurður Rúnar Magnússon, aðaltrúnaðarmaður Dagsbrúnar í Sundahöfn
HAFNARVERKAMENN Eim-
skipafélags íslands lögðu niður
vinnu á hádegi í gær og lá öll
vinna niðri á hafnarsvæði fé-
lagsins eftir hádegið, að sögn
yfirverkstjóra í Sundahöfn.
Starfsemi var með eðlilegum
hætti hjá skipadeild Sambands
islenskra samvinnufélaga í
Sundahöfn, þ.e. unnið var til
klukkan 17 eins og verið hefur
nema þijá fyrstu dagana eftir
að Dagsbrún setti vaktavinnu-
bann á hafnarvinnu, en þá var
unnið til kl. 19. Starfsemin var
einnig með eðlilegum hætti hjá
Ríkisskip.
Sigurður Rúnar Magnússon,
aðaltrúnaðarmaður Dagsbrúnar í
Sundahöfn, sagði að meginástæða
þess að menn hefðu ekki mætt til
vinnu eftir hádegið væri sú að
Eimskip hefði ráðið verktaka til
þess að tæma gáma í gærmorgun.
Eftir að rætt hefði verið við við-
komandi, sem hefðu verið Dags-
brúnarmenn, og málin skýrð fyrir
þeim hefðu þeir hætt vinnu. Önnur
ástæða væri að slitnað hefði upp
úr samningaviðræðum við hafnar-
verkamenn á miðnætti á sunnu-
dagskvöld þegar átt hefði að ræða
launatölur. Hafnarverkamenn
hefðu einir allra í landinu verið
með einhveijar aðgerðir til þess
að knýja á um kröfur sínar og
hann vildi taka það fram að þeir
væru ekki í þessum aðgerðum fyr-
ir neina nema sjálfa sig. „Það er
enginn sem þrýstir á okkur, hvorki
frá Verkamannasambandinu eða
Dagsbrún, þó svo að vinnuveitend-
ur vilji halda því fram,“ sagði Sig-
urður.
Hann sagði að hafnarverka-
menn hefðu verið komnir langt
með að gera samning við skipafé-
lögin, sem fæli í sér veigamiklar
breytingar og myndi bæta þjón-
ustu skipafélaganna við viðskipta-
menn sína. Þannig hefðu til dæm-
is verð gert ráð fyrir að stokka
upp hádegis- og kaffitíma, og gef-
ið hefði verið eftir hvað varðaði
ýmsar ævafomar hefðir við höfn-
ina.
„Þegar menn voru orðnir ásátt-
ir um þetta og farið var að ræða
hvað þetta ætti að kosta, kemur
í ljós að við erum ekki lengur að
semja við skipafélögin. Þá erum
við að semja um opinbera stefnu
ríkisvalds og Vinnuveitendasam-
bands og greiðslugetu fískvinnsl-
unnar í landinu. Við erum ekki
að bijóta upp allt vinnukerfí okkar
til þess að láta svo fiskvinnslufyrir-
tæki út á landi skammta okkur
kaupið í gegnum Eimskipafélag
íslands. Það er alveg ljóst,“ sagði
Sigurður.
Hann sagði að síðan hefði það
virkað eins og olía á eld að Eim-
skip hefði ráðið til sín verktaka inn
á hafnarsvæðið, sem hefðu gengið
inn í störf verkamanna og hefðu
hafíð losun á gámum á allt öðrum
kjörum en hafnarverkamenn ættu
að venjast.
„Það fór eins og bylgja yfir alla
að það væri ekki ástæða til þess
að halda þessu fyrirtæki opnu öllu
lengur, þegar að ævafomar hefð-
ir, vinnureglur og almenn kurteisi
hefði verið þverbrotin á þennan
hátt. En sjálfsagt mæta menn í
fyrramálið, eins og ekkert hafi í
skorist," sagði Sigurður.
Hann sagði að vinnuveitendur
hefðu haft tíma frá því í sumar
að laga ákveðna þætti í kjörum
hafnarverkamanna og hann hefði
margítrekað það við starfsmanna-
hald Eimskips og fleiri að í óefni
stefndi vegna mannaskorts og
óþjálfaðra manna, en hafnarvinn-
an væri orðin talsvert sérhæft
starf. Það hefði komið fyrir ekki.
í raun hefði þetta hafist fyrir jól-
in, þegar kaup skrifstofumanna
Eimskips hefði vérið hækkað um
helming, en óbreyttum starfs-
ÁGÚSTA Þorkelsdóttir gagn-
rýndi á Búnaðarþingi á mánu-
dag að ekki lægi fyrir í upp-
hafi þings álit nefndar, sem
landbúnaðarráðherra skipaði í
nóvember síðastliðnum og átti
meðál annars að setja fram
hugmyndir hvernig æskilegt
væri að haga skipan leiðbein-
ingaþjónustu í þágu landbúnað-
arins. Jón Hólm Stefánsson,
mönnum ekki umbunað í einu eða
neinu. Hins vegar hefði verka-
mönnum í Sundahöfn verið sendur
reikningur fyrir kuldagöllum, sem
þeir hefðu tekið út til þess að geta
unnið störf sín.
„Við sem erum í fyrirsvari fyrir
þessa menn ætlum ekki að labba
inn í Sundahöfn með einhveija
kratasamninga eða eitthvað sem
hefur verið ákveðið á eldhúsborð-
inu hjá fjármálaráðherra. Þeir
geta stjómað efnahagsmálum
þjóðarinnar á annan hátt en í
gegnum verkafólk. Okkur er alltaf
kennt um allt sem miður fer, þó
þessir menn séu sjálfír með allt
niðrum sig. Það er kominn tími
til þess að menn átti sig á_ því að
það er ekki verkafólk á íslandi,
sem er orsökin fyrir því að verð-
bólga veður hér upp um allt. Það
eru einhveijir aðrir, sem standa
þessum mönnum nær heldur en
við,“ sagði Sigurður.
Aðspurður um þá staðhæfíngu
að skipum hefði verið beint til
haftiar í Hafnarfírði eftir að vakta-
vinnubannið hófst, sagði Sigurður
að hann hefði rætt í gær við hafn-
arverkamenn í Hafnarfírði og
hefði ekki ástæðu til að ætla ann-
að en skip myndu fá þar sömu
þjónustu og þau fengju nú í Sunda-
höfn.
formaður nefndarinnar, segir
þessa gagnrýni vera eðlilega.
Störf nefndarinnar eru mjög
viðamikil og ekki tókst að skila
áliti hennar fyrr, en það verður
sent landbúnaðarráðherra í
þessari viku.
Jón Hólm Stefánsson sagði í
samtali við Morgunblaðið að
líklega myndi ráðherra leggja álit
nefndarinnar fyrir Búnaðarþing í
lok vikunnar eða um helgina.
Hann sagði að engin tímamörk
hefðu verið sett á störf nefndarinn-
ar, enda væri starfssvið hennar
mjög yfírgripsmikið. Hins vegar
hefði alltaf verið stefnt að því að
ljúka störfum fyrir Búnaðarþing
svo hægt væri að ieggja málið
fyrir þar.
Sagðist hann vona að tími yrði
til að fjalla um álit nefndarinnar
um leiðbeiningaþjónustuna og að
það fengi góða umfjöllun þrátt
fyrir að það hafi ekki legið fyrir
í upphafí þingsins. Það væri mjög
slæmt ef það tækist ekki.
„Gagnrýni Ágústu er eðlileg.
Þetta er stórt og mikið mál og
hefði þurft að liggja fyrir í upp-
hafí þingsins. Hins vegar ber að
líta á það að við erum ekki skipað-
ir í þessa nefnd af bændasamtök-
unum til þess að leggja málið fyr-
ir þingið, heldur eru það stjóm-
völd sem skipa okkur,“ sagði Jón.
Nefndarálitinu verður ekki skil-
að í endanlegri mynd nú. Einn
kafli stendur eftir sem fjallar um
mat á þjónustunni hjá heildarsam-
tökunum og búnaðarsamböndun-
um úti í héruðunum. Þar er meðal
annars komið inn á fjármögnun.
Auk leiðbeiningarþjónustu land-
búnaðarins fjallaði nefndin um
fræðslustarfsemina, rannsóknar-
starfsemina, fjármögnunarleiðir
og að nokkru leiti um hagfræði-
mál bændastéttarinnar og sjóða-
kerfíð.
Jón sagði að verið gæti að álits-
gerð nefndarinnar verði ekki lögð
í heild fyrir Búnaðarþing, heldur
aðeins einstakir hlutar hennar.
11 mál á mánudag
Alls voru 11 mál lögð fyrir
Búnaðarþing á mánudag. Þar á
meðal erindi Búnaðarsambands
Kjalamesþings um upplýsinga- og
leiðbeiningastöðvar í landbúnaði,
frumvarp til laga um breytingu á
lögum nr. 46/1985 um fram-
leiðslu, verðlagningu og sölu á
búvömm, frá landbúnaðamefnd
efri deildar Alþingis og tillaga til
þingsályktunar um innflutning
íoðdýra. til kynbóta.
Á fundi Búnaðarþings, sem
hófst kl. 15.30 í gær vom lögð
fyrir 10 mál. Þar á meðal vom
erindi Búnaðarsambands Austur-
Húnavatnssýlu um heildarúttekt á
nýbúgreinum, einnig varðandi lög-
boðnar greiðslur til bænda sam-
kvæmt jarðræktar- og búfjárrækt-
arlögum og um endurkoðun fé-
lagslegrar uppbyggingar bænda-
samtakanna og félagskerfí land-
búnaðarins. Einnig var lagt fram
erindi formannafundar búnaðar-
sambanda um rekstrarforsendur
loðdýraræktar og um eflingu leið-
beiningaþjónustu og rannsókna í
landbúnaði, erindi Búnaðarsam-
bands Austurlands um stuðning
við loðdýrarækt og fleiri.
Fmmvarp til laga um breytingu
á lögum nr. 46/1985 um fram-
leiðslu verðlagningu og sölu á
búvömm var lagt fram til fyrri
umræðu.
Eimskip hefur ekki
ráðið neina verktaka
- segir Hörður Sigurgestsson, forstjóri Eimskipafélags íslands
HÖRÐUR Sigurg-estsson, for-
stjóri Eimskipafélags íslands,
segir að það sé rangt að félagið
hafi ráðið verktaka tíl að ganga
inn í störf verkamanna við höfn-
ina. „Hins vegar teljum við okk-
ur hafa fullan rétt til þess, hvort
sem um er að ræða yfirvinnu-
bann eða ekki, að ráða verktaka
til þess að sinna einstökum störf-
um,“ sagði Hörður í samtali við
Morgunblaðið.
„Dagsbrúnarmenn í Sundahöfn
hafa gripið til ólöglegra verkfalls-
aðgerða, sem hafa verið skipulagð-
ar með þáttöku Dagsbrúnar og
með aðild stjómarmanna í Dags-
brún. Við lítum svo á að þessi ólög-
lega verkfallsaðgerð sé á ábyrgð
Dagsbrúnar og félagið muni verða
að taka afleiðingum af henni, ef
til kastanna kemur. Meðan á ólög-
legum verkfallsaðgerðum stendur
munum við ekki taka þátt í að ljúka
þeirri samningagerð sem nú stend-
ur yfír," sagði hann ennfremur.
„Eimskip hefur ekki ráðið neina
verktaka til að annast störf sem
þessir Dagsbrúnarmenn hafa al-
mennt verið að fást við. Hins veg-
ar réðum við fjóra Dagsbrúnar-
menn til að vinna við hleðslu og
losun á gámum. Þeir eru á launa-
skrá hjá Eimskip á sömu kjörum
og aðrir og vinna eftir Dagsbrúnar-
samningi," sagði Hörður.
Hann sagði að þessir menn
hefðu verið ráðnir í gærmorgun
og ekki komið til starfa fyrr en
undir hádegi og því teldi félagið
að stjóm Dagsbrúnar hefði verið
búin að undirbúa þessa aðgerð
áður. Um þá spumingu hvort skip-
um hefði verið beint til Hafnar-
fjarðar í auknum mæli eftir boðun
vaktavinnubannsins, sagði hann
að Eimskip hefði alltaf beint skip-
um öðru hvom til Hafnarfjarðar
og færi það eftir hvaða álag og
afköst væru í Sundahöfn. Þetta
hefði til dæmis iðulega verið gert
á sumrin þegar bann við helgar-
vinnu væri í gildi hjá Dagsbrún.
Eimskip hegðaði þessu eftir þörf-
um á hveijum tíma.
„Við teljum að þetta sé van-
hugsuð aðgerð af háifu Dags-
brúnar og ef eitthvað er mun hún
aðeins hleypa illu blóði í þá samn-
ingagerð sem nú stendur yfír og
torvelda að það fínnist lausn. Það
tjón sem af þessu hlýst verður
ekki notað til þess að bæta kjör
þeirra sem eiga hlut að máli. Áð-
gerð af þessu tagi eykur ekki kaup-
rnátt," sagði Hörður Sigurgestsson.
að lokum.